للي يستعملن الشمع في أزاله الشعر..يدخلوون بلييييييييييز ..!!!

[أنا غير]

مرحبا ..^^

اليوم انا ييت ابا أستفسر عن شي..

أنا خذي شمع حار للجسم ..وأول مره أستعمل

الشمع .. بس ابا أعرف كيف اسخنه و لمده كم دقيقه ..

و كيف أستعمله .. و بعد الإستعمال أحط شي و لا

على طول اسبح .,؟!

خبروني بالتفصيل بلييييز ..!

المزيد من آخر المواضيع من نفس القسم:

• سكراب الشوفان وعصير الليمون لتقشير البشرة في...
• طريقة استخدام زيت شجرة الشاي لعلاج الهالات...
• طريقة عمل مرطب شفايف طبيعي بالجريب فروت حصري
• سكراب القهوه للقدمين واهم فوائده حصري
• تعرفي على ابرز فوائد زيت الورد السحرية...
• سكراب الروزماري الفعال لتقشير القدمين في...
• طريقة عمل مقشر شفايف طبيعي بأربع مكونات فقط...
• افضل فيتامينات لصحة وجمال البشرة حصري
• سكراب القرفة وزيت جوز الهند لتقشير الشفايف...
• خلطات سحرية لتبييض الابطين والمنطقة الحساسة

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[يتيمة 555]

حبيبتي ليش اتعبين عمرج واتسخنين الشمع وحاله وعفسه الحين يبيعون ما كينة الشمع وهي من فوق مثل الرول واتشغلينها بالكهربا ولما يذوب الشمع اتمشين الرول على المكان اللي تبين اتشيلين منه الشعر وكان الله غفورا رحيما لا تعب ولا شي واذا تبين اوفرها لج انا حاضره

[يتيمة 555]

نسيت اخبرج انه لازم لما تستعملين الشمع ما اتكونين حاطه زيت على جسمج وعقب ما اتخلصين منه تدهنين المكان بزيت جونسن مال الأطفال وعقب تتسبحين

[أنا غير]

هاي عندي جربتها.. بس و الله عورتني..ههههـ .. عاد قلت نجرب جمن طريقة لين ما نستقر ع وحده مريحه ..هع هع ..

إنزين يوم أيي اسخنه كيف و لمده جم دقيقه.؟!

[يتيمة 555]

والله انا عندي هاي المكينه وهي مريحه وااايد ولا اتعور ولا شي واستخدمها لي ولخواتي بس لازم قبل اتخلينها تقريبا نص ساعه اتحر وعقب تستعملينها

[أنا غير]

إنزين هالمكينه ع جم و وين أحصلها..؟!

[أم بو مايد]

وين نقدر انحصل على هالمكينه

[يتيمة 555]

هاي المكينه 300 او اقل واييج معاها الشرايط وعلبه او علبتين واكس ولااا بعد فيه انواع للواكس فيه بالفراوله وفيه بالليمون وفيه بالعسل والنعناع وفيه بالتفاح ....

[أنا غير]

أوكيه مب مشكله.. بس وين أحصلها..! لا تقولين عند نزيه ..موووول ما احب اتعامل وياهم..

[يتيمة 555]

اوكيه الغاليه اذا تبين اقدر اوفرها لج أنتي تامرين

[متفائلة بالخير]

انا شريتها من عند نزيه في العين

رائعه ومريحه

خليها على الاقل ساعه او ساعه ونص تحر بعدين استخدميها

اذا استخدمتيها قبل بتعلم في جسمج

سالي مجرب

[حيرانة]

لكن عني مشكلة لو استخدم الشمع في العلبة من عند نزية يطلع جسمي البقع السوداء بالرغم اضع زيت من عندهم وكيف طريقة هذي بالتفصيل

[المزوحي]

1. حريه في المايكرويف وإذا ماعندج حطي العبوه في ماء حار ليذوب ويستوي سائل مرة
2. وبعدين أنا بصراحة أفرك شوية فازلين علشان مايلصق الشمع بطبقة الجلد الرقيقة وإتشيلة ويسود المكان وهذي من أسباب ضهور البقع السوده إلي تكون في البداية حمراء تتحول إلى سوداء
3. ومرريه مره واحده بإتجاه نمو الشعر ثم يزال بالورق الخاص بالشمع والحلاوه
4. وقبل ما تغسلين المكان بالماء يجب عليج إزالة الشمع بواسطة زيت ومب مهم نوعه مثلا زيت زيتون زيب جونسن للأطفال المهم زيت يفي بالغرض
لكن أنا عندي الجهاز وخذته ب 350 من صالون شفته عندها وطلبتلي وحده ولكن ماياخذ أكثرمن 15 دقيقة ويسيل وطلبته بعد لمرت أخوي وحميتي بعد ماماشافوه عندي وعيبهم .

[بنوته راك]

موفقه

[فلور]

انا ماخذتنها في محل في الشارجة وسعر رخيص ب120درهم وعند نزيه 1000درهم الي في العين وبصراحة المحل اللي في الشارجة اللي تبينه حق الجسم والشعر بتحصلينه واسعارهم وايد حلوة .