كل ام "موظفة" تدخل بليز

**Dreamer** · 2011-09-25, 12:11

السلام عليكم ورحمه الله وبركاته

عندي سؤال محيييييرني وااااااااااايد تعبت من التفكير فيه وايد

خواتي الامهات الي يشتغلن ..انتوا متزوجات وعندكن ريل و عيال الحمدلله صح؟؟

اوكي

الحين انا محيرني شي

الحرمه الي ريلها مب مقصر في حقها من ناحيه الفلوس و المصروف و مدخل عياله احسن المدارس و كل سنه سفره و دايما يعطي حرمته هدايا

من كم يوم وايد انصدمت من شي.......... شفت بنت تقرب لي في مكان من الاماكن الحكوميه تشتغل هناك !! انصدمت لانه ماشاءالله ريلها عنده خير ! و هي تشتغل و مخليه عيالها الصغار ودوامها لين العصر وايد طويل!!

حريم بالله عليكن الي جذيه ليش تشتغل؟؟

؟؟؟؟؟؟؟

متى تلحق تهتم بريلها ؟؟ متى تتعدل له وتهتم بنفسها له ؟؟ عقب تي تشتكي اتقول ريلي يخوني ....دواج

خلوا الريل في صوب..
الحين متى تلحق تسوي الغداء و الريوق؟؟
لا تقولون ع الخدامه ولا ع الطباخ....؟؟؟؟

دواماتنا طويله مثل ما تعرفون ..تي من الدوام هلكانه و تعق عمرها ع الشبريه بترقد

ولو رقدت هالوقت ...اليهال عند منو؟ الخدامه ؟؟

الصبح وهي في الدوام وين اليهال؟؟ في الحضانه ؟ الوافدات ولا الاجنبيات هن بيربونهم؟؟

بنقول كبار يعني ابتدائيه و جيه ماعليه بس يهال من سن شهر لين ٦ سنوات هالوقت اكثر وقت الياهل يحتاج عنايه و تربيه حتى الكلام مابيعرف يتكلم مثل الناس لو ماكانت مجابلتنه الام

الحين هي تركت اهم وظيفه لها في هالدنيا وهي الامومه وراحت تسوي شي ما يليق مع طبيعتها

خواتي خبروني الحين الي ريلها مرتاح ماديا ...شو الاسباب الي تدفعكن للشغل

لو سمحتوا كونوا صريحات ..

هل هو كماليات ؟

تبين شنطه ماركه مثلا؟ سياره كشخه؟ اتحرين فلانه عشان اتدخلين عيالج المدرسه الفلانيه؟
تسافرين؟ تعتنين بنفسج تجميلياً وماتبين تطلبين من ريلج ؟؟؟

لو كان واحد من هالاسباب فاعذريني واسمحي لي اقولج انتي ام فاشله

ودرتي عيالج في البيت ولا في الحضانه وركضتي ورا هواج واخر شي يطلع جيل فاشل تربية خدامات و اجنبيات ولا يعرف يقول جمله بالعربي على بعضها !!!!

شو مستقبل هالجيل لو جذيه بدايته مع هالانواع من الامهات عديمات المسؤوليه؟؟

للاسف ما اشوف مستقبل مشرق لهم!!

واحي كل ام قعدت في البيت في سبيل انها تربي عيالها التربية الصحيحه وبضميييير مع اني اعتقد هالنوع انقرض الحين ماشي

انا ما اقول كل ا لموظفات الامهات جذيه ....حرام فيه حد محتاج وريايلهم بخلاء بس انا اتكلم عن الي ماشي ناقصنهااااااااا بالمره بس بطره

ولا تقولولي ملل في البيت!!! مليون شي تقدرين اتسوينه ! انا قعدت في البيت ٥ سنوات ونص بدون شغل ومب معرسه بعد يعني ماعندي شي اسويه مول ، وفوق هذا ابد ما حسيت بالملل بالعكس وايد سويت وانجزت اشياء عمري ما سويتها قبل!! وما كنت اطلع من البيت بعد!!
وعادي !!!

الله يخليكم شو تبون بالشغل الزفت ؟؟؟ ذل و كل يوم تسمعين لج كلمه تجرحج و اتجاملين و تنافقين بس عشان راتب !! وكل واحد يحش ورا الثاني وبلاوي وايد
لا ولو عندج مشاكل في بيتج بعد ..همج همين ..الدوام من صوب والبيت من صوب!!

وغير جذيه الشغل في مكان مختلط ومافي داعي اخبركم عن هالموضوع لانه الكل عارفه انه حرام و تحتكين بريايل

زميلاتي الموظفات الي متزوجات و عندهن عيال كم يشتكن ..احس لو انا مكانهم ابد ما بستحمل نفسي!!
انا حاليا اشتغل و مب معرسه وراتبي وايد زين الحمدلله بس والله اتمنى ارد اقعد في البيت بدال هالذل و السخافه !! ولو عرست وكان ريلي مقتدر مستحيل افكر اشتغل!!! احسن لي معززه مكرمه في بيتي!!!!

شهييييييق

زفييييييير

ههههههه اوووووف كنت معصبه سوري
اسمحوا لي شوي هالموضوع ينرفزني عشان جيه اشتطيت في الكلام

خخخخخخخخخخ
طلعت الي في قلبي لول

الله يعيني ع الردود الحين هههههههههههه
والسموحه ع الإطاله

المزيد من آخر المواضيع من نفس القسم:

**لطّــوف** · 2011-09-25, 12:30

ههههههه تنرفزت من كلامج بيني و بينج كلامج كله انتقادات،،

مع اني ضد ان الحرمه تشتغل لو عندها بيت و عيال

يعني ان شا الله لو عرست بجابل بيتي و مستحيييييل افكر اييب خدامه تربي عيالي !!

بس بعد تنرفزت خخخخ

سبحان الله ما تعرفين شو السبب ورا كل شي،، و مب شرط كل من اشتغل يعني بطره

و مب شرط كل وحده داومت يعني مخليه بيتها و عيالها بدون رعايه و لا اهتمام

و يمكن يوم ترجع تعوض الوقت الي طاف كله! ماتدرين

يالله الدنيا بعدها بخير،، و ان شا الله الاوضاع تتيسر للجميع امين =)

**Dreamer** · 2011-09-25, 13:12

المشاركة الأصلية كتبت بواسطة لطّــوف

ههههههه تنرفزت من كلامج بيني و بينج كلامج كله انتقادات،،

مع اني ضد ان الحرمه تشتغل لو عندها بيت و عيال

يعني ان شا الله لو عرست بجابل بيتي و مستحيييييل افكر اييب خدامه تربي عيالي !!

بس بعد تنرفزت خخخخ

سبحان الله ما تعرفين شو السبب ورا كل شي،، و مب شرط كل من اشتغل يعني بطره

و مب شرط كل وحده داومت يعني مخليه بيتها و عيالها بدون رعايه و لا اهتمام

و يمكن يوم ترجع تعوض الوقت الي طاف كله! ماتدرين

يالله الدنيا بعدها بخير،، و ان شا الله الاوضاع تتيسر للجميع امين =)

ههههههههههه

فديتج انا مب بانيه كلامي على ظن فقط!!

المصيبه اعرف واااااااايد حريم يشتغلن واسألهن!! ويقولون ماشي ناقصنهن بس جي اشتغل! ملل و كل الاسباب الي كتبتها فوق!!!!!!

منو قالج ما واجهتهن لا فديتج

والمشكله كل الاسباب الي تدفعهن لشغل هي الي ذكرتها فوق !! ! هذيلا الي مرن علي!!

حبيبتي انا ما عميت ع الكل! ووضحت انه في حد عنده ظروف مايعلمها الا الله

بس انا الفئة الي اطريها الي صدق مب محتاااايه

**Miss.Feminine** · 2011-09-25, 13:52

المشاركة الأصلية كتبت بواسطة Dreamer

ههههههههههه

فديتج انا مب بانيه كلامي على ظن فقط!!

المصيبه اعرف واااااااايد حريم يشتغلن واسألهن!! ويقولون ماشي ناقصنهن بس جي اشتغل! ملل و كل الاسباب الي كتبتها فوق!!!!!!

منو قالج ما واجهتهن لا فديتج

والمشكله كل الاسباب الي تدفعهن لشغل هي الي ذكرتها فوق !! ! هذيلا الي مرن علي!!

حبيبتي انا ما عميت ع الكل! ووضحت انه في حد عنده ظروف مايعلمها الا الله

بس انا الفئة الي اطريها الي صدق مب محتاااايه

يمكن ما تحب تطلب من ريلها فلوس و تستحي صح يعطيها بس تحتاج تعطي اهلها تبا تاخذ هدايا لربيعاتها امها اخوها ريلها مب ملزوم بها و ما تحب تكون مقيده

يا شيخة انا كنت اطلب من ابوي كيف من ريلي اقوله عطني ابا خلصت فلوسي !!

يمكن من الملل العيال فالمدارس و ريلها فالدوام و هي فالبيت من الفراغ قالت بشتغل !

و بعدين منو قال المرة اللي تشتغل ما تتفيج لشي !!!

من وعيت على الدنيا و امي تشتغل

و ما شاء الله عليها

اشوفها كل يوم على سنجت 10 !! و تدرسنا وتسهر و تقعد مع ابوي و تطلع و كل شي عادي !!

و ابوي مب مقصر و لا حارمنها من شي عشان تقولين محتاجه لا ابدا اللي تبيه حاضر !!

و حلو الحرمه تكون مستقله بذاتها تحس بالامان اكثر

شفتي اظن اغلب شكاوي الحريم و تقولج وين اروح مالي احد وما اشتغل

ولا ريلي ما يعطيني و اهلي ما بيتحملوني

محد يظمن الزمن ترا غدار << و الحكمة تقووول كل شي معقووول

و الحرمه دوم شهادتها و شغلها سلاحها لان الاستقلال يولد القوة و الامان

**Dreamer** · 2011-09-25, 14:01

المشاركة الأصلية كتبت بواسطة Miss.Feminine

يمكن ما تحب تطلب من ريلها فلوس و تستحي صح يعطيها بس تحتاج تعطي اهلها تبا تاخذ هدايا لربيعاتها امها اخوها ريلها مب ملزوم بها و ما تحب تكون مقيده

يا شيخة انا كنت اطلب من ابوي كيف من ريلي اقوله عطني ابا خلصت فلوسي !!

يمكن من الملل العيال فالمدارس و ريلها فالدوام و هي فالبيت من الفراغ قالت بشتغل !

و بعدين منو قال المرة اللي تشتغل ما تتفيج لشي !!!

من وعيت على الدنيا و امي تشتغل

و ما شاء الله عليها

اشوفها كل يوم على سنجت 10 !! و تدرسنا وتسهر و تقعد مع ابوي و تطلع و كل شي عادي !!

و ابوي مب مقصر و لا حارمنها من شي عشان تقولين محتاجه لا ابدا اللي تبيه حاضر !!

و حلو الحرمه تكون مستقله بذاتها تحس بالامان اكثر

شفتي اظن اغلب شكاوي الحريم و تقولج وين اروح مالي احد وما اشتغل

ولا ريلي ما يعطيني و اهلي ما بيتحملوني

محد يظمن الزمن ترا غدار << و الحكمة تقووول كل شي معقووول

و الحرمه دوم شهادتها و شغلها سلاحها لان الاستقلال يولد القوة و الامان

ههههههه حلو كلامج واسلوبج ^ـ^

اول شي قبل كل شي فديتج انا طريت الي مول مب محتاجه

يعني الي ريلها يعطيها وزود ومب مشكلته لو هي ما تعرف تقتصد!
والهدايا مب كل يوم؟! عادي يعني موسميه ...

وبعدين هذا ريلها ...ليش بعد تستحي تطلب منه ؟؟؟؟؟ وااااااابويه انا عليكن ههههههه

ماشاءالله على امج والله يخليها لكم

..ويخليلج والدينج ان شاءالله ! اختي امج شكلها دوامها يخلص جيه ١ الظهر ولا ٢ صح؟؟ احس الساعه ١ الظهر وايد معقووول و

مب شرات الباقين ٤ او ٥ او ٦

لا تقوليلي ملل في البيت !!!!!! الريل في الدوام و العيال في المدارس مليون شي عندها اتسوي!!

الا الي يمكن ما عندها بارض لشي فتقول ملل ...

**pinky pearl** · 2011-09-25, 14:23

الغالية أنا بسألج سؤال

هل ريلج بيعطيج 20 أو 30 ألف شهريا ؟؟

اذا بيعطيج اقعدي في البيت و ريحي عمرج ليش الكرف والتعب

لكن اغلب الرياييل وبشكل عام مايعطي الحرمة أكثر عن 5 الي 10 ألف شهريا

بتقولين لي شو بتسوي ب 20 أو 30 الف شهريا ؟؟

- تجمع حق عمرها الانسان مايضمن نفسه .

- تساعد أهلها (لأنها مستحيل تطلب من ريلها عشان أهلها).

- تسوي لها بزنس خاص فيها (وهذا يحتاج له راس مال شهري )

- عندها شهادة وخبرة .. الدولة صرفت عليها بالالاف .. وهي تقدر تشتغل وتفيد بلادها .. ياما حريم رفعوا دوائر حكومية لأعلى الرتب بسبت ذكاءهن واخلاصهن .

بالنسبة للعيال ؟؟

الغالية مب شرط كل أم تشتغل مب مهتمه بريلها وعيالها ..

مب شرط أنها عاقتهم بالحضانات ولا المدارس أنها مب مهتمه فيهم ..

بالعكس أنا حاليا أدور لبنتي على حضانة مع أن عندها بيت عمتها .. بس أبى بنتي تستفيد من وقتها تتعلم أشياء تنفعها ..

و بالنسبة للطبخ .. ؟؟

لا تقولي لي البشكارة تطبخ عنها ليش ما تطبخ حق ريلها وعيالها ... ؟؟

الغالية اسمحلي أنا كل الى اعرفهن قاعدات في البيوت ما يدخلن حتى المطبخ كل شي تسويه البشكارة ولا الطباخ ... يعني سواء هي قاعدة ولا تشتغل الوضع نفسه..

الغالية

لا تسمعي من هالحريم الى في الدوامات على فكرة وايد يشتكن لكن نص كلامهن خرابيط ..

تقولج ريلي ما يقصر فيني يسوي لي ويعمل لي ..

الغالية في بعض الحريم وأنا هذيلا صادفت وايد منهن ريلها مرتاح وعنده فلوس وخير بس الدرهم ما تشوفها

أنا اعرف وحده ريلها لواء .. تشتغل مشرفة في باص ...

ليش يقولها أنا مالي خص في مصروفج .. اذا تبين طلعيه بنفسج أنا ماعندي فلوس

و نحن أغلب الرياييل الى عندنا على كثر الخير الى عندهم يلعبون فيه في البنوك والسيارات ..

والحريم وايد يحبن يتشكن وأنتي بعدج بنت ما جربتي الحياة الزوجية في تعقيدات كثير

مب نفس الحياة الى تكونين في بيت أهلج مع أمج وأبوج ...

لا حياة الزوج مختلفة ..

أنتي تدخلين على مجتمع يديد .. أفكار يديدة .. يمكن تفاجئين فيها ..

بس هذي هي الحياة

السموحة منج حبوبة وفديتج بس حبيت أوضح لج هالنقطة أن مب كل حرمة تقول أنا مرتاحة صدق هي مرتاحة

ولو هي مرتاحة صدقيني بتقعد في بيتها عند ريلها وعيالها بدون تردد

لأن مرد الحرمة بيتها .. وراحتها في بيتها ...

**Dreamer** · 2011-09-25, 14:40

المشاركة الأصلية كتبت بواسطة pinky pearl

الغالية أنا بسألج سؤال

هل ريلج بيعطيج 20 أو 30 ألف شهريا ؟؟

اذا بيعطيج اقعدي في البيت و ريحي عمرج ليش الكرف والتعب

لكن اغلب الرياييل وبشكل عام مايعطي الحرمة أكثر عن 5 الي 10 ألف شهريا

بتقولين لي شو بتسوي ب 20 أو 30 الف شهريا ؟؟

- تجمع حق عمرها الانسان مايضمن نفسه .

- تساعد أهلها (لأنها مستحيل تطلب من ريلها عشان أهلها).

- تسوي لها بزنس خاص فيها (وهذا يحتاج له راس مال شهري )

- عندها شهادة وخبرة .. الدولة صرفت عليها بالالاف .. وهي تقدر تشتغل وتفيد بلادها .. ياما حريم رفعوا دوائر حكومية لأعلى الرتب بسبت ذكاءهن واخلاصهن .

بالنسبة للعيال ؟؟

الغالية مب شرط كل أم تشتغل مب مهتمه بريلها وعيالها ..

مب شرط أنها عاقتهم بالحضانات ولا المدارس أنها مب مهتمه فيهم ..

بالعكس أنا حاليا أدور لبنتي على حضانة مع أن عندها بيت عمتها .. بس أبى بنتي تستفيد من وقتها تتعلم أشياء تنفعها ..

و بالنسبة للطبخ .. ؟؟

لا تقولي لي البشكارة تطبخ عنها ليش ما تطبخ حق ريلها وعيالها ... ؟؟

الغالية اسمحلي أنا كل الى اعرفهن قاعدات في البيوت ما يدخلن حتى المطبخ كل شي تسويه البشكارة ولا الطباخ ... يعني سواء هي قاعدة ولا تشتغل الوضع نفسه..

الغالية

لا تسمعي من هالحريم الى في الدوامات على فكرة وايد يشتكن لكن نص كلامهن خرابيط ..

تقولج ريلي ما يقصر فيني يسوي لي ويعمل لي ..

الغالية في بعض الحريم وأنا هذيلا صادفت وايد منهن ريلها مرتاح وعنده فلوس وخير بس الدرهم ما تشوفها

أنا اعرف وحده ريلها لواء .. تشتغل مشرفة في باص ...

ليش يقولها أنا مالي خص في مصروفج .. اذا تبين طلعيه بنفسج أنا ماعندي فلوس

و نحن أغلب الرياييل الى عندنا على كثر الخير الى عندهم يلعبون فيه في البنوك والسيارات ..

والحريم وايد يحبن يتشكن وأنتي بعدج بنت ما جربتي الحياة الزوجية في تعقيدات كثير

مب نفس الحياة الى تكونين في بيت أهلج مع أمج وأبوج ...

لا حياة الزوج مختلفة ..

أنتي تدخلين على مجتمع يديد .. أفكار يديدة .. يمكن تفاجئين فيها ..

بس هذي هي الحياة

السموحة منج حبوبة وفديتج بس حبيت أوضح لج هالنقطة أن مب كل حرمة تقول أنا مرتاحة صدق هي مرتاحة

ولو هي مرتاحة صدقيني بتقعد في بيتها عند ريلها وعيالها بدون تردد

لأن مرد الحرمة بيتها .. وراحتها في بيتها ...

معاج حق اختي

الله يعين الجميع ان شاءالله

**Pheno-m-enon** · 2011-09-25, 17:33

حبوبة انتي عايشة ويا هالحريم؟ الجواب هو لا
ما عليج من شكاويهم ترا الشكاوي وايد
و خل الحريم يشتغلون احسنلهم و يكون لهم مكان!
انا كان بيتقدملي واحد.. قالي ماباج تدرسين (يالسة اكمل ماجستير) و ماباج تشتغلين و ماباج تسوقين سيارة!

وانا كل هالاشيا يالسة اسويها احينه
يعني تبا تشطب شخصيتي و استوي بس اغسل و انظف و اييب عيال!
سوري يعني بس انا مب هذا طموحي!
و شي واحد حريم طموحهم اكبر من انها اتم ف البيت!

هالشي مب غلط! بالعكس!
و ترا معظم الحريم اللي يالسات ف البيت من ريلها يلعب بذيله تحس عمرها بتموت
لانه ويهها ف ويه هالريال
و تحس "اونه" دنياها مب شي بدونه

و غير هذا.. ترا مب كل من قالت ريلي يسفرني معناته يسفرها ع حسابه!
اسمحيلي شي رياييل يخلون الحرمة تدفع جان هي ف خاطرها تسافر
او هي نص و هو النص!
و ودري عنج رمسة الحريم اللي ما تودي و لا تييب

نصها خرط و نصها كلام فاضي و شكوى
هي تقولج تشتغل لانها ملانة.. هل انتي متاكدة انه عسب هالشي؟
و حتى لو ملانة ماشي مشكلة.. خليها ع الاقل احسن من كئابة البيت
و العيال مب شرط مهملتنهم.. يمكن هي اكثر انسانة تهتم بعيالها

و عاد يالللله.. ماشوف الحريم اللي ميلسات ف البيت عيالهم احسن ف شي
كل وحدة زاختلها تلفون (اقصد البعض) و عيالهم ف الشارع
و من عرس لعرس و من عزيمة لعزيمة و عيالها ما تعرف شو سووا ف دنياهم
إذا ما تعرفين الصدق ف رمستهم لا تتهجمين عليهم = )

**مسايل55** · 2011-09-25, 17:39

وايدات يشتغلن وهم مب محتاجين بس ياخذونه من ناحية تسليه واعاده ثقه بالنفس

**حور الصبايا** · 2011-09-25, 18:00

أنا ضد كلامج طبعاً..

لأني مع الحرمة تشتغل و بشده بعد..طبعاً الي ما تقصر ف حق بيتها و عيالها و تحطيهم ف مكان أمان يوم تكون فالدوام و من ترد الي ف راسها عقل تعرف كيف تتصرف و تقسم وقتها شي حق عيالها و شي حق ريلها و شي حق بيتها..
و بعدين مب كل شي فلوس يعني في واايد بنات رياييلهم مب مخلين عليهم قاصر و يشتغلون عادي ما فيها شي مب عيب يكون عندها طموح..و الواحد ما يعرف شوو بيصير لي جدام يمكن تضمن مستقبلها..
طبعاً أنا ما أقول اتبدي الشغل على بيتها بس إذا عندها الاشخاص الي تأمن عليهم عيالها ليش لا..

**مسك غالي** · 2011-09-25, 19:37

أنا وياج أن الحرمه مالها غير بيتها وعيالها بس نفس ما قلتي على حسب الظروف وعن نفسي ما أشتغل بس

أوقات أتعب وايد من العيال ما أقدر أجابلهم أبغي أشرد عنهم ههههههه فديتهم

**Back 2 Home** · 2011-09-25, 20:25

up up up

**خيوط ملونه..** · 2011-09-25, 20:47

فديتج هم فعلان احس ماعندهم سالفه يعني دام عندي خير الحمدلله شو ابا بالتعب ههههههههـ
بس شو نقوول غير كل واحد عقله في راسه ويعرف خلاصه

**وجدان الفجر** · 2011-09-25, 21:56

أختي عجبني الموضوع وعجبني تفاعل اللأخوات معاه, أنا معاج وما معاج

أنا بصراحة أتمنى لو كل الحريم ( وأنا أولهم) متزوجات وغير متزوجات نقعد في البيت وما في حرمة تضطر تشتغل لأي سبب!!!!!! بس وآه من كلمة بس!!! هناك ظروف مرات تجبر الحرمة تشتغل, بغض النظر عن الناحية المادية, حتى لو زوجها مقتدر مرات أهلها يبوها تشتغل!! نعم!! أعرف وحدة موظفة رحت أزورها بعد ولادتها بطفلها الثالث وكان قريب بتخلص إجازة الوضع وبترجع للدوام , فقالت لو الود ودي ماأبا أرجع الدوام,و خلي الياهل. فقالت لها وحدة من الأخوات خلاص أستقيلي وقعدي في البيت وربي عيالج أحسن لج ما شاء الله رجلج راتبه ممتاز ( فعلاً زوجها الله يبارك لهم مقتدر جداَ مالياً) فقامت أم الوالدة وعصبت وقالت: ليش إن شاء الله تستقيل ؟ هوحنا درسناها وصرفنا عليها علشان تقعد في البيت؟؟؟؟؟؟؟؟؟؟ إحنا من أول مشترطين على ريلها أتم في شغلها, الشغل سلاح في إيدها!! طبعاً الكل سكت وغيرنا السالفة بعد ما تكهرب الجو

قصة ثانية: وحدة مع أنه زوجها ما قاصرنه شي وعنده وعند أهله خير بس قبل ما يتزوجها قال لها أستمري في شغلج وما أبا تستقيلي لين توصلي سن التقاعد وما با شي من راتبج كله لج بس يمكن نحتاج في المستقبل لراتبج!!!!!!!!!!! القصة الثالثة ( شكلي قاعدة أقول حزاوي) وحدة عندها يهال وبعد تشتغل وريلها يباها تستقيل وما مقصر مادياً معاها, بس هي ماراضية ويوم سألناها ليش مصرة تمي تشتغلي ؟؟ قالت : خواتي كلهن يشتغلن !! فكيف أنا أقعد بدون شغل؟
طبعاً بس أكيد كل وحدة بظروفها وأكيد في حريم عندهن أسباب مقنعة وفي أسباب هايفة وفي غصب عنهن.

**أم مييد** · 2011-09-25, 23:16

السموحه فديتج موضوعج نرفزني ،،،، انا انسانه دارسه ومتعلمه عسب ايلس فالبيت اوكي ريلي وعيالي لي حق عليهم بس مب معناته اني ادوام انا هامله عيالي ،،، وفديتج انتي بنت وبعدج ما تعرفين الحياه الزوجيه ولا الزوج ،،، لا تتحرينها نفس حياتج في بيت ابوج وامج ،،، والريال يحب الحرمه اللي تنمي من نفسها وشخصيتها وتكون قويه ،،، مب بس قالبيت والعيال والطباخ وخلاص وشخصيتي ودراستي وتعليمي كله يروح عشان بس ايلس بالبيت وهو يكمل دراسته ويشتغل وينمي نفسه وانا تم مثل ما انا اكيد بروح يدور وحده من نفس مستواه فكري والعلمي والعملي ،،، انا الحمدالله ما قاصرني قصور وريلي ما مقصر صح مب كل سنه سفره ولا دوم نروح مطاعم بس عايشه بنعيم وياه بس بعد ابا اشتغل لاني بعدي ما اشتغلت وريلي بنفسه يدور لي شغل ،،،، حبوبه الواحد ما ضامن الزمن ماتعرفي شو يبصير باجر ،،،، والسموحه منج احس موضوعج سخيف وماله داعي لانج تتهجمين على الناس بس جي وانتي ما تعرفين ظروف كل وحده وانا اقولها لج ان شاءالله بشتغل بس مب للماده ولا عسب اشتري شنطه لا فديتج بس عسب اكون نفسي وزيد من ثقتي لنفسي واخدم دولتي اللي ما قصرت معاي لانه لها حق عليه

الموضوع: كل ام "موظفة" تدخل بليز

أدوات الموضوع

عرض

كل ام "موظفة" تدخل بليز

المزيد من آخر المواضيع من نفس القسم:

المواضيع المتشابهه

طلبية العضوه خفوق الشوق """""""""هديه رجاليه"""""""""

احلى مخاوير طبعه للعيد بارخص الاسعار"""""""""""""""

""""""" عـــــــــــــاجل " ممكن فستاااااان للأجـــــــــــــــــار سمول """"""""""