قمصان النوم

**وحده من ناس** · 2011-05-25, 14:19

مرحبا

عندي سوال

من وين اقدر احصل قمصان نوم للعروس حلوة بسعر اوكيك كل القمصان ب 400 و300

والبنات يقولون لازم ع اقل الوحده يكون وياها 20 قميص من قصير و لطويل وكل محل ادشه احصل القميص بهذا السعر ولو كان قصير او طويل ولسنزا قمصانهم كلها بايخه وايد قصيره ومفتوح من جميع الجهات

ما اقدر البس جي من اول الايام

ونعومي شوي اهون بس نفس الاسعار تقربيا وخدت من عندهم

يعني 20 *300 = 6000 على قمصان نوم بس ومحد بشوفني فيها ليش

انا ما قصرت في البجايم وكل الانواع والاشكال وفرحانه فيهم واكتفي فيهم بس الكل يقولي هبله العروس حلاتها بقمصان النوم تبرز الانوثه

ف اي وحده خبيره في محلات قمصان النوم وباسعار حلوة تخبرني من وين

شريت اربع من قوم اسعار 300 و400 واتكتفيت ابا ارخص عن جي

وشكرااا

صح صح وابا دعوه حلوة ان الله يتمم اموري كلها ع خير

المزيد من آخر المواضيع من نفس القسم:

**bellegirl** · 2011-05-25, 14:35

أحس 20 قميص مبالغ فيه أختي

يوم بتعرسين بتشترين لين تقولين بس

خذي أقصى شي 10

والله يتمم لج بالخير

وما أعرف وين أسعار مقبولة السموحــة

**تعبني هواه** · 2011-05-25, 14:41

بالتوفيق الغاليه والله يتمم لج ع خير

انزين شوفي عند التاجرات

انا الصراحه خذت من عند التاجرات و خذت من المحلات
ولا تنسين طقم اول ليله <<<<<وأخيرا خذته بعد عنا طويل

**شهد الظاهري** · 2011-05-25, 14:43

ههههه .. )) فديتج والله ضحكتيني بس تبيـن الصدق واللـه إانج صـآادقه بس ليييش تبين 20 قميـص مب وآايـد ؟؟
بـ التـوفيق و ربي يجمعكم ع خييير ولـآاهنتي بعد "_^

**وحده من ناس** · 2011-05-25, 15:13

انا مادري ولا عندي خبره اصلا وامي حليلها معرسه من زمااااااااااااااااااااان ف تقولي خذي براحتج
قريت كذا موضوع للبنات وكل وحده تقول 20 و 30 وحده ماشاء الله قالت 75

ف اخذت اقل عدد موجود من الي قريته من مواضيع البنات

**سحايب الشوق** · 2011-05-25, 15:17

فيه محلات برع رخيصه مثل فتون لبنان والورده وشو راقيه وتهبل وغيرها شي وااااااايد محلات باسعاار متفاوته منها بي اتش سي وغيره واذا نعومي غالي خذي مال قطعتين ب100 غير جذي ماشي احلا من الحرير والله والجلد والشيفون غيرهن لا تشترين لان فيهن اثاره ولا تغامرين بفلوس الزهبه ع ملابس منتدى لان شريت حسيت خاماتهن تعبانه مب راقيه لعروس كلهن صينيات تقليد نصيحه اكتفي بقمصان نوم ب15 واحد بس ونوعي اهم شي تنوعين مب كل الالوان وسالي ربيعاتج عن محلات خارج المولات ارخص وارقى واستغلي التنزيلات عندج مركز منال ف دبي اسعار معقوله اذ انتي من دبي بس نصيحتي لا تغامرين وتشترين شي ما تشوفينه بعيونج وفلوس ع قمصان عروس مب خساره ختي انتي عروس ادللي الا مره ف العمر بعدين ماشي فرصه ههه
مع تحياتي لج

**Ḿ O Ŋ Д** · 2011-05-25, 15:32

أنا بعد أبا أعرف أماكن غير نعومي و لسينزا .. بليز فيدونااا

**بنت الشوامخ** · 2011-05-25, 16:02

والله صح كلامج قهر ،، اختي نفس الشيء تقول مشتريه كلهم بو 300 وجي واخر شيء تقول حرام مليت مالبستهم وايد

انا بصبر لين مهرجان دبي في الصيف وبشتري ،، شوفي ممكن تحصلين في بي اج اس ،، سبلاش ،، جي محلات الملابس احيانا يبيعون قمصان نوم

وفي عضوات يبيعون واسعارهم تحت ال100 تقدرين تشترين كميه

و20 قميص وايد ،، الا اذا كان مثلا 5 بيجامات و15 قصير و طويل تنوعين يعني

**laila226** · 2011-05-25, 17:21

**عطر رومانس** · 2011-05-25, 21:13

اذا انتي من الشارجة عندج السوق الجديم ومركز سارة في نفس المكان .
السوق المركزي .( تقدرين تكاسرينهم انتي وشطارتج )
ومن مصانع عيمان محل نورهان وإذا من دبي سيري المنال والبستان
ونصيحة لا تاخذين وايد لأنج بعد شهر من الزواج بتمتنين خخخخخخ

**{ آحلى دلع ..** · 2011-05-25, 21:30

قسسسم بآلله لآعت جبدي من لاسنزآ ونعومي آسم ومنصب ع الفآضي

وتشكيلآتهم طل . !

عزيزتي سيري محل نورهـ’ـآن & ميرآ فـ صنآعية عيم’ـآن

آسعآرهم تتفآوت 100 وشي و200 بس شي شي وديزآينآتهم خبآـآل بمعنى الكلمـ’ـه ^.^

وشسمه لآتتخبلين وتشترين 20 قميص

خذى عقب ع ذوق ريل’ـج آحسن ^_*

**الهفآيف}-** · 2011-05-25, 21:31

اذا حابه تطلبين قمصان نوم من برع البلاد راسليني

**Gladiolus** · 2011-05-25, 21:35

الصراحة أنا يلست اتشرى ومادري كم خذت ^^"
بس نوعت ما بين الغالي والرخيص

خذت القطن والحرير والطويل والقصير والبجايم
بس طبعا قميص أول ليلة بيكون غالي يوصل للالف ><
بس الحمد الله لقيت واحد تحت الألف من العين وشكله جدا راقي وحلو

شوفي محلات أيوب فمدينة زايد
عندهم شغلات حلوة وأسعارهم مناسبة

الله يوفقج

**مها الشحي** · 2011-05-25, 22:15

اخت فيه تاجره في المنتدى اسمها
النظره الخجوله
والله اسعارها تهبل
وها رابط لملفها الشخصي
http://forum.uaewomen.net/member.php?u=19764
بصراحه اول مره احصل بنت بهارخص

**AZYA** · 2011-05-25, 22:24

أحيد محل في مركز المنال الطابق الثاني عندهم قمصان نوم حلوة والأسعار معقولة الصراحة

الموضوع: قمصان النوم

أدوات الموضوع

عرض

قمصان النوم

المزيد من آخر المواضيع من نفس القسم:

المواضيع المتشابهه

قمصان النوم ....من وين

تمديد فتـرة طلب قمصان النوم بـ 65 درهم + قمصان السـفر بـ 65 درهم

كعب قمصان النوم (فرو)