||| OoO ||| حتى الأجنبية قالتلي هالرمسة ..الفخر لنا ونحن عيال أبويه زايد||| OoO |||

**shames123** · 2010-10-18, 01:13

السلام عليكم - اعذروني تراني وايد حاشرتنكم بسوالفي

بس ما احب اخلي شي في خاطري وبالنهاية الانسان يتعلم من مواقفه

امس اتصلت فيني ربيعتي علشان اوصلهم المركز الطبي للعيون في دبي عندها فحوصات ضرورية

لازم تسويها وموب اي مركز يسونها لان اجهزة الشبكية موب متوفرة في كل مكان

اخت ربيعتي مريضة وفيها عمى ويراكضون من مكان لمكان , الله يشفيها ويرد لها بصرها

المهم وصلنا قبل الموعد بساعة وتمينا نحوط وندور وندور ما حصلنا باركينج

نتريا حد يطلع علشان ادش مكانه وفي نهاية المطاف , كلوكلولكوووووش فرجت حصلنا واحد

قبل

الساعة 4 ب عشر دقايق انا وخلاص بدخل السيارة سمعنا صوت وضربة خفيفة في الموتر

الا هي الاخت الاجنبية سحتت الموتر , يحليلي انا توني بنزل من السيارة وبشوف شو السالفة

اسمع صوت وحدة تصارخ وصمختني قالت كلام وايد وسبت وهانت

الاخت تضاربني اونه هذا الباركينج حقها , انا اتلفت يمين يسار ادور لافتة يكون عليها اسم

وقبل كان في واحد هندي واقف والمفروض لو ان الباركنج خاص جان صكروه على الاقل بحديد

بالمختصر المفيد الاخت تقولي

do you think because u r LOCAL , you be so rude and selfish , you have to respect people , specially us

when u see crazy drivers , you differently know that they are EMARATY

الترجمة : انتي تعتقدين لانج مواطنة يكون لج الحق تكونين انانية ومتعجرفة

لازم تحترمين الناس وخصوصا ( نحن ) تقصد الاجانب

لما تشوفون بالشارع سائقين مجانين تعرف على طول انهم اماراتيين

ملاحظة : قالت كلام وايد لو كتبته هني اتوقع كل المنتدى باجر بيسيرون يغسلون شراعها

بس ما ابغي اسوي حساسية , وبالنهاية ما نعمم لان في كل مجتمع في الصالح والطالح

انا ما سكت ورديت عليها بكل ادب واحترام قلتلها خلصتي كلامج

أول شي انا اعتز وافتخر اني من الامارات هذي الارض الي انتي الحين واقفة عليها

لانها هي خلتني اتعلم اللغة الي انتي كلمتيني فيها والحين قادرة اني افهم عليج واجاوبج

نحن قبل لا نكون عيال ابويه زايد نحنا مسلمين والحمدلله اسلامنا علمنا كيف نحترم الناس كلهم

موب بس انتم , وانا اذا كنت متعجرفة وانانية مثل ما تقولين لانج انتي بعينج شفتيني جذي

انتي لو استأذنتي مني كنت بخلي لج الباركنج بكبره بس اا من فترة انتظر وهو دوري وانتي توجج داخلة

وكانت لابسة البالطو الابيض توقعت تكون طبيبة , او ممرضة فقلتلها انت وصلتي لمستى تعليم بس

للاسف ما تعلمتي تحترمين البلد الي هي انتي تاكلين من خيرها , دار بيني وبينها حديث لين ما وصلت

الدورية وسوت التقرير وطلع الغلط اكيد عليها , ما ابغي اطول وازيد كلام .

لما دشينا المركز , للأسف طلعت هي الطبيبة الي بتعاين وبتسوي الفحوصات حق اخت ربيعتي

تتخيلوا شو استوى ؟؟؟؟؟؟؟؟؟؟

من الساعة 4 ونص كان موعدنا كل شوي تأخر الموعد لين استوت 7 ونص

واخر شي لما دخلنا مافي 5 دقايق سوت فحص بسيط وقالت خلصنا

والورقة الي ويانا فيها 4 فحوصات للخلايا وللشبكية ما سوتها ولما جادلناها بالموضوع

دخلتنا بمتاهات وما طاعت تسوي شي ,

كل هالشي استوى بسبتي انا وايد مضايقة موب حاسة بالندم على شي لاني ما غلطت والله

بس الموقف الي استوى وانها رفضت بسبتي وبسبة الباركنج ما تعالجها ولا تسوي لها الفحوصات

ضايقني وايد والحين هم مبتلشين ويدورون مكان ثاني من اول ويديد . وهالشي صعب

امي قالتلي سيري واعتذري منها حتى لو ما غلطتي علشان تطيع تسوي لهم

كنت ابغي اشتكي عليها بس قالتلي رح يطول الموضوع وتكبر السالفة وبتعند بزيادة

اترك لكم التعليق وشو تشورون علي اسوي ؟؟

اختكم شمس

المزيد من آخر المواضيع من نفس القسم:

**فن القفطان** · 2010-10-18, 01:23

الله المستعان

**أحلى زهرة** · 2010-10-18, 01:45

لها عين بعد ترمس عيال الامارات فوق راسها,,,,,,,,,,,,المهم لو تسيرين اتكلمين مسؤول المستشفى عسب يكلمها او حد اعلى عنها خبريهم باللي صار ومب من حقها تسوي جي والمريضه مالها ذنب

**سوارة** · 2010-10-18, 01:48

**A+k** · 2010-10-18, 01:50

يوم عرفتي انها الدكتورة ليش دخلتي مع ربيعتج

كنت توقعتي من قبل انها شاله غصه عليج

وشي اكيد ماراح تعالج ربيعتج..

**حلاوه دبي** · 2010-10-18, 01:59

الله المستعان

**bellegirl** · 2010-10-18, 02:00

لا حول ولا قوة إلا بالله العلي العظيم

مثــل ما قلتي علم غير نــافع ..

الإنسان قبل لا يتعلم في المدارس يتعلـم أول شي

الأخلاق والإحترام

وبغض النظر عن غلط منو في الباركن

أو عن الجنسيـة

هي وظيفتهـأ تعالـج الناس

ومن أدنى المستويــات واكبر علامات التخلف انها ترفض تعــالج مريض !

النــاس تكون في حرب ويعالجون مرضى الأعداء ..

لإن الطب مسواي لخدمـة الإنسانيـة ككل بدون فرق بين النـاس

بس صدق هالأخــت في قمـة الجهل للاسف

وشكلهـا عندهـا عقدة في داخلهـا مسكينــة >_<

يمكــن عندها دكتوراة لكن سبحـان الله ماعمر العلم كان بالكـتب فقط !

بس صراحـة أنا شخصيـــا ما بسكــت على مثل هذا الموقــف !

اقبــح شي عندي هو الإنســـان يرد المحتــاج وهو قادر يساعده

يبغى له إجراءات جديــة وعقابيــة

اللهم انفعنـا بما علمتنـا !

**ملكة الاحاسيس** · 2010-10-18, 02:14

انسانة غريبة فعلاً

رفضت العلاج عشان باركن !!

**uae lawyer** · 2010-10-18, 02:39

حسبي الله و نعم الوكييييييييييييييييل فييها
قهرتني
عياال زااااااااااااايد نحن
فوووق رووسهم غصباَ عنهم جان ما بيحترمونا و هم ع أرضنا

والله لو انا منج لأروح أبلغ عليها تتعدى و تسب و ترفض العلاج
خل تخترب سمعة عيادتها

**أم بشر** · 2010-10-18, 02:41

حسبي الله ونعم الوكيل

**لمووي الحلوة** · 2010-10-18, 02:43

اللهم انصرنــا على اعدائك اعدااء المسلمين ..

**Um Hazza33** · 2010-10-18, 02:44

حسبي الله عليها تاكل من خير هالبلد وتغلط فيها

**تسونامي** · 2010-10-18, 03:58

الله المستعان

**إمرأة لا تنسى** · 2010-10-18, 07:27

الله المستعان

**wafa123** · 2010-10-18, 07:39

لازم تشتكين عليها مو من حقها تمنع العلاج عن المرضى لاسباب شخصيه اذا كانت هي الطبيبه مو معناتها انها فوق القانون استغفرالله العظيم المشكله انه الاجانب لهم قيمه ومكانه فها الزمن مع انهم ما يستاهلون هالقيمه ابدااا

الموضوع: ||| OoO ||| حتى الأجنبية قالتلي هالرمسة ..الفخر لنا ونحن عيال أبويه زايد||| OoO |||

أدوات الموضوع

عرض

||| OoO ||| حتى الأجنبية قالتلي هالرمسة ..الفخر لنا ونحن عيال أبويه زايد||| OoO |||

المزيد من آخر المواضيع من نفس القسم:

المواضيع المتشابهه

وصايا الغالي أبويه زايد .... بناااات امانة كل من مر بس مرور يترحم عليه

[ حصري من مشاعر صامته ] صورة أبويه زايد اللي عند المارينـا " تحترق " !!

انا ابوي الفخر زايد وامي هي اماراتي

عيال زايد تعاااالووو شوفوا وصيه الوالد زايد الله يرحمه .. الكل يدخل ..