شو الاحسن ابدي ااكل البيبي من الشهر الرابع او بعد السادس ..تجاربكم .. و ليش ؟؟

**ضحكة عسل** · 2011-07-20, 21:27

السلااام عليكم و رحمة الله و بركاته

شحالكم ..

شو الاحسن ابدي ااكل البيبي من الشهر الرابع او بعد السادس .

يعني من خلال تجاربكم تشوفون منو الاحسن و شو الفرق بينهم ..

نتريا تفاعلكم و يا الموضوع

المزيد من آخر المواضيع من نفس القسم:

**أم حمــد3** · 2011-07-20, 22:13

سبحان الله

**@مبدعه@** · 2011-07-20, 22:16

**آنسات** · 2011-07-20, 22:17

الدكاترة يقولون لا تعطونهم شي للسادس
بس انا اعطيهم خفايف ع الرابع

**فينيسياا** · 2011-07-20, 22:59

السادس احسن شي كل الدكاترة يقولون وكل اللي اعرفهم جي يسوون

**ابداااع للتصميم** · 2011-07-21, 00:11

للللللللللللللللللرفع

**شوآخي** · 2011-07-21, 02:09

مي تووو محتاره مماعرف اي شهر
أبدا وياه ...

بس بشووف الدكتور شوو يقوول

**حياتي ولدي** · 2011-07-21, 02:22

بعد السادس .. الأفضل

بديت ويا ولدي قبلها و حسس جسمه فأخرت الأكل للشهر السادس ..

**فديت أبويه** · 2011-07-21, 03:11

شوفي في الشهر الرابع بديت احط لولدي في الحليب نص بسكويته فارليز واتاكدي اذا ما تسببله حساسيه اولاء.. وهالرضعه اعطيه ياه في الليل عشان يرقد زياده

وتمي علا هالشي لين ما يوصل السادس .. واصلا الدكاترة يوصون انه تبتدين مرحلة ادخال الاكل من السادس

يعني مب شرط تبتدين من الرابع .. شي يهال يتقبلون وشي يهال لاء ..

وشي اطعمه مال يهال فلجمعيه مكتوب عليها عليها اي شهر تبتدين .. وفي منها مكتوب من الشهر السادس ومنها الرابع علا حسب

**وهج الإمارات** · 2011-07-21, 09:59

انا بنتي بديت وياها باكل خاص للشهر الرابع تحصلينه صوب اكل البيبيهات

والحمدلله استمريت وياها وساعدها واايد الله يحفظها

مع العلم ان الدكاتره ينصحون فالسادس بس انا سويت الي شفته الافضل لبنتي ونفعها ..

بالتوفيق

**سرى القلب** · 2011-07-21, 10:08

انا ولدي كانت فيه حساسيه من القمح ومشتاقته
فاكلته في السادس
انتي شو في ولدج اذا تقبل الاكل عادي اكليه شويه وبالتدريج علشان لو تحسس لاسمح الله تعرفين من شووو وبادتي بالخضار المهروسه

**ضحكة عسل** · 2011-07-23, 13:15

للرفع ..
نتريا تجاربكم يالخبيرات

**بنت الشـمال** · 2011-07-23, 14:22

الدكاترة ينصحون في السادس

وانا بولدي بديت وياه من الرابع وتحسس جسمه

فقطعت عنه الاكل لين السادس والحين الحمد لله كل شي اوكيه

**احاسيس2** · 2011-07-23, 15:42

مساء الورد
انا بنتي بديت احطلها ربع بسكوته ويا الحليب ويوم حسيت تقبلها قمت احطلها نص من الشهر الرابع ومن نهايه الخامس عالسادس بديت ااكلها وكله بتشوفينه في قسم البيبيات فالجمعيه الاكل مع الشهر
وبالتوفيق حبيبتي

**~* قلب غاليها** · 2011-07-23, 23:33

أنا ولدي بديت احط له نص بسكوته اول ما دخل الرابع

بس شكلي بوقفه

لان صوب الكوع بدت تطلع شرات الحساسية وجفاف

الموضوع: شو الاحسن ابدي ااكل البيبي من الشهر الرابع او بعد السادس ..تجاربكم .. و ليش ؟؟

أدوات الموضوع

عرض

شو الاحسن ابدي ااكل البيبي من الشهر الرابع او بعد السادس ..تجاربكم .. و ليش ؟؟

المزيد من آخر المواضيع من نفس القسم:

المواضيع المتشابهه

ملف الصفوف الرابع - الخامس - السادس (2)

من أي شهر المفروض نبدأبفطام الطفل من الشهر الرابع أو السادس كل وحده تكتب عن تجربتها

جدول تطوّر الطفل: من الشهر الأول حتى الشهر السادس

السفر في الشهر الرابع...تجاربكم

ملف الصفوف الرابع - الخامس - السادس