حلى النوتيلا تطبيقي لوصفة حمام الدوح ...

[شموخي حطمهمـ]

السلام عليكم ورحمة الله وبركاته


هلا وغلا ...

كل عام وانتوا بخير مؤخرا ^.* ههه

رجعتلكم بثالث سويت من سويتات العيد وان شاء الله ف القادم الباقي من سويتات وموالح ..
سبق واني نزلت حلى الجوري الموجود ف توقيعي وسويت الصفار الاسود ..

رابط+صورة لحلى الجوري:-

العاب

الرابط :
http://forum.uaewomen.net/showthread.php?t=966042

وهذا سويت الصفار الاسود <<<وايد حلو :

العاب

الرابط :
http://forum.uaewomen.net/showthread.php?t=966381




كنت مسوية :

سويتات: حلى الجورى - سويت الصفار الاسود - حلى النوتيلا - كرات الشعيرية
موالح تطبيقي لشيف شوكولاتة : البسكوت البسيط - الغريبة - البتيفور

ابدا اليوم ب حلى النوتيلا تطبيق لوصفة حمام الدوح تسلم ايدها الصراحه *.^

استخدمت الملاعق والأكواب القياسية
كوب ونص سميد
كوب حليب بودرة نيدو او اي نوع
كوب سكر عادي مب بودرة
1- م ص نسكافيه
علبة قشطة ونوتيلا
1ونص م ك بودرة الككاو

سميد + حليب بودرة نسيت اصور السكر سامحوني

العاب

بودرة الككاو العلبة البرتقالية او البنفسجية عادي

العاب

النسكافيه

العاب

نضع السميد والحليب والشكر لين ما يصير لونهم اشقر

العاب

انا خليته شوي خخ ما صار اشقر واايد
حطيتهم ف وعاء او باول وضفت النسكافيه وبودرة الككاو

العاب

خلطتهم مع بعض
ضفت القشطة وعجتنها وهذي صورة بعد ما عجنتها

العاب

سويت منها كور صغيرة طبعا شوي لزقة كانت عندي مب وايد فسويت كور وحطيتها ف اوراق الكب كيك الصغيرة وحطيتها ف صينية الكب الكيك الميني ويبت ملعقة قياسية ومن ظهر الملقعة رصيت العجين وصارت حفرة ف النص خخ جوفوا الصورة اللي تحت كلمة سباركلنز تحت وبتعرفون كييف

العاب


العاب

وطبعا حطيت نوتيلا ف كل ثغرة او حفرة وزينتها بسباركلنز وشرائح لوز وفارمسيل

العاب


العاب

شكل حبة :


العاب

المجموعة كلها :

العاب


نحطها فـ الثلاجة بدون فرن ولا شي ^.^

وهذي طريقة حمام الدوح :

المقآدير :
كـأسْ ونـصْ سمّيـد
كـأسْ حليـبْ بُودره
كأسْ سُكر طبعا ناعم ( مشْ مطحونْ )
ملعقة كبيرة ونصْ كآكاووُ بودرة
ملعقة صغيرة نسكآفية
علبة قشطة
علبة نوتيلا

الطريقة :
نضع السميد + الحليبْ + السكر = بمقلاة حتىْ يصير لونهمْ أشقر
ثمْ نرفعة من النآر ونضع الكآكآووُ والنسكآفية ونقلبهمْ بعيدْ عن النآر طبعاً
ثمْ نضع علبة القشطة ونعجنهمْ لينْ يصير معانا عجينة طرية
نبدأ الأنْ بالتشكيلْ تقدرينْ تأخذينْ مقدآر صغير بيدكْ وتكورينها وتسوينْ مثلْ الفجوةْ من دآخلْ
آو مثلْ مآسويتْ هنا ( أخذتْ غطآء وغلفته ببلاستيكْ وبديتْ أسويهم




شو رايكم ؟؟؟؟

الصراحهــ تسلمــ ايدها حمام الدوح واايد حلو ..

انتظروني وترقبوا التكملة من موضوع ملف حلويات وموالح العيد

المزيد من آخر المواضيع من نفس القسم:

• طريقة عمل ايس كريم المانجو في المنزل حصري
• طريقة عمل مافن الزبادي حلى سريع ولذيذ حصري
• طريقة عمل لقيمات هشة من اشهى حلويات رمضان
• طريقة عمل كيكة زبادي سهلة ولذيذه حصري
• طريقة عمل كيكة الخوخ اللذيذه
• طريقة عمل كيكة البرتقال الشهية
• طريقة عمل كوكيز بزبدة الفول السوداني حصري
• طريقة عمل كيكة القهوه اللذيذه
• طريقة عمل بلح الشام من اشهى الحلويات
• طريقة عمل كريم كراميل بالموز حلى سهل ولذيذ

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[*مغرومه*]

ماشاءالله عليج
شلكه لذيذ و حلوووو
سلمت يداكي

[شموخي حطمهمـ]

ماشاءالله عليج
شلكه لذيذ و حلوووو
سلمت يداكي

العفو
نورتي
اتريا تطبيقج لحلى الجوري قلتي كيفج *.^ هههه

[وهج الذكرى]

شهتيني فيها ^^

[الله يحفظهم]

تسلم يديج حبيبتي
عندي سؤال عزيزتي ..عقب ما كورتي العجينه وحطيتيها في اكياس الكب كيك ..دخلتيه الفرن ولا ما يحتاي

[USA Online]

[نوررالليالي]

شو ها الابداع يسلموا ايدكى ياغاليه
وكل عام وانتى بخير

[المزيونة2002]

تسلم ايدج خيتوو

[شموخي حطمهمـ]

شهتيني فيها ^^

عيل انتظر تطبيقج خخخ

تسلم يديج حبيبتي
عندي سؤال عزيزتي ..عقب ما كورتي العجينه وحطيتيها في اكياس الكب كيك ..دخلتيه الفرن ولا ما يحتاي

العفو .. لا ما يحتاي الفرن سيده الثلاجة
نورتي ^.^

نورتي

شو ها الابداع يسلموا ايدكى ياغاليه
وكل عام وانتى بخير

وانتي بخير صوحة وسلامة
العفو

تسلم ايدج خيتوو

العفو

[أم نظارات]

خطـيييييييييير ماشاالله عليـج

[بوظبي داري]

روعه وفكره يديده

[ام رشوودي]

احب الطبخ بس مااتفيج اطبخ

يسلموووووووووووو

[رذاذ الأمل]

لذيذ و مرتب

تستاهلين أحلى رفع

[tresor]

روعا تسلم ايدج خويتي ,,

[كرزهـ]

مشكوووره


وشكل السويت روووعهـ

تسلمي حبي