ريلي خاني !!! ريلي عيونه زايغه !!! ريلي اتزوج عليه !!!! الخ الخ

**al-jo0oharh** · 2011-01-11, 18:54

مرحبااااااااا السااااااااع

حي وسهلا ومرحباااااا بالغالياااااااات^^

اليوم ربي يسلمكن يايه اتناقش ويا حروماتنا الغاليات بموضوع مهم جدا جدا

من اللي اشوفه بنطاق اللي حولي ومن المعارف

خلاني اجزززم واتاكد ان الريال مايروح برع الا وفي شي بالبيت ناقص ولا شي بالبيت غلط

انا مب يايه اوقف بصف الرياييل واقوله من حقك اتسوي اللي تسويه لااااااااااا والف لاااااااااااااااا

لا تفهمون غلط >>>>> لن ادري في منكم بتخرج الموضوع عن مساره ههههههههههههه

اللي اقصده يا خواتي وياحرومات يا حلوات

ان الوحده يوم تغلط ماتقول انا غلطط ولا ماتحس بهالشي اللي حولها يحسون

مثلا وحده من معارفنا كل ماشوف ويها تقعد اتقولي

اربيعتي قالت لي ريلها سوالها جي

اربيعتي قالت لي ريلها وداها الفندق الفلاني

ربيعتي قالت لي ريلها دخل ويها وقت ماولدت

انا ريلي مب جي وتبتدي تذمر من ريلها

قلت لها هب لازم ريل ربيعتج يكون شرات ريلج

مب لازم عسب ريل ربيعتج وداها فندق ان ريلج يوديج فندق

ممكن ريلج يعبر لج عن حبه بطريقه ثانيه

ومب لازم ان ريل رربيعتج دش وياها غرفة الولاده وصعبت عليه وحس فيها

ان ريلج يكون نفس الشي لاااااااا

ممكن ريلج انتي يقززززززززز من المنظر وكل شوي يذكره وتلووووووع جبده

قامت سكتتت

وحسيت انها ماعيبها كلامي

قلت ماعلينا النصح هاليومين صار يزعل ههههههههههه

وشي منهم

الصراحه الصراحه الصراحه

انا انا انا كببببببببببببببببببببببببببببببببببببببببببببببببب ببببنت احسهم رياييل مب حريم

الحرمه بشو معروفه برقتها بشخصيتها الحلوه

الخشووووووووونه والعصبيه والصوت العالي حق الريااااااااااااااال

في منهم افبيتهم تصارخ وتكسر وتعصب عالعيال وتظربهم كنهم اعدائها مب عيالها

بذمتكم الريل يوم يجوف مرته جي شو بيحس !!!!!!!

لا تظايجون من كلامي بس ها الواااااااااقع

ولا تقعد ابيتها جلابية بيت عاديه جدا جدا

وشعرها لافتنه ورافعته عفوووووووووووووووق ولا قدله ولا شياته >,<

اتخيلو المنظرررررررررر

وعقب يوم ريلها يجوف بررررررررررع تظايج

!!!!!!!!!!!!

ومنهم

من دوامها للبيت تجي للبيت تناااااااااااااااااااااااااام وريلها يجي يحصلها نااااااااااااااايمه

تقوم العصر تصارخ عاليهااااااااااااااااااال

والطباخ والغسيل والترتيب وكل شي عالخدااااااااااااااااااامه !!!!!!!!!!!!!!!!!!!!!!!!!!!!!!!

اشيا وايده نشوفها خواتي

انا نزلت هالموضوع عسب المناقشه وعسب نطلع منه بفاااااااااااايده

وهي

ان قبل لا نحاسب رياييلنا نحاسب عمرنا بالاول اذا في تقصير ولا شي مب زين فينا

واذا مااااااااافي شي

عقبها لنا حق نعاتب الريال

لا تزعلون من صراحتي ولا تزعلون من كلامي

بس ياليت تنتبهون لهالشي

صج اني عزابيه بعدني بس خذيت خبرات

واللي شفته حولي استغربت منه وحبيت اناقشكم فيه

حتى اليوم وانا بالمستشفى وحده فجت لي هالموضوع

عسب جي ييت اناقشكم فيه

والله يسعد كل معرسه والله يرزقني ويرزق خواتي الملقوفات بالريل الصالح اللهم امين

المزيد من آخر المواضيع من نفس القسم:

**خواطر©** · 2011-01-11, 19:28

رررررررررررررررررررررررفع

**sara_91** · 2011-01-11, 20:46

هالمشاااكل واااااااااايد زااادت والدلييل المواضيع الموجوده فهالقسم ..

بكتب موضوع عن هالشي .. لاني منقههههره

**احتاجك..** · 2011-01-11, 21:03

ابــــــــــــــــــــــــــ
سبحان الله وبحمده ,, سبحان الله العظيم..

**كريستال** · 2011-01-11, 21:06

بس بعد في رياييل عينهم زايعه لو الحرمة تحرق نفسها لهم ..

وكلامج جميل ومنطقي وما يزعل بالعكس أنتي ممكن تفتحين عيون الحريم المغمضه ويعوضون القصور ..

وربي يسعدج ..

**Bonboon** · 2011-01-11, 21:09

يزاج الله خير حبوبة

**al-jo0oharh** · 2011-01-11, 21:16

المشاركة الأصلية كتبت بواسطة كريستال

بس بعد في رياييل عينهم زايعه لو الحرمة تحرق نفسها لهم ..

وكلامج جميل ومنطقي وما يزعل بالعكس أنتي ممكن تفتحين عيون الحريم المغمضه ويعوضون القصور ..

وربي يسعدج ..

ادري حياتي وهالشي انا قلته بموضوعي

فديتج

بس قلت بالاول الوحده تشوف القصور اللي بنفسها

وجان مافيها شي

بس ريلها يطالع

ذيج الحزه بحقها تعاتبه ونص

بس اذا كان في قصور بها تعالجه بالاول

وتسلمين حياتي

وتسلمون عالمرور حبيباتي

**الغلا 222** · 2011-01-11, 21:17

دائما وأبدا جوجو ربي يحفظج مواضيعج ونقاشاتج رووووعة وانتقائج حلو
فديت جوجو أناااا

ناقشتي موضوع مهم وحساس أخس شي المقارنة القناعة حلوة لازم نكون قنوعين ونراعي (القناعة كنز لايفنى)

وقلتي شي بخاطري بمسألة النعومة والرقة والكشخة الريال لاااااازم تشبعين عيوووونه الزايغة لازم دوووم تكونيني عروس وحلوة بنظره .. مب تكشخين للناس والربع !! ريلج أولى من الناس وشي منهم من ييبون عيال خلاااص لاكشخة ولااهتمام ماأحط ع الحريم بكل شي الرياييل بعد عيونهم برا بس الوحدة لازم تعالج من الداخل وتسوي واجباتها

ومشكووووووورة ياجوجو ع الموضوع الروعة ^_^

**الأحلام الملونة** · 2011-01-11, 21:24

الحقيقة ان الحياة الزوجية مثل آي شيء بالدنيا يبالة توفيق من الله وما في قاعدة ثابتة يعني تجدي زوجة متفانية

ورغم ذلك الزوج يخون 0000 وزوجة مهملة وزوجها لا يأخر لها طلب 00000

المقصود الأنسان يتقي الله ويعمل كل المطلوب علي أكمل وجة عاد توفق او ما توفق يحمدالله علي كل حال

لأن لا توجد حياة كاملة الكمال لله وحدة بس

**مرت المحامي** · 2011-01-11, 21:28

كــلامج صحيح ,,
مــرات القصور يكــون من الحــرمه نفسهــا انها تهمل نفسهــا و تهمل ريلها وما تتعدل له وما ادلعه وما تحسسه برجولته أو ما تيلس وياه اتناقشه في بعض الامــور !!

بس في رياييل لو الحرمه تحرق صبوعها عشــانه ما اييب راسه ’’ والحــل بالقب على راسه

أو ســم فيران !!!خخخخ.

مشكوره على الموضوع الرئع ..

**ملكة الاحاسيس** · 2011-01-11, 21:34

الي عاجبني فيج مواضيعج الغرض منها النصح والتوعيه

بس بيني وبينج

ترانا كللللنا نمر يالحريم بجميع ماذكر : اعطيج امثلة
الي تسكن بيت اهل زوجها وماعندها الا غرفه بحمام شو تسوي !!! مجبووورة ياعمري تستر جسدها من اخوان زوجها

والي زوجها مايساعدها ومب راضي يجيب لها شغاله بعشرررررين مليون حجة! وعندها اطفال !! شو اتسوي

صدقيني ياختي والله العظيم الي مجربة غييييير عن الي تسمع وتشوف.

الحياه الزوجية مسؤولية. ومب اي مسؤولية

الله يعين كل حرمة ابتلشت بزوج من هالنوع بالذاااااات الي يعددون هذول صدقيني معيشين حريمهم عيشه نكد وبخل وفي الاخير يروح ينزل كم كيلو من وزنه ويعالج الشيب بصبغ ويركب اسنان ويروح يتزوج. بنية صغيره !

خساااااااره وصدق من قال : بخت الصبايا في الانذال وبخت الانذال فيهن

**أم خالد الحلو** · 2011-01-11, 21:36

أتمنى الزوجه تفهم شخصية الرجال وشخصية النساء وتقارن بهما

لأن الاثنين مختلفين ^_^

موضوع مميز .. يستحق التثبيت

**كشكش** · 2011-01-11, 21:37

تسلمين على الموضوع الحلوه

**جنح الليل2** · 2011-01-11, 21:38

ههههههههههه هههههاي

**al7alma** · 2011-01-11, 22:14

المشاركة الأصلية كتبت بواسطة كريستال

بس بعد في رياييل عينهم زايعه لو الحرمة تحرق نفسها لهم ..

وكلامج جميل ومنطقي وما يزعل بالعكس أنتي ممكن تفتحين عيون الحريم المغمضه ويعوضون القصور ..

وربي يسعدج ..

ااااااااااااخ يالقهر والله صج كلامج نحن نكرف عسب نسعدهم واخر شي هذا يزانا

الموضوع: ريلي خاني !!! ريلي عيونه زايغه !!! ريلي اتزوج عليه !!!! الخ الخ

أدوات الموضوع

عرض

ريلي خاني !!! ريلي عيونه زايغه !!! ريلي اتزوج عليه !!!! الخ الخ

المزيد من آخر المواضيع من نفس القسم:

المواضيع المتشابهه

{ ريلي عرس عليه ..!!.. ريلي مهمل فبيته ..!!.. ريلي .. و.. و.. }<< حياكم

ريلي متزوج علي..كيف انتقم من الثانيه .. كيف اخلص ريلي منها تفضلي ادخلي

ريلي خاني اليوووم

ريلي خاني واحنا ماكملنا شهرين من تزوجنا

اوانه يعني اوانه!ريلي يحبني؟ريلي سوالي؟ريلي خذلي؟ريلي و ريلي و ريلي..موضوع للنقاش