تقدير مجهود وتعب التاجرات ما بين مقدر وغير مقدر

**أم الكباتن** · 2011-01-24, 11:08

السلام عليكم اخواتي

هذا الموضوع نزلته قبل وانحذف والسبب تمنع مواضيع شركات التوصيل مع اني ما ناقشت شركات التوصيل

ما يخصني في شركة التوصيل

انا اناقش موضوع الزبونه اللي تقدر وتحترم تعب التاجره
والزبونه اللي ما تقدر ولا تحترم تعب التاجره

اولا قبل اي شي انا ما مر علي غير الزبونات الخلوقات اللي ينحطن عالجرح يبرا
علشان نعطي كل ذي حق حقه

بس في زبونه تراسلج عالفون وتحط بياتها وتطلب وبعدين ترد عالمنبدوب تقوله ما طلبت

يعني شو يكون رد فعلج

يعني انا ساحره مثلا يبت رقمها واسمها وعنوانها كلهم صح

وفي الاخير لما اراسلها ترد علي تقولي انا خبرت المندوب اني كنسلتها

يعني المفروض منو تخبرين

لما حبيتي تطلبن طلبيه راسلتي المندوب ولا راسلتي التاجره
وأخيرا لما قررتي انج بتكنسلين ولا سويتي اعتبار للتاجره

التاجره اللي اهتمت في رسايلج ترد على اسئلتج
التاجره اللي تتعب وتدور رضاكم
حتى لو كانت تاخذ حقها
بس وين حقها اللي ضايع مع هذي الفئه من الزباين اللي تطفر وفي الاخير تطلب وما تستلم

المنتدى كله طفح من مواضيع تشتكي من التاجرات
وين المواضيع اللي تدور على حقوق التاجره

اعتقد ان ابسط شي ممكن يكون اعتذار للتاجره

والله يا فلانه ما بقدر استلم الطلبيه او غيرت راييي او اي سبب انتي حرررررره

بس تخبرينها

انتي لج الحق انج تكنسلين وتغيرين رايج 100% حقج

بس لازم تخبرين التاجره انج كنسلتي وياليت قبل ما تطلع الطلبيه

لازم تقدرين الانسانه اللي ما تجاهلت تساؤلاتك ولا استفساراتك وردت عليج بكل رحابة صدر

المزيد من آخر المواضيع من نفس القسم:

**جـورية العين** · 2011-01-24, 11:15

وانا معاج اختي واظم صوتي لصوتج ياريت لو يقدرن بس

**kash5ah_girl** · 2011-01-24, 15:03

حلوووو موضوعج ^^

كلامج صح .. بس بالنسبة لهذي الجملة:

"انتي لج الحق انج تكنسلين وتغيرين رايج 100% حقج "

انا وياج بس الي تطلب لازم تكون جادة و اذا فكرت انها تكنسل

يفضل انها ترد قبل لا تتجهز طلبيتها او تتطرش ويا المندوب

و عقب تخسر التاجرة سعر التوصيل .. في تاجرات وراهم عايلة

و تجارتهم مصدر الدخل الوحيد الي عندهم فمب حلوة التاجرة

تجهز و تتعب و آخر شي الزبونة ما ترد على المندوب او مثل ما قلتي

تقول ما طلبت و تخسر التاجرة سعر التوصيل و هي بروحها بحاية كل فلس

الله يهدي اليميع ان شاء الله

مشكووورة عالموضوع حبيبتي

**موزه السويدي** · 2011-01-24, 16:36

بس لازم تخبرين التاجره انج كنسلتي وياليت قبل ما تطلع الطلبيه
لازم تقدرين الانسانه اللي ما تجاهلت تساؤلاتك ولا استفساراتك وردت عليج بكل رحابة صدر

صارت معاي بس ماقول غير حسبي الله ونعم الوكيل فيها زهبت الطلبيه
ومب اي طلبيه الطلبيه اللي هي عباره عن منظفات وجيمة التوصيل جيمه محترمه لأن فيها وزن
لما المندوب اتصل فيها قال لها قيمة التوصيل قامت كنسلت ولا عطتني خبر..

**ماما امولة** · 2011-01-24, 17:09

والله يا أختي شرات ما قلتي في زبونات عسووووووووولات وما شاء الله عليهم
وفئة قليلة الله يهديهم بيتسلوا
لكن لو يعرفوا شو موقفهم يوم القيامة عند وقوفهم امام الله جان ما تجرأوا وعملوا جي
لأن التاجرة بتطلع روحها وهي بتجهز الطلبة وبعدين تتصل بالمندوب
وتضطر تلغي مواعيدها عسب تنتظر المندوب
وبعد كل هالتعب تطنييييييييييش
عموما اختي الحق عند ربنا ما بيضيع وكل هذا رصيد للآخرة ان شاء الله
ومشكورة على الموضوع

**سوارة** · 2011-01-24, 18:00

الله المستعان خلاص تعودنا

**أحلام علي** · 2011-01-25, 03:31

والله لو يستوي نحن نقول شو يصير زين

^^

اذا وحدة انعضت من تاجرة مرة او اكثر

انا اضمنلكم ان كل تاجره تعرضت لاضعاف

^^

**قمر منور** · 2011-01-25, 20:44

ليش تحذفون مشاركتي ما غلطت فيها على حد..
ولا كنت أعرض مشكلتي ولا شي بس حبيت أوضحلها نقطة ان احيانا المندوبين يجذبون

ع العموم شكرا لج
وشكرا لجهودكم

**نانا الحيرانة** · 2011-01-25, 20:53

آخ يا ام الكباتن مافي تاجره ما مرت بهالمشكله ولهسبب احط شرط ترسل رصيد قبل لا ارسل الطلب وفي منهم يتضيقون من حرك الرصيد ويعتبروها اهانه
بس هذا ضمان بسيط لحقنا
والله كريم

طبعا بدون تعميم لان في زبونات قمة الروعه والاخلاق والجديه والذوووووق

**متفائله دوما** · 2011-01-26, 23:09

معااااااااااج بس اريد اضيف
فيه فئه تحب اللعب او بصراحه فضوليه بقولج ليه
مثلاا انا اعرض في الكراج سيل جزء من الفستان الي اريد ابيعه اوك
واكتب للجاااااااااادات فقط والله يابنات انه اكثر من اربع مرااااااات الي اضطر اني امسح الرساااااااايل من كثرهاااااااا كل وحده ترسل تريد تشوف وتقول انا جاده وعقب ماااااااااترد!!!او تقول بشوف راي اختي ؟؟؟؟؟
الله المستعان

**أحلى زهرة** · 2011-01-26, 23:53

الله المستعاااان صدق هالفئة ماعرف كيف مايحسون

**أم الكباتن** · 2011-01-26, 23:56

المشاركة الأصلية كتبت بواسطة قمر منور

ليش تحذفون مشاركتي ما غلطت فيها على حد..
ولا كنت أعرض مشكلتي ولا شي بس حبيت أوضحلها نقطة ان احيانا المندوبين يجذبون

ع العموم شكرا لج
وشكرا لجهودكم

اختي المندوب ما قال هي اللي قالتلي

**قمر منور** · 2011-01-28, 10:19

المشاركة الأصلية كتبت بواسطة أم الكباتن

اختي المندوب ما قال هي اللي قالتلي

مرحبا اختي ، وياج حق والله المستعان
السموحة منج

**حلوات الاهداب** · 2011-01-29, 01:43

صح كلاج اختي ,.....
ترا ما بتحس فيها الا التاجره نفسها ...
بس الحمدلله انه ها الفئه قليله والاكثريه ماشاء الله عليهم قمه في الذوق والرقى

الموضوع: تقدير مجهود وتعب التاجرات ما بين مقدر وغير مقدر

أدوات الموضوع

عرض

تقدير مجهود وتعب التاجرات ما بين مقدر وغير مقدر

المزيد من آخر المواضيع من نفس القسم:

المواضيع المتشابهه

><><>< مقدر و لازم يصير ><><>< قصة إماراتية

خلاص مقدر اتحمل !!

يا صاحبي دونك أنا مقدر...

» ارز مقدر (طبق فلسطيني )