جامعة زايد او كلية التقنيه او جامعة الشارجه

**ساحره العين** · 2011-09-09, 00:33

الله يوفقها ان شالله

انا رايي من راي الرووح

**المياسه 2** · 2011-09-09, 00:33

المشاركة الأصلية كتبت بواسطة طفلهـ عاشقهـ

سمعت وحدة ف ستودنت سيرفرس تقول ان تسجيل مفتوح تقريبا لشهر 12

مب متااكده بس الجامعة ماا ترد بسرعه ف تلفون
الأحسن يوم احد تشلين اوراقها وتسيرين الادارة وتقوليلهم واذا ف مجال بيخلصون اجراءاتها بسرعه

=) ..

الاحد ما اروم اسير اول يوم مدرسه لولدي بحاول اتصل واذا ما ردو بالسير بالاثنين
مشكوره الغلا

**المياسه 2** · 2011-09-09, 00:36

المشاركة الأصلية كتبت بواسطة الروح }--

مثل ما قالت الاخت رورو

لكن اذا بنتج دشت لفلات فالجامعة بتحط لها الجدول وهو ثابت .. يومين من 8 لين 2.. وثلاث ايام من 10 لين 4 أو العكس ...

بس لما بتدخل المرحلة الثانية واللي هي (جنيرال ادوكيشن) فالجامعة اللي بتحط لها الجدول كونها يديده ع هالنظام واذا ماعيبها تقدر تغير ع حسب توافر الاماكن .. ومن بعدها هي اللي تحدد وقتها لين تخرجها والقرار راجع لها ..وبيكون الادفايزر وياها مابيخليها دوم بيسال عنها وبينصحها وبيساعدها للافضل

وبالنسبة لشخصيتها الخجولة .. لا تخافين .. الجامعة بتكسر هذا الحاجز
بدخلها في قروبات مختلفة ومتنوعة وبتحملها مسؤوليات بنات غيرها .. وفي بروجكتات او واجبات لازم تتواصل مع جهات معينة او اشخاص
مختلفين .. ومجبورة تشرح للبنات وتعرض وتبدي رائها .. وتجتمع بالطالبات او المدرسين ...

وغير جي الجامعة موفرة كورس كامل معظمه عن التعرف على شخصية الطالبة نفسه وعلى شخصيات المحيطين به .. وبيساعدها وايد انها تفهم شخصيتها
والناس حواليها وتتخذ قرارات اكثر منطقية ..

فلاتحاتين

يزاج الله خير والله ما كانت عندي فكره عن جامعة زايد والحين وضحت الصوره مع اني سويت بحث على القوقل ومحد مدحها
زين سألت
الله يوفقج الغلا

**المياسه 2** · 2011-09-09, 00:37

المشاركة الأصلية كتبت بواسطة ساحره العين

الله يوفقها ان شالله

انا رايي من راي الرووح

مشكوره الغلا ويوفقج يارب

**الروح }--** · 2011-09-09, 00:44

المشاركة الأصلية كتبت بواسطة المياسه 2

يزاج الله خير والله ما كانت عندي فكره عن جامعة زايد والحين وضحت الصوره مع اني سويت بحث على القوقل ومحد مدحها
زين سألت
الله يوفقج الغلا

صدقيني اللي يذمها مايروم عليها مول .. ولا يقدر يوصلها ..

**asma121** · 2011-09-09, 00:52

اختي اللي اعرفه اذا هي ف التقنية ما يستوي نتقل لجامعة زايد .. لان التقنية ما تحول بس تستقبل .. بس يمكن ف حاله انهاا بعدهاا ما بدء الكورس .. يمكن بس التقنية بدوو من يوم 4-9-

اناا من تجربتي .. ودارستس ف التقنية .. التقنية ادخلج سوق العمل ( مثلاا ورك بليسمنت )ام زايد لا كله داسة ماشي تطبيقي ..
وشهدتهاا بالنسبة لي احسن من زايد ...

هذا رائي ..

**المياسه 2** · 2011-09-09, 00:52

المشاركة الأصلية كتبت بواسطة الروح }--

صدقيني اللي يذمها مايروم عليها مول .. ولا يقدر يوصلها ..

سبحان الله حتى بنتي تقول هالرمسه
ان شاء الله يقبلونها رباعتها معظهم في جامعة زايد
ما حطت في بالها انه الموضوع جد
كانت تبا تقنعنا انها تدرس طب خارج الدوله ونحنا ما رضينا نطرشها بروحها
ما قصرتو الغاليه كفيتو ووفيتو

**المياسه 2** · 2011-09-09, 00:57

المشاركة الأصلية كتبت بواسطة asma121

اختي اللي اعرفه اذا هي ف التقنية ما يستوي نتقل لجامعة زايد .. لان التقنية ما تحول بس تستقبل .. بس يمكن ف حاله انهاا بعدهاا ما بدء الكورس .. يمكن بس التقنية بدوو من يوم 4-9-

اناا من تجربتي .. ودارستس ف التقنية .. التقنية ادخلج سوق العمل ( مثلاا ورك بليسمنت )ام زايد لا كله داسة ماشي تطبيقي ..
وشهدتهاا بالنسبة لي احسن من زايد ...

هذا رائي ..

هيه صح بدت من 4 سبتمر وثاني يوم سوت السيبا ونجحت وحولوها سنه اولى تخصص على طول مع طالبات سنه ثانيه
يالغاليه والله بنتي مب عارفه تحدد لها هدف ساعات تقول احب العملي وساعات تقول احب النظري
تحب تحفظ يعني واللي عرفته انه جامعة زايد يعتمدون على النظري اكثر
انا قلت لها تستخير احسن شي
والله احترنا وياها
نحنا بنحاول نغير لها واذا ما رضو بالتغيير هاذي خيره من رب العالمين وعندها سمستر كامل لو ما ارتاحت اكيد بنحولها
يزاج الله خير الغلا

**الروح }--** · 2011-09-09, 01:14

المشاركة الأصلية كتبت بواسطة asma121

اختي اللي اعرفه اذا هي ف التقنية ما يستوي نتقل لجامعة زايد .. لان التقنية ما تحول بس تستقبل .. بس يمكن ف حاله انهاا بعدهاا ما بدء الكورس .. يمكن بس التقنية بدوو من يوم 4-9-

اناا من تجربتي .. ودارستس ف التقنية .. التقنية ادخلج سوق العمل ( مثلاا ورك بليسمنت )ام زايد لا كله داسة ماشي تطبيقي ..
وشهدتهاا بالنسبة لي احسن من زايد ...

هذا رائي ..

حبوبة احنا عندنا work-placement
في اخر سمستر .. قبل التخرج

**الروح }--** · 2011-09-09, 01:16

المشاركة الأصلية كتبت بواسطة المياسه 2

سبحان الله حتى بنتي تقول هالرمسه
ان شاء الله يقبلونها رباعتها معظهم في جامعة زايد
ما حطت في بالها انه الموضوع جد
كانت تبا تقنعنا انها تدرس طب خارج الدوله ونحنا ما رضينا نطرشها بروحها
ما قصرتو الغاليه كفيتو ووفيتو

واضح ان لحد الحين مب عارفة شو هدفها او اللي تبا تدرسه ..

الله يوفقها في دراستها ويبارك لها في وقتها وينجحها في كل اعمالها
ويفرحج بها

**المياسه 2** · 2011-09-09, 01:30

المشاركة الأصلية كتبت بواسطة الروح }--

واضح ان لحد الحين مب عارفة شو هدفها او اللي تبا تدرسه ..

الله يوفقها في دراستها ويبارك لها في وقتها وينجحها في كل اعمالها
ويفرحج بها

آمين ويوفقج يارب

انا درست في جامعة الامارات وكان بحث التخرج العملي في آخر سمستر او كورس ( نحنا نقول ) مثل جامعة زايد بس زمنا غير عن زمنكم والخيرة فيما يختاره الله

**ro0ro0** · 2011-09-09, 01:42

المشاركة الأصلية كتبت بواسطة asma121

اختي اللي اعرفه اذا هي ف التقنية ما يستوي نتقل لجامعة زايد .. لان التقنية ما تحول بس تستقبل .. بس يمكن ف حاله انهاا بعدهاا ما بدء الكورس .. يمكن بس التقنية بدوو من يوم 4-9-

اناا من تجربتي .. ودارستس ف التقنية .. التقنية ادخلج سوق العمل ( مثلاا ورك بليسمنت )ام زايد لا كله داسة ماشي تطبيقي ..
وشهدتهاا بالنسبة لي احسن من زايد ...

هذا رائي ..

نحن عندنا ورك بليسمنت بعد
و يوم نتخرج الشغل يكون جاهز
و عن الشهاده
شهادة التقنيه بس معترفه فيها في الدوله .. اما شهاده جامعه زايد معترفه عالميا يعني لو تسيرين اي مكان في العالم بيشغلونج دام عندج هالشهاده
و شهادة الجامعات اقوى من الكليات بوايد و هالشي معروف في كل الاماكن

**asma121** · 2011-09-09, 03:04

هي اعرف انه عندكم ورك بليسمن .. بس قبل التخرج اعتقد آخر كورس ,,
بس نحنا سنة ثانية وسنة ثالثة بعد ..

وعن الوظيفة حبيبتي اناا اعرف بنات اتخرجوا من الجامعة ولين الحين يدورن وظيفو ما حصلواا كيف تقولين تكون وظيفتها جاهز’ !!!!!!!

العمووم هذاا مجرد رأي ..

مب كل اللي ذيمهاا مايقدر عليهااا .. في اشياء ثانية تمنع ..

**غنااتي** · 2011-09-09, 03:26

شكله الموضوع بدا يشتد حسب كل وحدة و انتماءها =D

على فكرة اغلب الاماكن الطالبة تتمرن قبل التخرج فما يحتاي التعصب
و اعرف بنات جامعيات ما يشتغلون بالدولة ،، المفروض يغتربون عشان يحصلون وظيفة برع ؟!
و اللي بالتقنية يشتغلون بسررعة بعد
كل وحدة و تخصصها وهمتها

عزيزتي مايحتاي تفكرين بسالفة الخجل لان البيئة الجامعية تجبر الواحد يحتك خصوصاً بسوالف البروجكتات الجماعية
و بمجرد ما تسال وحدة كذا سؤال عن مادة معينة بيصير في تواصل ان شاءالله

انا بجامعة الشارجة و بالتحديد بزنس
الحمدلله الجامعة زينة و مايحتاي امدح شهادتها و دكاترتها اصحاب خبرة عالمية و اغلبهم يراعون الطالب ، عالاقل هاللي اشوفه بكليتي =D
وعندنا دبل ميجور لكن داخل الكلية الوحدة ، زيادة فصل واحد تقريباً بس عن السنوات الاساسية
ولو خذت صيفي بتخلص اسرع خلال 3 سنوات تقريباً ل3 ونص
و فتحوا تخصص يديد اللي هو الاقتصاد

و ربيعتي بجامعة زايد و مايحتاي امدحها بعد
و يعيبني عندهم كثرة الفعاليات و اشيا فعلاً تخلي الطالب يحتك باللي حوله
لو كنت بودر جامعتي و بختار زايد فلهالشي =D

و باقي اللي اعرفهم كلهم بالتقنية
بس ماعرف عن دراستهم كيف لانها مختلفة تماماً عن الجامعة لكن ما ذموها

خليها تختار اللي بخاطرها وتستخير
الاماكن كلها اوكي بتأمن مستقبلها الوظيفي ان شاءالله
بس عليها تشد حيلها من البداية على معدلها

**أعشق وصوفك** · 2011-09-09, 03:43

انا ف جامعة زايد

وماشاء الله كل حد مدحلج اياهاا
والصراحة انا في البداية بعد ماكان خاطري ادش هالجاامعة
لان كل تخصصاتها نظرية .. مافي شي علمي وانا كنت داشة علمي فالثانوية ونسبتي كانت وايد زينة والحمدلله ..
احترت بين الكلية وبين جامعة زايد .. وعقب اخترت جامعة زايد وفكرت اول اسبوع اغير
لكن صدق حسيت براحة فالجامعة ... من حيث الدراسة والاستاذة والنظام والفعالياات وكل شي

تحسين صدق انج يالسه تتعلمين وتبنين مستقبلج بايدج
ودراستها ما اقولج انها صعبة .. لكن يبالها درااسة اول باول
اما التقنية .. انا 4 من خواتي فالتقنية
ولين يومج ما شفت وحدة فيهن تنتف شعرها شرات ما انا واختي اللي وياي فالجامعة انتف شعورنا كل يوووم بس دراستهم مرييحة بغض النظر عن بعض التخصصات

وعن الوظيفة دخيلكم لا ترمسوون ..
سواء جامعة زايد او كلية التقنية او اي جامعة كانت
ناس تحصل وظايف وناس ما تحصل .. الموضوع ما يخصه ابدا فالجامعة او الدراسة
يعني لو سرت اقدم ف بنك ولا مكان بيطالعون شهادتي بيرفضوني لاني من جامعة زايد مثلا !

وسالفت الوظيفة تعتمد على التخصص اللي انتي تختارينه
خلي بنتج تختار تخصص مطلووب وماشي فالدوولة

يعني مثلا فجامعتنا عندنا تخصص الآرت ART
ودوووووم يوم نطالع بنات الارت نقول حساافة يدرسون 4-5 سنوات وفالنهاية يزيدون نسبة البطالة فالدولة !!
يعني شغلتهم بس رسم لوحات !! وين الشغل وين الوظيفة لي بيحصلونها !!

اما لو تختارين بزنس ولا ايتي ولا محاسبة وين ما تسيرين تحصلين وظيفة لو رفضوج مكان في مجال يقبلونج مكان ثااني

وفالنهاية خليها تستخير لكن نصيحتي لج جامعة زايد غمضي عيونج ودخلي بنتج فيهااا ..

الموضوع: جامعة زايد او كلية التقنيه او جامعة الشارجه

أدوات الموضوع

عرض

المواضيع المتشابهه

كلية خليفة .. جامعة زايد .. جامعة أبوظبي

جامعة زايد & كلية التقنيه .... ( بوظبي )

جامعة الإماآرات ...كلية التقنيه العليا ...} ~

متزوجه وتدرسين في جامعة زايد أو كلية التقنيه...ادخلي ساعديني