بو عيالج يساعدج في تغير ملابس عيالج وغيرها من المهام !!!؟

**حلاوهـ** · 2011-07-08, 03:00

السلام عليكم

شحالكم

صراحه نزلت هالموضوع لان وايد اسمع اعن هالمشكله عند الحريم
ان ريايلهم ما يساعدونهم في عيالهم يعني
تلاقون الابو يطلع الولد ويلعبه بس ما فكر يوم يلبسه ملابسه
او يدخله الحمام عزكم الله

سؤالي وسؤال الكثيير
كيف اتشجعين ريلج ان يقوم في هالمهام
انا ما انكر ان هذا شغل الام
بس مب باب المشاركه والياهل يحس في ابوه

شورايكم

المزيد من آخر المواضيع من نفس القسم:

**بابايا** · 2011-07-08, 08:14

من فتره ريلي يساعدني بتلبس ولدي لانه كله يشرد عني وهو دايما يلبسه الجزاتب من هو صغير
ويشيله عقب الاكل يغسله ايده ومرات لما اكو تعبانه وابا اغير حفاظه يشيله للمغسله يس انا اغسل له

بس قبل لا اربي بعلمه يسويله كل شي لانه ما عندي حد اخلي ولدي عنده

**تاجرة السعاده** · 2011-07-08, 10:59

ريلي ما يعرف في هالامور وماعنده طولت بال..

ممكن يغسلهم عقب الأكل .. ويلعب وياهم ..

بس كل الأشيا الثانيه انا اسويها.. اساسا ريلي بروحه يبى حد يهتم فيه نفس البيبي..

حتى احيانا اقول في خاطري هذا ولدي موب ريلي من كثر ما ادلعه واهتم فيه

نفس ما اهتم بعيالي...

الله يحفظهم يا ربي..

**الماركه شما** · 2011-07-08, 11:04

الحمد لله يسساعدني هم عياله مثل ماهم عيالي الله يحفظهم من كل شر ويخليني حقهم . ويحفظ عيال المسلمين اللهم ااااامين

**أم حمــد3** · 2011-07-08, 11:14

سبحان الله

**صغيره بس خطير** · 2011-07-08, 13:35

ريلي من يعرف انهن بس مسويات بول في البامبرز يشرد تلوع جبده اما لبس النعال ولا اللعب هو يلعب وياهن اكثر

**حلاوهـ** · 2011-07-08, 22:23

يزاكم الله خيرر ع التفاعل

**ام عبود وسلوم** · 2011-07-08, 22:41

يسلموووو عالموضوع الحلو

الصراحه ريلي مرات يلبسهم ويلعب وياهم ويغسلهم بعد الاكل يوم اكون مشغولة بس لازم نعودهم واالبعض يقول هاي مب شغلته شغلتج انتي

بس لازم التعاون بين الزوجين

وربي يحفظهم لي

**وردة ظبيانية** · 2011-07-09, 12:48

السلام عليكم خواتي،،،،
اذا من نفسه يشيله اذا صاح او يشيله واحنا برع البيت وبعد ماكبر يأكله وممكن يغسله.. واذا بياخذه معاه بالسيارة يلبسه نعاله وممكن ملابسه

لكن لو حس انه مضطر يسوي هذا الشي.. فج في الارض وفج في السماء ههههههه.. ويقول لي هذي مو شغلتي... طبعاً ردي عليه... أنا ماطلبت منك شي... ههههه

الصراحة صح مو شغلتهم.. لكن يسولفون مع عيالهم ويلعبون معاهم طبيعي..
لكن الشغلات الثانية لا..

لكن.. جزا الله خير كل من يساعد زوجته في تربية عيالهم

**السيدة تحدي** · 2011-07-09, 12:54

موضوع حلو

انا لو طلبت منه بيساعد ..بس عادة انا ما اطلب ...

**موزة الغفلي** · 2011-07-09, 15:05

الريايال مايحبون هذي السوالف وايد عليهم اذا لعبوا مع اليهال

**زلال2008** · 2011-07-09, 15:36

للرفع

**luluq8** · 2011-07-09, 18:48

الحياه الزوجيه تعاون

و ابنك علي ماتربيه و قوزك علي ما تعوديه

انا زوجي لو اناقز ما يغير بامبرز

بس باجي الاشيا احاول ادخله كثر ما اقدر

لاني انا بعد اشتغل و اروح الدوام

فا شنو الفرق بينه؟؟

واعرف حريم ريايلهم تبارك الرحمن تسافر ويا اهلها و عيالها عند ريلها يسويلهم من الالف لين الياء

الريال عند قابليه , بس الحريم يخربونهم.....

**أم هياا** · 2011-07-10, 00:57

ريلي وايد عليه لو يغسل ايدها عقب الاكل ..

وكم رمسته >>> الرياييل حتى البامبرز يبدلون حق عيالهم..
و انا لو مريضه مستحيل يسويه ..

والله احسد الحريم الي رياييلهم يساعدونهم ..

**um 7am00dy** · 2011-07-10, 02:51

انا ريلي قبل مايسوي شيء بس ريل على ريل وعقب مايا الثاني الحمدالله مايقصر حتى رقاد يرقدهم وبدون ما اطلب منه
والحرمه على ماتعود ريلها ونتعاون مب كل شيء علي

الموضوع: بو عيالج يساعدج في تغير ملابس عيالج وغيرها من المهام !!!؟

أدوات الموضوع

عرض

بو عيالج يساعدج في تغير ملابس عيالج وغيرها من المهام !!!؟

المزيد من آخر المواضيع من نفس القسم:

المواضيع المتشابهه

ملابس اطفال ليمتد اديشن (( للنـــاس الراقيــــة بس )) ميزي عيالج للعيد

ملابس اطفال ليمتد اديشن (( للنـــاس الراقيــــة بس )) ميزي عيالج

&&من جديد : ملابس الاطفال دفي عيالج بأرخص الاسعار &&

عيالج<<< من وين تاخذين لهم ملابس؟؟؟