بغيت شوركم فموضوع

**ba6006a** · 2011-01-14, 20:23

أهلين بنوتات شحالكم؟

ربيعتي عندها مشكلة و كانت تشكي لي فحبيت أطرحها لكم عشان أستفيد من نصايحكم لأن الموضوع واايد مضايجها. هي مشكلتها شبيهة نوعا ما بمشكلتي بس هي معرسة و عندها ولد و بنت.

هي خريجة جامعة و زوجها خريج ثنوية عامة و عرست قبل تقريبا ٥ أو ٦ سنين. طبعا قبل الحياة كانت أرخص و زوجها مشالله عليه ريال شاطر رغم أنه راتبه ضعيف لكن مشالله بروحه كان مكون نفسه و تزوجها. لما ملجو أهل البنت و بما أنها تشتغل و راتبها أعلى عن راتب زوجها أهلها شرطو في عقد الزواج أنه زوجها ماله حق ياخذ منها و لا شي من راتبها و شرطو أنه كل شهر تعطيهم مبلغ محدد.

و ملجو و عرسو و يابو عيال و مرت الأىام و الحياة صارت غالية مثل ما أنتو عارفين و ريلها راتبه مب ذاك الزود يحصل ١٦ ألف كل شهر لأن يداوم في قطاع خاص و بثنوية عامة و هي تداوم في قطاع حكومي و راتبها تقريبا ٢٠ ألف فقامت تساعد زوجها فمصاريف البيت و تدفع معاه نص الإجار لأن الإجار كاسر ظهره و هو يدفع الفواتير و هالسوالف و أغراض البيت هم متعاونين بها و حتى مصاريف العيال نصب بالنص و إن شاء الله بيبنون لهم بيت و يالسين يتعاونون مع بعض يجمعون شوي حق بيتهم لأن ريلها بد بخت ما يروم يسوي كل شي بروحه و كفاية أنه راح ياخذون من راتبه مال قرض الإسكان و بسبب ظروفها قللت من المبلغ اللي تعطيه لأهلها كل شهر فصارت مشكلة بسبب الشي هذا و أهلها تضاربو مع ريلها و قالو له أت قاص عليها و تاخذ منها بيزات و أنت مب ريال و كلام من هالقبيل.

ما عرفت شو أقولها غمضتني بصراحة هي مسكينة ما سوت شي غلط و الحياة غالية و مستحيل ريال بروحه يشتغل و يروم يأسس بيت و عيال لازم الزوجة بعد توقف معاه.

الله يعينا على ارتفاع الأسعار أحس كل شي صار غالي يعني لين نص الشهر الراتب يطير.

المزيد من آخر المواضيع من نفس القسم:

**دنيا الوله^,^** · 2011-01-14, 20:29

صراحه اختي مافيها شي لو الوحده تساعد ريلهاا
وشكلهاا اهلهاا هم الطمعانين ف فلوسهاا هب ريلهاا
ربي يكون ف عونهاا
وهي ماسوت شي غلط
وريلهاا ماعليه من رمسته اهلهاا^^

**ابتسامة قمر** · 2011-01-14, 20:40

منو من اهلها اللي يبا بيزآت ؟؟؟

امهـآ .؟؟
ابوهـآ ؟؟
مابعلق هني ( بس طبعـآ في حدود )

بس لو عشان خواتها وعماتها ووالخ
اسمحيلي هم ما يخصهم وما يحق لهم انهم ياخذون منهـآ شيء
وليش ياخذون اساسا ؟؟؟ جيه ماشيء اولـآد ؟؟ خله هم يشتغلون بروحهم ويصرفون ع اعمـآرهم

وربيعتج لازم اتساعد ريلهـآ اذا السالفة جيه لان البيت بالاخير حق عيـآلهـآ
و البيزات الحيين حق شوو اذا ماصرفت للحـآية وخاصة لحيـآتهـآ وحياة عيـآلهـآ ,!!!

قوليلـهـآ
خلهـآ اتسوي اللي اتشوفه صح
والباجيين مصيرهم يرضون بالامر الواقع سؤآء اليوم او بـآجر

الله يهدي هالنوع من الاهل اللي ما يقدرون تعب البنية وياكلون بيزاتهـآ بكل برؤد

وخلهـآ تسـآل الشيخ في هالحـآلة شو هو التصرف الصحيح ووالخ
عسب تتجدم بكل ثقة
خلهـآ اتشوف وين رضـى ربهـآ قبل رضـآ اهلهـآ
وماعليهـآ من حد
وخلهـآ اتدافع وتوقف ويا اللي ويـآه الحق سوآء زوجهـآ او اهلهـآ
لانه ما يستوي نظلم حد ع حسـآب حد ثاني ولو كـآن غالي
كله ولا الظلم
اذا الحق ويـآ ريلهـآ خلهـآ اتدافع عنه وهو مب ملزوم يتسمع كلـآم اهلهـآ السـآم ><

والله يحفظ لهـآ ريلهـآ وعيـآلهـآ ،،

**bellegirl** · 2011-01-14, 20:52

لا حول ولا قوة إلا بالله

أصلا أهلها من البدايـة مب حلوة يشرطون على الريال مثل هالشرط

محد يعلم باللي بيي بعد الزواج ..

وعلى العموم الحرمـة يوم تعرس تتبع ريلها ومب أهلها

طبعا تحترم أهلها وماتقصر في حقهم

لكن في الأول والأخير دام الشي مب معصية فهي تمشي على كلام ريلها

وربي يسر لها

**أستغفر الله.** · 2011-01-14, 21:02

استغفر الله العظيم واتوب اليه

**hedo** · 2011-01-14, 21:05

مرحبا انا جديده هون
نصيحتي لصحبيتك انو تعقد مع اهلها وتحكي معهم وتتفاهم
وتشرحلهم وضع زوجها ‏
تحكيلهم على الاقل بس لحتى ما نبني بيت برجع اساعدكم
بس هلا وضع خآص ولازم تراعو ظروفنا
تآخدهم بلكلمه الحلوه تحكيلهم انتو اهلي من حئكو اساهدكة
متل ماربتوني وصرفتو علي بس انا عندي اولاد وبستنو منا ‏
الرعآيه والاهتمام ولازم نوفرلهم بيت ‏
يعني تتفآهم معهم بروآق ‏
وتحكي مع زوجهآ تخلي لا يحتك بأهلها هلفتره
حتى لو غلطو بحقو حليه يضلو سآكت لانو الصمت ابلغ من اي شي ممكن
يحكيه
بتمنىى تكوني فهمتي عليه لانو انالهجتي فلسطينه بس موصعبه كتير

انا بحب لاامارات وبحب اهلهآ وبحب ناسها

وربنآ يبآركم فيكم

الموضوع: بغيت شوركم فموضوع

أدوات الموضوع

عرض

بغيت شوركم فموضوع

المزيد من آخر المواضيع من نفس القسم:

المواضيع المتشابهه

بغيت شوركم

بغيت شوركم

بغيت شوركم..