-•°•.•°•- مجبوس بالدجاج التندوري!! مجبوس على طريقة شيخة الحريم بالصور -•°•.•°•-

**شيخة الحريم** · 2007-07-05, 19:16

السلام عليكم ورحمة الله وبركاته

شخباركم ياسيدات الإمارات؟؟ إن شاء الله يوعانييين :1 (34):

خلوني اراويكم طريقتي المتواضعه فالمجبوس ..

بس مب أي مجبوس !! :1 (6): لأ اليوم بنسوي مجبوس بالدجاج التندوري

طبعاً الشكر يعود لصاحبة وصفة المجبوس الأخت لوليانو بس غيرت المقادير شوي :1 (19):

يلا نشووف مع بعض

-•°•.•°•- المقاديـــر -•°•.•°•-

علبتين دجاج تندوري

3 بصلات مفرومه

4 فصوص ثوم مهروس

كزبره حوالي قبضة يد

حبتين طماطم

بهارات(ملح_فلفل أسود_بزار)

عيش ثلاث أكواب

حبتين بطاطا

-•°•.•°•- طريقة العمــــــل -•°•.•°•-

أول شي بنسويه ..

بنقلي مكعبات الدجاج التندوري في شوية زيت .. وعقب مايجهز نقطع الحبه إلى نصفين ونحطهم على جنب

بعدين نقطع البطاطا إلى مكعبات صغيره ونملحها ونخليها تفور في ماء مغلي .. إلى ان تنضج ،، ونحطها على جنب

*والحينه بنحمس البصل مع الثوم في شوية زيت الين مايذبل

وبعدين نضيف عليه مكعبات الدجاج المقليه ونقلبه ،،،

*في هالإثناء .. انقطع حبتين الطماط إلى مكعبات ونحطهم في الخلاط مع الكزبره ونخلطهم ,,

بعدين نضيف خليط الطماط على الدجاج ونقلبه .. وبعدها إضافة البطاطس المسلوقه مع التحريك ببطء علشان ماتنهرس البطاطا

*والحينه يا دور البهارات

(( على حسب الرغبه )) أنا حطيت ملعقتين طعام ملح ملعقه ونصف طعام بزار ملعقتين صغار بهارات حاره ملعقة صغيره فلفل اسود

بعد البهارات نضيف العيش (المغسول من قبل) ونخلطه بشويش

*وبعدين نصب ماي فوق العيش بـ ثلاث انشات ( شرات ماقالت لوليانو :1 (32): ) وننتظره الين مايغلي :1 (34):

يوم نشوف الماي يغلي نغطي الجدر بقصدير ونحط عليه غطاة الجدر

ونحطه على نار هادية جداً لمدة 45 دقيقه

النتيجه :1 (37): :1 (37):

وبالعافيه عليكم ،، ( انصحكم تجربونه لأنه :1 (32): )

لاتنسوني بالدعاء ^_^

اختكم
شيخة الحريم

المزيد من آخر المواضيع من نفس القسم:

**لوليانو** · 2007-07-05, 19:37

يسعدني إني أكون أول وحدة إترد عليييج ...

شو هالفن .... تسلم إييييدج ....يمي يمي ...شكلها لذيذ .....

ماشاء الله عليييج ..والله يعطييج العافية ...لالالالالالازم أجربهاااا ...:22 (22): :22 (12):

**ام حمود...** · 2007-07-05, 19:54

تسلم ايدج ويعطيج الف عافيه عالمجبووووس شكله لذيذ ومشهى....ومشكوره عالوصفه ان شاءالله بنجربه......

**~ مياااوه ~** · 2007-07-05, 19:56

تسلم يدج حبووبه

و شكله لذيذ ..!

**ريم الوضح** · 2007-07-05, 20:09

جوعتينى زياده تسلم الايد الحلوه

**شيخة الحريم** · 2007-07-05, 20:12

لوليانو ..الله يسلمج حبيبتي والله اسعدني توااااااجدج ^_^ ولازم تجربينه وتردين عليه بالنتيجه المرضيه بإذن الله

وسلمتي ع المرور الحلو

ام حمود .. الله يسلمج ويعافيج يالغاليه ،، العفو فديتج واتريا تجربتج طبعاً

~ مياااوه ~ .. الله يسلمج عزيزتي

شكراً على المرور الطيب ..

ولا عدمناكم،،،

اختكم
شيخة الحريم

**شيخة الحريم** · 2007-07-05, 20:13

ريم الوضح .. حياج اتفضلي ويانا ^.^ الله يسلمج غناتي ،، وشكراً على المرور

اختج
شيخة الحريم

**hontha** · 2007-07-06, 07:26

هني وعافية

**كوكا** · 2007-07-06, 08:22

تسلم ايدج شكله حلوه ان شاء الله بجربه

**بنوته راك** · 2007-07-06, 11:11

تسلم يدج حبووبه

**الاترجة** · 2007-07-06, 14:42

يا عيني على هالفن والابداع ما شاء الله عليج

**دبويه2007** · 2007-07-06, 16:40

يعطيج العافية

تسلم يمناج ^.^

**شيخة الحريم** · 2007-07-06, 18:31

الله يسلمكم ويعافيكم فديتكم ^_^

يلا عاد اتريا التجربه الحلوه منكم ،،

وخبروني بالنتايج

اختكم
شيخة الحريم

**الموج الحزين** · 2007-07-06, 18:40

تسلم ايدج اختي بالتوفيق

**ترفه** · 2007-07-06, 20:03

تسلم يدج حبووبه

و شكله لذيذ ..!

الموضوع: -•°•.•°•- مجبوس بالدجاج التندوري!! مجبوس على طريقة شيخة الحريم بالصور -•°•.•°•-

أدوات الموضوع

عرض

-•°•.•°•- مجبوس بالدجاج التندوري!! مجبوس على طريقة شيخة الحريم بالصور -•°•.•°•-

المزيد من آخر المواضيع من نفس القسم:

المواضيع المتشابهه

طريقة عمل مجبوس سهله ولذيذه

ابا طريقة مجبوس دياي على اصوله

{ مجبوس} ام خالد غير روووووعه بالصور و سهل جدا

مجبوس دياي بالروب طريقة امي الغااااااالية ^^

أبغي طريقة مجبوس دجاج؟؟