بنات آلام بين الفخذين و السبب الحمل بس شو الحل ؟؟؟

**رود الإمارات** · 2011-03-19, 23:56

شحالكم بنات..و حريمات..

انا حامل بالشهر السابع..

و صارلي 3 اسابيع اعاني من الام تحت الحوض عند الفخذين من داخل..

رفعت ريولي فوق عسب اخفف الضغط ارتحت يومين و رد الالم ورديت اسوي نفس الطريقة احس بعده.,
و ماتأثرت..

اللي عندها خبرة بهل المجال شو اسوي عسب اريح عمري..صرت ماقدر ادز شي بريولي حتى لو مخدة..

او حتى امشي و انا مرتاحه .. ماقدر..

فيدووووني و للعلم هذا البيبي الثاني الحين.. و بالاول ماكان جي..الله يعين..

المزيد من آخر المواضيع من نفس القسم:

**أم نظارات** · 2011-03-20, 00:05

للررررفع

**FoOo** · 2011-03-20, 00:08

للرفع

**دار المحبين** · 2011-03-20, 00:14

عزيزتي راجعي االدكتورة احسن حتي لاتولدين ولاده مبكرة انا نفسج كنت باخر الثامن وما اجدر اتحرك وايد من غرفه لغرفه اشوفها صعبه علي وما اجدر امشي وايد وتمت بي ذي ممكن اسبوعين تقريبن وبعدها نزل عندي الماء وولدت غناتي لا تتاخرين احسن تراجعين المستشفي قبل فوات الاوان حتي يعطونج ادويه او اي شي ثاني يثبت حملج

**ريماني 1** · 2011-03-20, 00:27

الله يعينج ويسهللج حملج ان شاء الله

**بـدو الخويـره** · 2011-03-20, 00:31

انشالله يكون شي بسيط ويخف عليج بدون ماتحتاجين علاج أو أدويه ,,,
مره سمعت حرمة أخويه تشتكي من نفس المكان اللي ذكرتيه وطلع إلها دوالي الحمل بس ماعطوها علاج وتحس بالألم وتعاني لين تربي عقب يروح عنها ,,, انشالله مايكون فيج شي,, طمنينا عليج,,

**نجمة ليوا** · 2011-03-20, 00:44

انا كان ايييني نفس الشي

ويع وما اقدر امشي عدل

بس راح فتره حاولي تمشين

ورد عليه في التاسع يوم اقوم اييني الم

**القرده الشقيه** · 2011-03-20, 00:49

الله يسهل عليج حبيبتي

بس فيه حريم يعانون من الويع هني لانه الحمل مثقل عليج

**العمر** · 2011-03-20, 21:15

اعتقد هذا الشي عادي ,,, لاني حامل فالثامن الحين و تقريبا من اول السابع ياني هالويع و لين الحين يسير و يرد ,,, و عشان اريح عمري ارفع ريولي شوي ارتاح ,,, و احط مخاد بين ريولي يوم ارقد ’’’

اعتقد من ضغط البيبي يستوي هالالم ,,, لاني سالت الدكتورة و قالت هذا طبيعي بس ارتاحي لا تجهدين عمرج

الله يتمم عليج بخير حبيبتي

**missalia** · 2011-03-20, 21:22

انا كنت نفسك من الشهر السابع والى الان اعاني من نفس الوجع تحت حتى صعب علي رفع ريولي او تحريكها لدرجة وقفت الدراسة يوم سرت المستشفى قالتلي الدكتور ان البيبي تحت بصراحة ما اقتنعت بس هذا كان ردها ولين الحين نفس الرد.. في حريم قالوولي انها بنوت لان يوم تكوني حامل ببنت تحسيت بهالويع

والله اعلم . انتي عرفتي شوفيج بنوت ولا ولد
حاولي تريحين عمرج

**روح خلافي** · 2011-03-20, 21:29

اظن ان هالالم طبيعي وناتج من توسع الحوض

انا بحملي الاول كنت اعاني والحين بالحمل الثاني

اخف من قبل بس يوم بترقدين حطي مخدة بين ريولج

بشكل طولي ورقدي ع جنبج اليسار وحاولي انج تسوي

رياضة خفيفة بانج تفتحين ريولج كل يوم عسب يخف عنج

الالم وبعد الولادة بايام بروح عنج هالالم ..

**^%سمر%^** · 2011-03-20, 21:54

الله يسر عليج ...

**شيكي** · 2011-03-20, 21:58

للرفع

**رود الإمارات** · 2011-03-21, 15:54

المشاركة الأصلية كتبت بواسطة دار المحبين

عزيزتي راجعي االدكتورة احسن حتي لاتولدين ولاده مبكرة انا نفسج كنت باخر الثامن وما اجدر اتحرك وايد من غرفه لغرفه اشوفها صعبه علي وما اجدر امشي وايد وتمت بي ذي ممكن اسبوعين تقريبن وبعدها نزل عندي الماء وولدت غناتي لا تتاخرين احسن تراجعين المستشفي قبل فوات الاوان حتي يعطونج ادويه او اي شي ثاني يثبت حملج

يمممه خوفتيني ,, يبالي اروح لدكتورتي بس احسها بارده ماتعرف شي..

**رود الإمارات** · 2011-03-21, 15:56

المشاركة الأصلية كتبت بواسطة missalia

انا كنت نفسك من الشهر السابع والى الان اعاني من نفس الوجع تحت حتى صعب علي رفع ريولي او تحريكها لدرجة وقفت الدراسة يوم سرت المستشفى قالتلي الدكتور ان البيبي تحت بصراحة ما اقتنعت بس هذا كان ردها ولين الحين نفس الرد.. في حريم قالوولي انها بنوت لان يوم تكوني حامل ببنت تحسيت بهالويع

والله اعلم . انتي عرفتي شوفيج بنوت ولا ولد
حاولي تريحين عمرج

ههههه هي صح فيني بنووته ..

مشكورين حبايبي و بحاول اعمل على نصايحكم..

الموضوع: بنات آلام بين الفخذين و السبب الحمل بس شو الحل ؟؟؟

أدوات الموضوع

عرض

بنات آلام بين الفخذين و السبب الحمل بس شو الحل ؟؟؟

المزيد من آخر المواضيع من نفس القسم:

المواضيع المتشابهه

آلام فالظهر في بدايه الحمل

آلام الحمل

آلام أسفل البطن في بداية الحمل ؟؟!!

بنات شو الحل من التقلصات الرحمه فاول الحمل ..

آلام الظهر في أول الحمل ممكن تساعدوني ؟؟؟؟؟