منو جربت BB كريم ؟؟؟ يا ليت تفيدني

**[ M!ss v!p ]** · 2011-03-26, 14:33

السلام عليكم ورحمة الله وبركاته

شحالكم ان شاء الله بخير؟؟؟

بغيت اسالكم عن كريم اساس اسمه bb كريم ... حد جربه؟

من يومين كنت ادور ع النت عن كريم اساس صحي و مواده طبيعية ما يخرب الويه وما يخلي ويهي يلمع من كثر الزيت اللي يطلع منه لان بشرتي دهنية وااااايد ولهالسبب تطلع لي وايد حبوب مع اني استخدم كريمات طبية و غسول طبي من دكتور جلدي ... الله يعين بس

مابا اطول عليكم ... انا بالصدفة حصلت كريم اسمه BB كريم و شي وايد ماركات له واللي موجود عندنا ماركتين ميشا و فيس شوب والباقي كله تشترينه اونلاين او من برع
شفت وايد مواقع عربية واجنبية تتكلم عنه بس تعرفون نحن جونا حاااار وانا بشرتي دهنية يعني كريم الاساس بسرعة يختفي ما يتم الا ساعتين او ثلاث و انا ابا شي يدوم فترى اطول
وانا اداوم واحط كريم اساس يوميا واحس بشرتي تعبت من كريم الاساس ف ابا شي بديل لها
و جربت بودرة من كم ماركة بس مافي فايدة لازم احط كريم اساس وياه

ف حبيت اسال اذا حد جرب هالكريم من ميشا او فيس شوب لاني ابا اشتري واجرب اللون
ماحب اشتري اونلاين ... فاللي جربت ياريت تفيدني

واللي ماتعرف عن هالكريم اتدور في جوجل وتشوف الكلام عنه

و بدعي لها اللي تساعدني

وشكرا مقدما

المزيد من آخر المواضيع من نفس القسم:

**F®asha** · 2011-03-26, 16:12

البي بي كريم مال ميشا يمدحونه اكثر من ذا فيس شوب
انا مجربه مال ذا فيس شوب كانو عاطني تستر
يعني عادي ما حسيت بذاك الفرق
احس ذا فيس شوب تاخذين منه ماسكات ومناكير بس كريمات لا

**هنادين** · 2011-03-26, 16:53

الصراحه ماعرفت حد مجرب من هالماركتين بس اعرف حرمة اخوي تستخدم كريم BB أمريكي ماركة Alex وايد حلو ونفس ماركة ميشا بالضبط وايد حلو وفيه درجه واحده بس فاللون يناسب كل انواع البشره وهو عباره عن مرطب ونفس الوقت فاونديشن ماعرف وين ينباع الصراحه بس هي ماخذه من صالون فبوظبي على 300 درهم

البارحه سافرت امريكا وقالت بخم هالكريم ههههه وان شاء الله ان حصلته بجربه ^^

**حلوات الاهداب** · 2011-03-26, 16:55

انا جربت من ذا فيس شوب بالكولاجين هو زين مثل واقي الشمس مفعوله بس ترا فيه مرطب ويدهن الويه ابتعدي عنه افضل ... لانه بشرتج دهنيه ودوم حطي على ويهج ماي ورد يمتص الدهون من البشره

**[ M!ss v!p ]** · 2011-03-26, 17:00

تسلمون على الردود والله يعطيكم اللي في بالكم ان شاء الله ويحقق لكم كل اللي تتمنونه

ياريت لو حد يعرف عن هالماركتين يفيدني

**uae13122** · 2011-03-26, 17:51

**hend123** · 2011-03-26, 17:53

رفع لعيونك حبيبتى

**سحابة الود** · 2011-03-26, 18:39

ان شاء الله اللي جربته يفيدونااااااا

**هنادين** · 2011-03-26, 21:56

هلا اختي بخصوص كريم بيبي حصلت لج رابط وفيه تجربه من وحده من الخوات وتمدح الميشا وايد ^^

شوفي مشاركة اللي نكها بنت زايد .2

http://forum.uaewomen.net/showthread...=761098&page=3

اتمنى اني افدتج ^^

**بنت الطموح** · 2011-03-26, 22:48

جربت مال فيس شوب ما عجبني

**[ M!ss v!p ]** · 2011-03-27, 20:04

تسلمون على الردود وما قصرتو و ان شاء الله يرزقكم اللي في بالكم واكثر

اتريا باقي الردود

**عود ودهن عود** · 2011-04-20, 14:02

انا خذت من التاجرة ملكةUAE الفضي وايد عيبني

**Lain** · 2011-04-20, 16:36

انا جربت من وحده فالمنتدى الفيضي حلو طبيعي ... بس لازم اتكون بشرتج صااافيه ...

بس لو سمحتو محل ميشا وين موجود فالعين ؟؟؟

**çϋтê мéмë** · 2011-04-23, 00:51

جربت ميشا بس اللي لونه من برع عنابي او احمر غامج

طرر حق البشره الدهنيه انصج فيه .. خاصه ويا جوو الصيف

**غلا بن شامس** · 2011-04-23, 13:00

انا كنت أعاني من نفس مشكلتج أداوم ومليت أحط كريم أساس
لين ما دورت وسالت عن كريم بي بي وجربت من ميشا ومووول ما ارتحت له بالاساس ما يعطي تغطية حلوه
لين ما فتحت بالصدفة على التاجرة ملكةUAE وقريت عن كريم البي بي الفضي وقريت عنه وجربته
صارلي سنه ونص ما استغنى عنه أبدا حتى خواتي يربنه وطلبته لهن
هو فيه ترطيب و واقي من الشمس ويعطيج تغطيه ووووايد حلوووه
حتى بالصيف ما أحس لون بشرتي تغير الكريم وايد اوك

الموضوع: منو جربت BB كريم ؟؟؟ يا ليت تفيدني

أدوات الموضوع

عرض

منو جربت BB كريم ؟؟؟ يا ليت تفيدني

المزيد من آخر المواضيع من نفس القسم:

المواضيع المتشابهه

الي جربت التقشير الكيميائي .. تفيدني

اللي جربت زيت العشبة تفيدني

@@ الي جربت الولادة ب ( جي أم سي ) عجمان تفيدني @@

من جربت الليزر تفيدني

اللــــــــــي جربت اليوكو تفيدني