... مغامرتي في أوبرا ... 

**بيبي دمعة** · 2010-10-19, 12:33

حبيت أخبركم عن رحلتي لـ أوبرا - دبي

بصراحة روووعة وكانت الرحلة واايد حلوة كانت بتاريخ 15 أكتوبر 2010

بالنسبة لي المكان كان أول مرة أسمع عنه وقلت خلينا انروح وانجرب وحطيت التقرير بالتفاصيل وبالصور عسب الكل ياخذ فكرة ويعرف المكان .. وراح أقولكم عيوب ومحاسن المكان نفسه من خلال تقريري..

المكان اسمه

عبارة عن 22 فيلا مفروشة وكاملة الأثاث و يتوفر فى كل فيلا كل الأدوات الخاصة بالمعيشة وخاصة المطبخ المتكامل.

كل فيلا سكنية تتكون من 4 غرف نوم ، 3 غرف فوق و غرفة تحت ، 4 حمامات، صالة فوق وصالة تحت ، مطبخ بكل الادوات اللازمة ، ومسبح خاص ومكان خاص بالباربيكيو ..نظام الفلل كلها نفس الشي ومافي فيلا غير عن الثانية ..

خططنا لهاي الرحلة وبما ان في مكان للشواء خذينها لحمنا ودياينا متبل من البيت ..

بسم الله بندأ

الشكل الخارجي للفلل

المسبح الخاص

صورة من فوق

محلى الماي ... يفتح النفس

مكان للشاور بعد أو قبل السبوح

المظهر الخارجي للفيلا من صوب المسبح كله زجاج يعني ممكن الكل يشوف من الخارج ومن الداخل واللي ما يبي ينزل الستاير

بوابة الفيلا من الداخل .. عيبها ان السور والباب قصير

وهاي صوره ثانية اتبين الباب والباركن لانهم جنب بعض واايد

وهاي من صوب الباب اتشوفين المسبح

المكان الخاص بالشواء

حديقة خلفية مافيها شي ووايد صغيرة

خلصنا من الفيلا من الخارج

.... يبتــــــــــــــــــع لا تردون ...

المزيد من آخر المواضيع من نفس القسم:

**بيبي دمعة** · 2010-10-19, 12:37

نكمل الفيلا من الداخل

مدخل الصالة

منظر المسبح من الداخل

الصالة اللي تحت

تتوقعون هذا الباب وين يودي .. تكرمون هذا طلع حمام ..

المطبخ

نحن اندور الصحون والأدوات كلها .. واخيرا طلعت في هاي الأدراج ..

.... يبتــــــــــــــــــع لا تردون ...

**بيبي دمعة** · 2010-10-19, 12:39

الغرفة اللي تحت مع حمامها على اساس مسوينها للشغالة .. بس طبعا نحن استخدمنها لان ما خذينا الشغلات ويانا..

هذا حمام الغرفة .. بس عيبها الحمامات كلها ضيقة

الدرج اللي يدوي الغرف فوق

منظره بليل

وهذا وانتوا نازلين

الصالة اللي فوق

المرر اللي يودي الغرف

الغرفة الرئيسية

حمام الغرفة الرئيسة

.... يبتــــــــــــــــــع لا تردون ...

**بيبي دمعة** · 2010-10-19, 13:05

الغرفة الثانية بسرير واحد بدون حمام

الغرفة الثالثة بسريرين مع حمام

وأخيرا المنظر الخارجي للفيلا بليل

اوووه نسيت .. تراني قلت يبنا لحمنا معانا
هني شبينا الضو

وهذا عشانا وحياكم ويانا

وطبعا أخر شي بعد ما الكل أكل وحلا
انا خذيت التحلية اللي ما تفارقني .. حد حاب يحلي معاي

انتهينا والحمدلله

.................................................. .................................................. ...........................

مميزات الفلل

المسجد واايد قريب خطوتين وفي قسم للنساء

فيها مسبح خاص وكبير

كل أداوت المطبخ موجوده ومتوفرة اللي عليكم بس يبو الأكل وملاعق الطهو الخشبية واللي تقلين فيها البيض..

الخدمة ممتازة واي شي نباه على طول ايبونه لنا

المكان أمن وكله حرس وكاميرات .. حتى الفيلا من الداخل بتشوفون اجهزة الانذار تارسة

المكان محاط بكل شي يعني كل شي قريب منه مثل صيدلية ، جمعيات ، سوببر ماركت ، اللولو ، محلات واايدة ، مطاعم ، مغسلة ملابس ، يعني كل شي قريب بس طبعا مب مشي يعني بالسيارة مال دقيقتين..

عيوب الفلل

مكانهم الخارجي مب لي هناك

الفلل مب فخمة واايد بس روووعة

المسبح كبير .. بس عميق مب واايد عميق بس ما يناسب الأطفال لازم يلبسون حمايه..

ما عندهم خدمة الطعام .. أقصد ايبون أكل للفيلا..

ماعندهم سوالف الميني بار يعني ماي ، شيبس ، مكسرات ، يعني من هالسوالف

سررهم الأضافية عبارة عن دوشق دبل مب سرير

سور الفيلا وبابها قصير يعني لو حد وقف عند الباب ممكن يشوف المسبح بس الصراحة تنقال مافي ولا حشرة اتمر من الباب وحتى الموظفين اذا يو ما يقفون عند الباب يقفون على طرف بحيث ما يشوفون شي..

بصراحة انا عجبني وااااااااااااايد المكان وكل العايلة استانست ..

**زوجة زوجها** · 2010-10-19, 13:11

بصرااااحه وااايد حبيييته المكاااان

تذكرت الاسترااحاات حق السعودية

ينفع حق طلعاات العوايل الكبيره رحله وونااسه

ابى اسألك اول شي وين مكاان تقريبا و ثاني شي كم سعر الفله ؟

**نسيم المطلعيه** · 2010-10-19, 13:25

روووعه ماشاء الله

اتصلتبهم و قالي سعر الليله بــ 1650 ...

**بيبي دمعة** · 2010-10-19, 13:26

المشاركة الأصلية كتبت بواسطة زوجة زوجها

بصرااااحه وااايد حبيييته المكاااان

تذكرت الاسترااحاات حق السعودية

ينفع حق طلعاات العوايل الكبيره رحله وونااسه

ابى اسألك اول شي وين مكاان تقريبا و ثاني شي كم سعر الفله ؟

هيه والله صدقتي ...

المكان الغالية ورا إمارات مول ... وسعر الفيلا بـ 1800 درهم بس راح يرفعون الأسعار ..

**@شمعة الجلاس@** · 2010-10-19, 14:29

ماشاءالله حلوو تقريرج
المكان يديد وشكله نظيف بنحجز من الحين حق العيد

**بيبي دمعة** · 2010-10-19, 14:32

المشاركة الأصلية كتبت بواسطة نسيم المطلعيه

روووعه ماشاء الله

اتصلتبهم و قالي سعر الليله بــ 1650 ...

مشكورة الغالية على الرد .. شكله هالسعر مب حق الويك اند لان الويك اند بـ 1800

**بيبي دمعة** · 2010-10-19, 14:34

المشاركة الأصلية كتبت بواسطة @شمعة الجلاس@

ماشاءالله حلوو تقريرج
المكان يديد وشكله نظيف بنحجز من الحين حق العيد

الغالية المكان نظيف وحلو .. بس في شغلات خارجية يبالها صيانة يمكن بسبب انا ما في شركة ماسكته..

**الأحلام الملونة** · 2010-10-19, 19:40

التقرير عنجد رائع وما كان عندنا فكرة عنه

مشكورة وما قصرتي الغالية

**كجوجي** · 2010-10-19, 22:12

وااااااو احلى شي الحوض احم احم

**دلوعه بيبي** · 2010-10-20, 01:55

ووايد نايس ..حق العوايل الكبيرة ...
مشكووورة ع التقرير الحلو

**سوارة** · 2010-10-20, 02:03

بصراحه روووعه اول مره اسمع عنهم؟انزين هم في دبي صح؟؟قريب من اي مول؟لانه نحن اذا طلعنا بنسير عوايل ولازم نبا مولات قريبه وسينما ومطاعم والعاب لليهال

**بيبي دمعة** · 2010-10-20, 08:32

المشاركة الأصلية كتبت بواسطة الأحلام الملونة

التقرير عنجد رائع وما كان عندنا فكرة عنه

مشكورة وما قصرتي الغالية

مشكورة حبيبتي على الرد الحلو .. وصدقيني انا بروحي ما كان عندي فكرة عن المكان ...

الموضوع: ... مغامرتي في أوبرا ... 

أدوات الموضوع

عرض

... مغامرتي في أوبرا ... 

المزيد من آخر المواضيع من نفس القسم:

المواضيع المتشابهه

مغامرتي الصباحيـه مع ............ بعدستي و معلومات مفيده .. !

شقق أوبرا الفندقية

صالون أوبرا-عجمان

محل أوبرا سمعتوا عنه!!!!!!!!!