ديون ديون><

**الصمت الدقين** · 2011-04-29, 17:15

السلام عليكم

اللى عليه ديون مليون واكثر وين يسيسر عسب يعقون الديون عنه او ع الاقل نصها
بليييز اللى تعرف تخبرنى اذا مش هنيه ع الخاص

ظرورى الله يخليكم واكيد مابنساها من الدعاء

المزيد من آخر المواضيع من نفس القسم:

**bellegirl** · 2011-04-29, 17:22

ربي يوفقج اختي

**الصمت الدقين** · 2011-04-29, 17:24

وينكم ماحد يعرف

**زوجه الغالي** · 2011-04-29, 18:36

الله يفك عنا وعنج اللهم آآآآآآآمين

**الصمت الدقين** · 2011-04-29, 23:28

><

ڷآ اله الاآڵڵهِ سبحانك إڼې ڰڼٺ مٍڼ الظالمين

**بنت البلوشي20** · 2011-04-29, 23:32

لا اله الا انت سبحانك اني كنت من الظالمين

**كلي حب وحنان** · 2011-04-29, 23:45

سيري قصر شيخة سلامة بيساعدونج

**عطر 77** · 2011-05-08, 10:26

لا اتسيرين تتطلبين من حد
اكثري من الاستغفار واقرئي سورة الواقعة
وقولي اللهم اقضي عني الدين واغنني من الفقر

**#وجدان#** · 2011-04-30, 00:36

اذا احد من أهلج يروح لمجالس الشيوخ ويطلب منهم مساعده

وعليج بالدعاء

الله ييسر اموركم

**London eye** · 2011-04-30, 00:44

احيد انهم يسالونج عن سبب الاقتراض
اذا سيارة و و و و مايساعدون
اذا بيت ممكن

سبحان الله وبحمده
سبحان الله العظيم

**الصمت الدقين** · 2011-04-30, 01:48

تسلمون حبايبى والله
وربي يفرج هم كل وحده فيكم يارب

**العيون الدعيه** · 2011-04-30, 02:02

اتسيرين قصر الرئاسه واتقدمين اوراق المديونيه..والله ايسر امورج ان شاء الله..

**نقطة حبر** · 2011-05-07, 14:48

المشاركة الأصلية كتبت بواسطة العيون الدعيه

اتسيرين قصر الرئاسه واتقدمين اوراق المديونيه..والله ايسر امورج ان شاء الله..

للأسف ناس وناس أعرف واحد مجدم وحليله لا ساعدوه ولا شي , أونه انت كنت داخل بمشروع وخسران ,وباني بيت بالفلوس يعني حرام لولد البلاد انه يدخل بمشروع بهدف تحسين اوضاعه الماديه .وحرام انه يأسس بيت العمر عشان يلم شمله وأسرته . الله المستعان

وبالنسبه لديوان ولي العهد نفس الحاله , اعرف بعد شخص ريل ربيعتي قابل الشيخ محمد بن زايد الله يحفظه بالبرزة وتحولت الأوراق لديوان ولي العهد عن مدري كم شهر اتصلو عليه , ساعدوك بــ80 ألف مدري 90 ألف المهم جي , والريال فوقه مليون وشي , حتى الــمبلغ اللي ساعدوه فيه حولوه للبنك عشــان يقصونه من الديونيه ، يعني ما أخذ ولا درهم بإيده بالرغم ان الريال حالته الماديه جدا جدا صعبه

حبيبتي أنا ما أحبطج بس أكلمج عن واقع عاشه ناس كثيرين .عشان ما تعقدين الأمل وااايد مثل ما عقده الكثيرين , حتى حرمة الريال إللي قابل الشيخ من سمعت ان الديوان ساعد ريلها بس بهالمبلغ دخلت بحاله هستيريه وياها انهيار عصبي عشانها كانت واايد متأمله بمقابلة ريلها للشيخ محمد بن زايد الله يحفظه

**المحتسبه لله** · 2011-05-08, 10:05

المشاركة الأصلية كتبت بواسطة نقطة حبر

للأسف ناس وناس أعرف واحد مجدم وحليله لا ساعدوه ولا شي , أونه انت كنت داخل بمشروع وخسران ,وباني بيت بالفلوس يعني حرام لولد البلاد انه يدخل بمشروع بهدف تحسين اوضاعه الماديه .وحرام انه يأسس بيت العمر عشان يلم شمله وأسرته . الله المستعان

وبالنسبه لديوان ولي العهد نفس الحاله , اعرف بعد شخص ريل ربيعتي قابل الشيخ محمد بن زايد الله يحفظه بالبرزة وتحولت الأوراق لديوان ولي العهد عن مدري كم شهر اتصلو عليه , ساعدوك بــ80 ألف مدري 90 ألف المهم جي , والريال فوقه مليون وشي , حتى الــمبلغ اللي ساعدوه فيه حولوه للبنك عشــان يقصونه من الديونيه ، يعني ما أخذ ولا درهم بإيده بالرغم ان الريال حالته الماديه جدا جدا صعبه

حبيبتي أنا ما أحبطج بس أكلمج عن واقع عاشه ناس كثيرين .عشان ما تعقدين الأمل وااايد مثل ما عقده الكثيرين , حتى حرمة الريال إللي قابل الشيخ من سمعت ان الديوان ساعد ريلها بس بهالمبلغ دخلت بحاله هستيريه وياها انهيار عصبي عشانها كانت واايد متأمله بمقابلة ريلها للشيخ محمد بن زايد الله يحفظه

الله يفرج همنا وهم جميع المسلمين

إختي الغاليه الله سبحانه وتعالى كرمنا بالعقل ،، وأكبر غلط إن الواحد منا ياخذ مبلغ كاش ويفتح فيه مشروع ،، لانه أول شي خذ هالقرض من بنك ربوووي .. وهذا كان بداية الغلط

وبخصوص البيت ليش ماقدم على طلب بيت شعبي أو قرض مؤسسة خليفه (( حمدلله الشيوخ ماخلوا لنا حجه كل الامور بسطوها لنا ))

والحمدلله على كل حال ،، وإختي يوم قلتي زوجته أصيبت بحاله هستيريه (( ليش وين كانت يوم ريلها سحب البيزات من البنك الربوووي ،، وين كانت يوم ريلها بنى لها البيت ليش ماقالت له بناخذ بيت ع قدنا أو بنتريا الفرج وبنقدم ع بيت أو نأجر ع قد اللي عندنا

خواتي ،، مااايصيير نحن نبا كل شي ونبا نستمتع وبعدددين نحمل غيرنا المسؤووليه ونقووول وحتى لو كان بطريقة غير مباشره

وبعددين 90 ألف تندفع بارده مبررده وتييك بدوون ماتسعى فيهاا واااايد حلوووه وهذي نعمه من الله سبحاانه وتعالى

إسمحوووليه ع الاطاله أو إذا كلامي مايعيبكم بسس هذا رأيي الشخصي

وفدددديت دااااري وشيووخناا تااج روسناا والله مايقصرووون

**نقطة حبر** · 2011-05-08, 20:26

المشاركة الأصلية كتبت بواسطة المحتسبه لله

الله يفرج همنا وهم جميع المسلمين

إختي الغاليه الله سبحانه وتعالى كرمنا بالعقل ،، وأكبر غلط إن الواحد منا ياخذ مبلغ كاش ويفتح فيه مشروع ،، لانه أول شي خذ هالقرض من بنك ربوووي .. وهذا كان بداية الغلط

وبخصوص البيت ليش ماقدم على طلب بيت شعبي أو قرض مؤسسة خليفه (( حمدلله الشيوخ ماخلوا لنا حجه كل الامور بسطوها لنا ))

والحمدلله على كل حال ،، وإختي يوم قلتي زوجته أصيبت بحاله هستيريه (( ليش وين كانت يوم ريلها سحب البيزات من البنك الربوووي ،، وين كانت يوم ريلها بنى لها البيت ليش ماقالت له بناخذ بيت ع قدنا أو بنتريا الفرج وبنقدم ع بيت أو نأجر ع قد اللي عندنا

حبيبتي هالحرمه إللي أرمس عنها مب الحرمه اللي ذكرتها بالسالفه الأوليه اللي قدمو بديوان الرئاسه

لا

لو بترجعين عزيزتي للرد اللي كتبته بتعرفين اللي أقصدها الحرمه إللي ريلها قابل الشيخ محمد بن زايد الله يحفظه وهذا سلمج الله لو بذكر سالفته تعور القلب لا دخل مشروع ولاشي بس في ظروف أكبر عنه
خلته يدخل بهالدوامه

وأنا يوم قلت ان حرمته دخلت بهستيريه عشان واايد كانت متأمله خير شو أكثر من مقابلة الشيخ ماشاء الله , وبعدين ريلها عانى الأمرين عشان يقابله وبعد عدة برزات استطاع ذلك .عشان الريال كان يقطع خط من راك لأبوظبي والريال ابد مب متعود يطلع برع امارته بس بسبيل الحلم بتوفير حياة كريمة لأسرته سوى المستحيل , والله ترمسني زوجته وهي تصيح , مرة كان ساير والله ما شي داخل جيبه غير 130 درهم , هاللي متبقي من راتبه وهو كان آخر مصروف لهم , عشان ريلها يقبض بس 5000 درهم من راتبه , يطير للفواتير والإيجار وماكلة البيت

خواتي ،، مااايصيير نحن نبا كل شي ونبا نستمتع وبعدددين نحمل غيرنا المسؤووليه ونقووول وحتى لو كان بطريقة غير مباشره

وبعددين 90 ألف تندفع بارده مبررده وتييك بدوون ماتسعى فيهاا واااايد حلوووه وهذي نعمه من الله سبحاانه وتعالى

ماشاء الله خير الامارات واصل آخر العالم شرق وغرب وهالشي فخر لنا جميعا

عشان جي ما فيها شي لو هالحرمه طمعت بمكرمة سيدي صاحب السمو الشيخ محمد بن زايد

الله يحفظه , والبنك بنكك سموه , عشان جي متأمله تنحل صفحة ديونهم , أو عالأقل نصف ديونهم

عشان كل ما دفعو جزء أكثر من الديون كل ما قللو من الأقساط اللي يقتطعوها .

أدري ما بيحس بهالشي إلا اللي ذاقه , عشان ربيعتي تعاني معاناة الله يعلم بحالها

ويبون يفتحون صفحه يديده مب قادرين .

إسمحوووليه ع الاطاله أو إذا كلامي مايعيبكم بسس هذا رأيي الشخصي

وفدددديت دااااري وشيووخناا تااج روسناا والله مايقصرووون

ومنو يقول غير هالشي الحب بالقلب قبل لا يكون بالكلام وهم سندنا واحنا الدرع اللي يحميهم

كلنا فداهم \ شكرا عزيزتي

الموضوع: ديون ديون><

أدوات الموضوع

عرض

العرض المتطور

ديون ديون><

المزيد من آخر المواضيع من نفس القسم:

المواضيع المتشابهه

ديون الشباب

بما أن 99,99 % عندهم ديون‎