نظرة الخطبة^_^

**Rous** · 2007-07-11, 11:26

المشاركة الأصلية كتبت بواسطة الغوا والزين

صباح الخير ..

ظحكتوني وانا في الدوام الموظفين يقولون بلاها مجابله الكمبيوتر وتتكعكع ..

بالنسبه لي يوم النظره الشرعيه ما كان فيه نظره شرعيه ..

دخلت سلمت ع الحريم ويلست اتريا دخول شهريار ومتوتره واهز راسي يوم يسالوني صوت ماشي شرا الهنديات والابتسامة صفرا جني مغصوبه .. شوي اعلنوا دخول شهريار ما عرفت وين اودي ويهي سلم و يلس مجابلني بزاويه شويه تميت ماشي اعد كاشيات الميلس ويوم تعورني رقبتي اصد يمين عنه .. لين قالت اخته انزين رفعي راسج صدي صوبه بيشوفج ورفعت راسي ويت عيني في عينه واشوفه كاشخ بالظريسات ميت من الظحك .. نزلت راسي مره ثانيه شوي وطلع .. يوم سالته عقب ليش كنت طار الحلج قال ما رمت اشوف شي مب طايعه تصدين ولا طايعه ترفعين راسج واكتشفت انه هوه لي قال حق اخته خليها تصد صوبي تطالعني عسب يشوف وكان مستانس لاني منحرجه وقافطه !!
وبس .. غير نظره خاطفه لعيونه وظروسه ما شفت شي !!

خخخخخخخخخخ مت من الضحك

**سلامــــة** · 2007-07-27, 22:31

يوم بنخطب بخبركم...

**فرحة طفلة** · 2007-07-27, 23:48

ما انخطبت ...
يوم بنخطب بخبركم...

بس والله شعورررر محرج وفي نفس الوقت زياااااااااااااااااااااااااااغ

**ஐ عَـفـرٌة ஐ** · 2007-07-28, 00:42

ههههههههههه انا خاطبنيه واحد شيبه عمره 27 و انا عمريه 17
خخخخخخخخخخخخخخخخخ
المهم انا كنت يالسه مع امه و خالته و امايه و خواتي الكبار هنتين امه اتصلت به قالت له يالله احدر ميلس الحريم و يابه ولد اختيه لكنيه ظهرت عسب البس عباتيه و يوم اتاكدت انه دخل و يلس في ميلس الحريم و خااااااااااس من يتريا يتني اختيه تقووووليه ويييينج يالسباله خاس الريال و هو يتريا و بعدين سرت و يلست عالكرسي و هو كان على ييميني و انا طول الوقت اطالع اميه و خواتي و اضحك و لا صديت صوبه و عقب من القفطه هو قعد يرمسني و انا احس ان احباليه الصوتيه تقطعت ابدن ماشي صوت و خلااااف عقب 5 دقايق سالت اختي اروح ؟ و ما ردت عليه تسووويلي حركات اونه اصطلبي جان اشل بعمري و اظهرررررررررر ههههههههههههههههههههههههههههههههههههههه اميه هزبتي هزاب اوين فضحتينا فالريال ^_^ و من ثاني يوم يايب عمامه و خواله اون نتقاصص بس ابويه ما وافق عليه لانه شيبه هههههههههههههههههههههههههههه
و ان انخطبت مره ثانيه بخبركن ......

**ஐ عَـفـرٌة ஐ** · 2007-07-28, 00:43

الله يرزقنا نحن العزابيات معاريس ^_^

**الشموع** · 2007-07-28, 01:51

ههههههههههههههههههههههههههههههههههههههه

**ஐ عَـفـرٌة ஐ** · 2007-07-28, 20:01

المشاركة الأصلية كتبت بواسطة الشموع

ههههههههههههههههههههههههههههههههههههههه

هههههههههههههههههههههههههههههه
بلاج ؟

**قانونيه** · 2007-07-28, 20:50

هههههههههههه
صراحه ضحكت أكثر شي على موقف مس يو اي ايه
صراحه زيغتو الريال ما يسوى عليه
بالنسبه لي مريت بمواقف مع ام عريس الغفله الي محد من اهلي وافق عليه
بس هو ما شافني ولا شفته بس شفت امه جتى بيمعه غير رسميه
يعني نظره شرعيه ما نظره شرعيه بعدني ما جربت هالشي
عزابيه حليلي
هههههههه

موفقات حبايبي

سلام

**عيناوية دلوعه** · 2007-07-30, 17:07

بخبركم بسالفتية بس محد يضحك علي اوكي
المهم يوا ناس عندنا من طرف ناس بس ما أعرف منو المهم يوا البيت يشوفوني المهم يلست انا واختي نترصد من فوق الدريشة نتريا دخول المعرس المنتظهر خخخخ المهم يوم وصلوا الخطاطيب كانوا الريال اللي يبا يخطبني واخوة وابوة والام وخواته ثنتين
المهم عاد أمي يوم زقرتتني طاح قلبي فبطني واختيه تضحك علي وادزني عشان اطلع شفتوا كيف عاد شايفة شكلي وانا خايفة المهم نزلت عند الحريم وانا ارتجف ويلسن يطالعني من فوق لين تحت (يمكن عرض أزياء)المهم عقب راحوا كلهم المجلس ويا الريياييل ونادوا أمي وانا يلست مكاني ما ادري شو السالفة عقب يت أمي تناديني واتخيلو اتقولي يبا يشوفج الريال عاد هنيه قلبي طاح فريولي هههههههههه المهم سرت المجلس بس ما دشيت طبعا لانه اخوه وابوة داخل ويلست عالممر مال الصالة وامي عدالي وفجأة طلعت من الباب امه وسلمت عليها( وخاشمتها) المهم عقب طلع الخطيب وراها اتخيلوا قلبي شرد خلاص طلع من ريولي و يالس الخطيب يبحلق فيني ويدقق ويركز حشى وعقب ركز ع خشمي ويلس يهمس بشوي يقولي خشمج شكيت فعمري قلت يمكن خشمي ما عيبه وأمي وامه مستغربات يقولن يمكن اتخبل الرياليالس يهمس ويسوي حركات وانا بولابس لانه ويهي طايح فالارض المهم أخر شي قال الريال خلاص وركضت انا امرة فالغرفة وودرتهم وسرت عند اختي فوق الغرفة ويلست أختي فاطسة علي على شو ما ادري أخر شي سحبتني عالمنظرة قالت لايكون شافج جي المعرس إتخيلوا خشمي كله لونه بنفسجي من صبغة امه فالبرقع اتاري الريال يقولي امسحي خشمج من الصبح وانه بولابس والله قفط ويهي هههههههههههههههههههه حلوة شو رايكم فخطبتي اللي اتفشل

**مريم العامري** · 2007-07-30, 19:47

انا عن نفسي.. تراني مخطوبة

بس يوم الخطوبة!!! شافني النظرة الشرعية.. اول ما دخل من بابى الصالة قال السلام عليكم وانا رديت السلام بصوت منخفض لاني كنت طماطة بتنفجر!!! ههههههههه .. كانو معاي امي وامه وعمته ( اخت ابوه) واخوي العود!!

المهم انا كنت مستحية طول الوقت وهو بعد مستحي ومنزل راااسه ولا يتكلمون.. جنه يالسين في عزة.. وانا اوني عاااد ارفع عيوني شويه اشوف ويهه .. اول مرة اشوفه ابا اصوره بعيوني واطرش الصورة حق مخي احفظها هنااااك نقطة نقطة خخخخخخخخ متفيجه (( استويت طباااعة)).. وعقب كان اونه يرمس امه وامه كانت يالسة عدالي.. هناك ادري به يطااالعني خخخخخ وانا ميته من المستحى.. والحمد لله كل شي عدا على خير.. بس اتريا الملجه وان شاء الله خير..

**بنوته راك** · 2007-07-30, 20:02

عادي انا مريت بها الموقف

**um hind** · 2007-07-30, 20:48

.. بس شفت ريوله لووول .. لأنها طول الوقت اطالع تحت فتسوي مسح جيولوجي حق ريل ريلها

الموضوع: نظرة الخطبة^_^

أدوات الموضوع

عرض

المواضيع المتشابهه

سؤال بخصص الخطبة؟

يوم الخطبة حد يفيدني!!!

الخطبة و الملجة

( الخطبة ) النظرة الشرعيه