(*•.¸(`•.¸ ميــــلس " بـــيت العمـــر " . . الجـــزء 8 ¸.•´)¸.•*)

**ام نوارة** · 2011-03-20, 14:18

مشكورة أختي نجمة أبوظبي1 و miss fan
ع النصايح الحلوة

**ام نوارة** · 2011-03-20, 14:24

هلا اخواتي
بغيت تصميم لملحق مكون من غرفة خادمة مع الحمام ومطبخ مع مخزن وغرفة صغيرة
وياريت تخبروني شو المقاسات المناسبة

**أم حماني** · 2011-03-20, 15:07

المشاركة الأصلية كتبت بواسطة lili pop

مساء الخير جميعا ... اشتقتلكم ...

سكون حلم ما شاء الله الصبغ غاوي الله يباركلج.

رذاذ مشكووورة عزيزتي الفلل وايد حلوة..والمخطط حلو عساه منزل مبارك إن شاء الله.

سمسومه تدرين كل يوم أوصل بنتي المدرسة وحذالهم فيلا تنبني ومن كمنيوم مركبين الباب الخارجي ولافينه بالنايلون وأنا في خاطري أقول متى ببطلونه بصورة وبحط صورته لسماسم ويوم الخميس نزلت بنتي وأنا طالعة جابلني الباب مبطلين عنه النايلون على طول وقفت وصورته لج يمكن يعيبج ولا يعجب وحدة من الخوات.

هلا الغالية الصراحة الباب وايد حلو على الطبيعة امس سرت شفته بس لو كان اللون اسود وذهبي بيطلع روعة الله يهنيهم ان شاء الله ومشكورة على الصورة لاتكون بنتج ويا ولدي في المدرسة

**ريم دبي3** · 2011-03-20, 15:39

بنات حد يعرف محل يركب انتر لوك المكان صغير وفى دبى انا ماابغى شركه وادريبكم ما بتقصرون

**طي السنيين** · 2011-03-20, 16:52

المشاركة الأصلية كتبت بواسطة طي السنيين

الحمام يتخطط على حسب المساحه بس الفكره قوليلها للإستشاري قوليله نبأ مكان المرحاض بروحه مفصول كأنه حمام مستقل ومكان الغسل سواء بحوض او بدون منفصل

برسملج رسمه تقريبيه وبحطها لج بإذن الله

رسمه تقريبيه مكان الله يعزج المرحاض مسكر بباب زجاجي او الي تحبين والحوض او مكان السبوح مستقل
وطبعا الحمام بيكون له باب رئيسي
والمساحات هي تحدد ترتيبج للحمام

ولا تضحكون على التنقيع بالرسم ^^

**سمسومة بدر** · 2011-03-20, 20:18

نجومه مشكوره على الصور

ام حمني الحين لاحظت اكثر الناس تسوي بيبان نحاسيه مب اسود
وهذا شيئ راجع طبعا لذوق اصحاب البيت السعيد خخخخخ

**أم حماني** · 2011-03-20, 20:26

المشاركة الأصلية كتبت بواسطة طي السنيين

رسمه تقريبيه مكان الله يعزج المرحاض مسكر بباب زجاجي او الي تحبين والحوض او مكان السبوح مستقل
وطبعا الحمام بيكون له باب رئيسي
والمساحات هي تحدد ترتيبج للحمام

ولا تضحكون على التنقيع بالرسم ^^

هلا الغالية دورت صورممكن اتكون الصور هاذي اوضح حق اللي يسأل عن فصل الحمام اوتقسيمه

**أم حماني** · 2011-03-20, 20:37

المشاركة الأصلية كتبت بواسطة سمسومة بدر

نجومه مشكوره على الصور

ام حمني الحين لاحظت اكثر الناس تسوي بيبان نحاسيه مب اسود
وهذا شيئ راجع طبعا لذوق اصحاب البيت السعيد خخخخخ

انا وياج اختيه اذا صبغ البيت يكمل لون الباب صح بس اذ الصبغ مب مناسب او ما يتماشى مع زجاج البيت ( الدرايش ) فهنه بيخرب المنظر الجمالي للبيت وبالتالي وارجع واقول الناس اذواق يالغالية

**طي السنيين** · 2011-03-20, 20:58

المشاركة الأصلية كتبت بواسطة أم حماني

هلا الغالية دورت صورممكن اتكون الصور هاذي اوضح حق اللي يسأل عن فصل الحمام اوتقسيمه

بارك الله فيج وفيتي ما قصرتي

**أم حماني** · 2011-03-20, 21:19

ممكن سؤال ؟
بخصوص ديكورات البيت ؟
- متى بديتي فيهن قبل ما يركبون البيبان والدرايش او عقب ؟
- كل وحدة تقول كم كلفها ديكور بيتها اذا ما عندها مانع واسم محل الديكور ؟
- هل انتي عطيتيه الرسمة وهو نفذها لج او سرتي مكان وقلتيله سوو نفسه او من الكتالوج اللي عنده ؟

اتمنى اني ما ثقلت عليكم بالاسئلة .. والسموحة

**lili pop** · 2011-03-20, 21:22

هلا الغالية الصراحة الباب وايد حلو على الطبيعة امس سرت شفته بس لو كان اللون اسود وذهبي بيطلع روعة الله يهنيهم ان شاء الله ومشكورة على الصورة لاتكون بنتج ويا ولدي في المدرسة

ما شاء الله عليك أم حماني يعني عرفتي البيت وإذا تقصدين الوطنية فوصلتي.

**أم حماني** · 2011-03-20, 21:39

المشاركة الأصلية كتبت بواسطة lili pop

هلا الغالية الصراحة الباب وايد حلو على الطبيعة امس سرت شفته بس لو كان اللون اسود وذهبي بيطلع روعة الله يهنيهم ان شاء الله ومشكورة على الصورة لاتكون بنتج ويا ولدي في المدرسة

ما شاء الله عليك أم حماني يعني عرفتي البيت وإذا تقصدين الوطنية فوصلتي.

كل يوم الصبح طريجي من هالشارع والف جدى المعهد العلمي وادش مجمع المدارس، واشوف الفيلا وين وصلت ، عسى ربي يهنيهم ان شاء الله
ومدرسة ولدي عيمان الحديثة وافكر السنة الياية انقله من المدرسة ، بس مب عارفه
وكيف الوطنية وياج اوكيه وكم الرسوم اذا ما عليج امر kg1 ,crade1 وشوه نظامهم قصدي المنهج يمكن كثرت عليج بالاسئلة غناتي سامحيني .

**أم حماني** · 2011-03-20, 22:33

صور ابواب حديد مشغولة ممكن تاخذون افكار يا حلوات

وهاذي رسمات ونقشات حلوة ممكن تكون للبيبان او للدري درابزين

**أم حماني** · 2011-03-20, 22:36

شكلي اليوم وايد مصختنها داشه بقوة خخخخخخخ اونه

**نجمة ابوظبي1** · 2011-03-20, 23:40

سلااااااااااام للجميع

ام حماتي مشكوره وايد ع الصور ...ماشاء الله عليج تسلمين الغلا

الموضوع: (•.¸(`•.¸ ميــــلس " بـــيت العمـــر " . . الجـــزء 8 ¸.•´)¸.•)

أدوات الموضوع

عرض

تركيب انترلوك

المواضيع المتشابهه

احلى مخاوير طبعه للعيد بارخص الاسعار"""""""""""""""

(•.¸(`•.¸ ميــــلس " بـــيت العمـــر " . . الجـــزء 7 ¸.•´)¸.•)

الموضوع: (*•.¸(`•.¸ ميــــلس " بـــيت العمـــر " . . الجـــزء 8 ¸.•´)¸.•*)