جامعة زايد او كلية التقنيه او جامعة الشارجه

**المياسه 2** · 2011-09-08, 22:48

اللي درسو في هالاماكن التربويه الثلاث يفيدوني وين الاحسن
بنتي دخلت كلية التقنيه من اسبوع وحطوها تخصص على طول لانها نجحت في السيبا
بس مب مرتاحه تقول التعلم عندهم بطيئ وهيه لغتها الانجليزيه ممتازه
وتبا تحول ل جامعة زايد او جامعة الشارجه

اول سؤال يصير تحول ل جامعة زايد

؟؟

والسؤال الثاني

وين الاحسن بين هالجامعات الثلاث

وشو رايكم في تخصص بزنس انترناشونال ( حاليا بنتي اختارت هــــــ التخصص )

؟؟

مع انه بنتي تحب تدرس اخراج تلفزيوني ونحنا مب راضين وهالتخصص موجود في جامعة زايد

واللي ما عندها فكره ترفع لي الموضوع لانها اول اسبوع في الدراسه وفيه مجال تغير

مع اني نصحيتها تكمل هالسمستر ولو ما ارتاحت نغير لها السمستر الياي

مع شكري للجميع

المزيد من آخر المواضيع من نفس القسم:

**um 6m6m** · 2011-09-08, 23:14

انا خريجه جامعه زايد- بوظبي

اذا بنتج لغتها الانجليزيه قويه وعندها ايلس 5.5 وهي جديه خلها تنقل ع جامعه زايد
لان الدراسه يبالها جد وخلها تنتبه عالمعدل مالها وتحاول يكون فوق ع طول

واهم شي استخيري انتي وهي والله انشالله بيسر لها امورها

**الروح }--** · 2011-09-08, 23:30

اختي انا من جامعة زايد ..

اذا بنتج عندها لغة انجلزية قوية وابداع وجدية ومواهب وحب استطلاع وانفتاح
فبدون اي تفكير ع طول جامعة زايد .. دراستها قوية وايد
بجانب التخصص اللي راح تختاره, الجامعة بتقوم بتأسيس مهارات ضرورية
وابدا ماراح تندمين بلاحظين وياها الفرق بين الحين وبعد 3ونص - 5 سنوات من التخرج
بتكون لها القدرة على فهم العالم بسهولة وتحليل المواقف والاشياء والصراحة انا اعتبرها
اهم مرحلة ومدتها سنة ونص وهذي من تجربي .. وبعدها تدرس التخصص وتكون سنتين

وحطي في بالج ان جامعتنا مثل الجسر اللي يوصلج لاستكمال أو تطوير دراساتج في التخصصات الثانية
يعني مب بس الوحدة تكتفي بالشهادة الجامعية والسلام عليكم .. لا تشجعج للمزيد وتعطيج الدافع

هذي المهارات نسميها المخرجات أو ZU Learning Outcomes أو ZULOS وهي :

Global awareness
Information literacy
Information technology
Leadership
Critical thinking and quantitative reasoning
language

بعد ماتتخرج بتكون عندها هذي المهارات ..

التخصصين موجودين عندنا في الجامعة
وتبين نصيحتي خليها تدرس اللي هي تحبه .. لان الدراسة شي والوظيفة شي

وبنتج اذا دخلت اعلام بتقدر تدرس البزنس اما عن طريق الدبل ميجر .. ومنه بتحصل على شهادتين
في البزنس والاعلام
او ممكن تاخذ ماينر في البزنس وتقريبا تعادل الدبلوم بحكم ان كلية الاعلام تطلب 10 كورسات خارج
الكلية نفسها ...
وبتقدر تستفيد من التخصصين في مجال العمل
حرام تدرس شي هي مالها ميول فيه او ماتحبه .. لان مب شغله ماعيبتج قدمتي استقالة ورحتي مكان ثاني
عطيها الفرصة تكتشف مهارات هي عمرها ماعرفت عنها ..

الدراسة عندنا متعه وكلها مفاجاة ع كثر ماتعطين ع كثر ما تحصلين واكثر
بيئة الجامعة وايد جذابة واجتماعية من طلبة واساتذة واداريين الكل متعاون
وراح تلقى كل مرة فعاليات في الجامعة او سفرات او رحلات او مسابقات او اجتماعات اوا وا او او

لكن لازم يكون عندها استعداد انها تشد حيلها لان الدراسة مب بالسهالة او الاستهانة مثل الكلية
الواحد يمشي فيها وخلاص .. شي ضغوط لدرجة تبين تنفين شعر راسج
وهذا تعويد ع تنظيم الوقت

اممم بخصوص التحويل ما اظني الحين ممكن
احتمال تدخل ع السمستر الياي .. فالافضل انج تتصلين بالجامعة بالاحد وتشوفين المطلوب

اتمنى لها مستقبل موفق
واي سوال انا حاضرة

**Ms. MeMe** · 2011-09-08, 23:46

امممم انا من جامعه الشارجه

ومن رايي انصحها بجامعه زايد
^^

**المياسه 2** · 2011-09-08, 23:58

المشاركة الأصلية كتبت بواسطة um 6m6m

انا خريجه جامعه زايد- بوظبي

اذا بنتج لغتها الانجليزيه قويه وعندها ايلس 5.5 وهي جديه خلها تنقل ع جامعه زايد
لان الدراسه يبالها جد وخلها تنتبه عالمعدل مالها وتحاول يكون فوق ع طول

واهم شي استخيري انتي وهي والله انشالله بيسر لها امورها

مشكوره الغلا
بنتي بعدها ما قدمت الايلس بس حطوها تخصص لانه يابت في السيبا 5.5

وهيه تستخير لانها وايد مضايجه ومحتاره

**المياسه 2** · 2011-09-09, 00:04

المشاركة الأصلية كتبت بواسطة الروح }--

اختي انا من جامعة زايد ..

اذا بنتج عندها لغة انجلزية قوية وابداع وجدية ومواهب وحب استطلاع وانفتاح
فبدون اي تفكير ع طول جامعة زايد .. دراستها قوية وايد
بجانب التخصص اللي راح تختاره, الجامعة بتقوم بتأسيس مهارات ضرورية
وابدا ماراح تندمين بلاحظين وياها الفرق بين الحين وبعد 3ونص - 5 سنوات من التخرج
بتكون لها القدرة على فهم العالم بسهولة وتحليل المواقف والاشياء والصراحة انا اعتبرها
اهم مرحلة ومدتها سنة ونص وهذي من تجربي .. وبعدها تدرس التخصص وتكون سنتين

وحطي في بالج ان جامعتنا مثل الجسر اللي يوصلج لاستكمال أو تطوير دراساتج في التخصصات الثانية
يعني مب بس الوحدة تكتفي بالشهادة الجامعية والسلام عليكم .. لا تشجعج للمزيد وتعطيج الدافع

هذي المهارات نسميها المخرجات أو ZU Learning Outcomes أو ZULOS وهي :

Global awareness
Information literacy
Information technology
Leadership
Critical thinking and quantitative reasoning
language

بعد ماتتخرج بتكون عندها هذي المهارات ..

التخصصين موجودين عندنا في الجامعة
وتبين نصيحتي خليها تدرس اللي هي تحبه .. لان الدراسة شي والوظيفة شي

وبنتج اذا دخلت اعلام بتقدر تدرس البزنس اما عن طريق الدبل ميجر .. ومنه بتحصل على شهادتين
في البزنس والاعلام
او ممكن تاخذ ماينر في البزنس وتقريبا تعادل الدبلوم بحكم ان كلية الاعلام تطلب 10 كورسات خارج
الكلية نفسها ...
وبتقدر تستفيد من التخصصين في مجال العمل
حرام تدرس شي هي مالها ميول فيه او ماتحبه .. لان مب شغله ماعيبتج قدمتي استقالة ورحتي مكان ثاني
عطيها الفرصة تكتشف مهارات هي عمرها ماعرفت عنها ..

الدراسة عندنا متعه وكلها مفاجاة ع كثر ماتعطين ع كثر ما تحصلين واكثر
بيئة الجامعة وايد جذابة واجتماعية من طلبة واساتذة واداريين الكل متعاون
وراح تلقى كل مرة فعاليات في الجامعة او سفرات او رحلات او مسابقات او اجتماعات اوا وا او او

لكن لازم يكون عندها استعداد انها تشد حيلها لان الدراسة مب بالسهالة او الاستهانة مثل الكلية
الواحد يمشي فيها وخلاص .. شي ضغوط لدرجة تبين تنفين شعر راسج
وهذا تعويد ع تنظيم الوقت

اممم بخصوص التحويل ما اظني الحين ممكن
احتمال تدخل ع السمستر الياي .. فالافضل انج تتصلين بالجامعة بالاحد وتشوفين المطلوب

اتمنى لها مستقبل موفق
واي سوال انا حاضرة

ما شاء الله عليج كفيتي ووفيتي وهيه قرت ردج وقالت فعلا تبا تدرس دبل ميجر
اعلام وبزنس
بس بنتي خجوله وايد ممكن تتغير شخصيتها من خلال الدراسه ؟؟
انا ابغيها تتغير
هيه ما شاء الله ذكيه ونسبتها 94 % في الثانويه ومن النوع اللي تذاكر وتهتم
بس خجلها مقيدنها
بس بغيت انشدج اختيار اوقات لكلاس راجع للطالبه او مثل التقنيه هناك ما يقدرون يختارون جدولهم
؟؟

مشكوره الغلا وربي يوفقج

**المياسه 2** · 2011-09-09, 00:05

المشاركة الأصلية كتبت بواسطة Ms. MeMe

امممم انا من جامعه الشارجه

ومن رايي انصحها بجامعه زايد
^^

موفقه الغلا في دراستج وياريت تعطيني معلومات عن جامعة الشارجه
اكون شاكره

**ro0ro0** · 2011-09-09, 00:09

انا في جامعة زايد و جامعة زايد من اقوى الجامعات
و شهادتها معترفه في كل العالم
و دراستهم قويه بس يبالها جد
و دام هي انجليزيتها قويه خليتها تدرس في جامعة زايد احسن من التقنية بوايد

موفقه^^

**سوارة** · 2011-09-09, 00:09

**ro0ro0** · 2011-09-09, 00:12

المشاركة الأصلية كتبت بواسطة المياسه 2

ما شاء الله عليج كفيتي ووفيتي وهيه قرت ردج وقالت فعلا تبا تدرس دبل ميجر
اعلام وبزنس
بس بنتي خجوله وايد ممكن تتغير شخصيتها من خلال الدراسه ؟؟
انا ابغيها تتغير
هيه ما شاء الله ذكيه ونسبتها 94 % في الثانويه ومن النوع اللي تذاكر وتهتم
بس خجلها مقيدنها
بس بغيت انشدج اختيار اوقات لكلاس راجع للطالبه او مثل التقنيه هناك ما يقدرون يختارون جدولهم
؟؟

مشكوره الغلا وربي يوفقج

ماشالله عليها
و عن اوقات الكلاسات في البدايه هم بيحطولها بس هي تقدر ترمس الادفايزر لو ماعيبها الوقت و لو حصل لها مكان في كلاس ثاني بيغير لها
بس بعدين يوم بتدخل الميجر هي بروحها بتسوي الجدول
طبعن كل بنات الميجر يسوون الجدول بروحهم .. فـ لازم تسويه اول بأول عشان تحصل الكلاسات و الوقت الي هي تباه
بس لو تأخرت بتظطر تقبل بالموجود

**المياسه 2** · 2011-09-09, 00:14

المشاركة الأصلية كتبت بواسطة ro0ro0

انا في جامعة زايد و جامعة زايد من اقوى الجامعات
و شهادتها معترفه في كل العالم
و دراستهم قويه بس يبالها جد
و دام هي انجليزيتها قويه خليتها تدرس في جامعة زايد احسن من التقنية بوايد

موفقه^^

بارك الله فيج ومشكوره الغلا
مشكلتها انها كتبت الخيار الاول التقنيه الحين لازم تتريا السمتر الياي عشان تحول
بعدني بتصل بجامعة زايد الاحد وبشوف اذا بيرضون هالسمستر

**المياسه 2** · 2011-09-09, 00:15

المشاركة الأصلية كتبت بواسطة سوارة

يزاج الله خير يا سواره

**المياسه 2** · 2011-09-09, 00:17

المشاركة الأصلية كتبت بواسطة ro0ro0

ماشالله عليها
و عن اوقات الكلاسات في البدايه هم بيحطولها بس هي تقدر ترمس الادفايزر لو ماعيبها الوقت و لو حصل لها مكان في كلاس ثاني بيغير لها
بس بعدين يوم بتدخل الميجر هي بروحها بتسوي الجدول
طبعن كل بنات الميجر يسوون الجدول بروحهم .. فـ لازم تسويه اول بأول عشان تحصل الكلاسات و الوقت الي هي تباه
بس لو تأخرت بتظطر تقبل بالموجود

الله يبارك فيج
حلو اسلوبهم عندهم مرونه
بس ان شاء الله يقبلونها هالسمستر

**طفلهـ عاشقهـ** · 2011-09-09, 00:27

سمعت وحدة ف ستودنت سيرفرس تقول ان تسجيل مفتوح تقريبا لشهر 12

مب متااكده بس الجامعة ماا ترد بسرعه ف تلفون
الأحسن يوم احد تشلين اوراقها وتسيرين الادارة وتقوليلهم واذا ف مجال بيخلصون اجراءاتها بسرعه

=) ..

**الروح }--** · 2011-09-09, 00:29

مثل ما قالت الاخت رورو

لكن اذا بنتج دشت لفلات فالجامعة بتحط لها الجدول وهو ثابت .. يومين من 8 لين 2.. وثلاث ايام من 10 لين 4 أو العكس ...

بس لما بتدخل المرحلة الثانية واللي هي (جنيرال ادوكيشن) فالجامعة اللي بتحط لها الجدول كونها يديده ع هالنظام واذا ماعيبها تقدر تغير ع حسب توافر الاماكن .. ومن بعدها هي اللي تحدد وقتها لين تخرجها والقرار راجع لها ..وبيكون الادفايزر وياها مابيخليها دوم بيسال عنها وبينصحها وبيساعدها للافضل

وبالنسبة لشخصيتها الخجولة .. لا تخافين .. الجامعة بتكسر هذا الحاجز
بدخلها في قروبات مختلفة ومتنوعة وبتحملها مسؤوليات بنات غيرها .. وفي بروجكتات او واجبات لازم تتواصل مع جهات معينة او اشخاص
مختلفين .. ومجبورة تشرح للبنات وتعرض وتبدي رائها .. وتجتمع بالطالبات او المدرسين ...

وغير جي الجامعة موفرة كورس كامل قبل التخصص معظمه عن التعرف على شخصية الطالبة نفسه وعلى شخصيات المحيطين به .. وبيساعدها وايد انها تفهم شخصيتها
والناس حواليها وتتخذ قرارات اكثر منطقية .. وبناءا عليه بتقدر تحدد ميولها في التخصص اللي تبا تدرسه وايضا في مجال العمل .. وكيف شخصيتها تنسجم مع اختياراتها

فلاتحاتين

الموضوع: جامعة زايد او كلية التقنيه او جامعة الشارجه

أدوات الموضوع

عرض

جامعة زايد او كلية التقنيه او جامعة الشارجه

المزيد من آخر المواضيع من نفس القسم:

المواضيع المتشابهه

كلية خليفة .. جامعة زايد .. جامعة أبوظبي

جامعة زايد & كلية التقنيه .... ( بوظبي )

جامعة الإماآرات ...كلية التقنيه العليا ...} ~

متزوجه وتدرسين في جامعة زايد أو كلية التقنيه...ادخلي ساعديني