مشترياتكم من منتجات البشره 1

**mischocolat** · 2010-10-07, 12:44

مرحبا يابنات

موضوعنا هذا بيكون للبنات النشيطات واللي يحبن يخدمن غيرهن
يعني ماشي مكان للكسولات ....كيف ؟؟؟؟ بخبركن
موضوعنا بيكون عن المشتريات الخاصه بالبشره سواء للوجه أو الجسم بس محصور بالكريمات والماسكات والصابون والبودي شاور وهالسوالف ....يعني ماشي مكياج ولا شامبو

أهم نقطتين
1- ان المشتريات تكون من السوق مب من تاجرات المنتدى

2- ان المشتريه جربته وتكتب لنا تجربتها مب توها شارتنه وتنزل الصور ......نبغي التجربه

وياليت لو كل بنت تحط الصوره وتكتب السعر ومن أي محل عشان يكون واضح للبنات الموضوع
حتى لو كانت الصور من النت عشان تكون أوضح

طبعا الفكره انطرحت من قبل بس ما حسيت ان في تجاوب من البنات مع اني اشوف ماشالله كل يوم وحده مشتريه شي وتتكلم عنه ...
يللا شدوا حيلكم وراوونا مشترياتكم وتجاربكم حتى لو كان المنتج مب شي وخسارة البيزات فيه اكتبي هالشي عشان غيرج يستفيد[/COLOR]
والموضوع الحين مثبت عشان كل حد يدخل المنتدى يشوفه ويشارك فيه وبعد عشان يكون موجود دايما في مكان ثابت والبنات ماتدوره يوم ينقز ورا

أنا أول وحده ببدأ

من فتره لفتره أحب أغير المستحضرات اللي أستخدمها أحيانا من الملل وأحيانا من باب تجربة شي يديد وأحيانا ايدي تحرقني وابغي أصرف بيزاتي (أحيانا مب دايمه عشان ماتقولون عني مبذره)

الأسبوع هذا جربت منتجات no7 من بوتس

1-غسول الوجه المبيض (فكرت أجربه يمكن ينفع حق بقع الكلف اللي مضايقتني)

يناسب كل أنواع البشره هو مبيض ومرطب في نفس الوقت وصدق يترك البشره بحاله ممتازه مقارنة بالرغوات الثانيه المبيضه اللي تترك البشره جافه جدا من تأثير المواد اللي فيها يحنوي على حبيبات قليله وناعمه ع البشره لانه للأستخدام اليومي وتكفي منه نقطه صغيره لغسل الوجه والرقبه
وسعره 70 درهم
==========================================

2- تونيك تنشيط البشره بعد غسلها

خفيف ع البشره ومايسبب تهيجها
=========================================

3- كريم العيون

يساعد على شد الجلد وتماسكه وسعره 95 درهم
عيبني ترطيبه لمنطقة العيون وانشالله اييب نتيجه في تماسك المنطقه (أخاف من التجاعيد)
===========================================

4- سيروم البشره

يستخدم قبل كريم النهار والليل ...أنا جربته قبل الفاونديشن بعد وايد حلو خصوصا لو كان الفاونديشن بدون زيوت ومن الأنواع الجافه يخلي البشره حلوه والفاونديشن ثابت بطريقه تعطي الوجه نضاره
صدق عيبني وسعره 130 درهم
===========================================
5- كريم النهار مرطب وشاد

كريم مرطب وشاد للوجه حلو للبشره الجافه والمختلطه بس عامل الحمايه فيه قليل وهو 8
بس ممكن تحطينه يوم ما بتظهرين في الشمس أو يوم اللي تكونين بالبيت ...يعطي رطوبه للبشره حلوه خاصه في جو المكيفات اللي يشفط الرطوبه من بشرتنا
===============================================

6- كريم الليل مرطب وشاد

من استخدمته حسيت يوم انش الصبح بشرتي مرتاحه وايد ...خفيف ع البشره لكن يرطبها طول الليل

بنات ...المستحضرات اللي ما كتبت سعرها ما خذتنها FREE لان الحين عندهم بروموشن :
تشترين 2 تاخذين الثالث مجانا ....المهم هالاشيا طلعت الفاتوره ب 410 درهم

الصور حطيتها من النت لأنها واضحه أكثر عن تصويري
يللا الحين دوركم

المزيد من آخر المواضيع من نفس القسم:

**كشيخه بوظبي** · 2010-10-07, 12:53

كشخه يعطيج العاافيه عالموضوع

بالنسبه لي بشرتيه بالقووو دهنيه وحاليا اعالجهااا بالروكتان

بي من الاشياء اللي حسيتهااا فادتني هالغسول كلمة روعه شوي عليه اسمه تي تري

وباقي الاغراض بجربهااا وبشوف نتايجه وبكتبه اهني ان شاء الله ^^

ما احب استخدم كريمااات لبشرتيه ولو استخدمت ما اداوم عليهااا

**بنت الطموح** · 2010-10-07, 13:23

تقريبا من أسبوعين مريت على بوتس واشتريت هالكريمين :

من ماركة كفرديرما

اول واحد :

بيس يستخدك قبل المكياج و اي وقت وهو بنفس الوقت كريم حماية يستخدم في الليل و النهار

ريحته حلوة وخفيف وانا بشرتي دهنية ما سبب لي اي حبوب الحمدلله

ثاني واحد :

سيروم للتجاعيد استخدمه للرقبه اكثر شي لانه فيها خطوط ولاحظت انه نعمها وبعدني بستمر عليه

وهو للوجه ايضا و لمنطقة العين ويستخدم في الليل و النهار

وهذا مرطب للشفايف من نيتروجينا خفيف وحلو واستخدمه من فترة طويلة + زبدة الشيا الخام بين فترة وفترة

بخصوص الاسعار ما اذكر كم

الكريمات شوي سعرهن غالي يعني واحد منهم 99 وفي واحد سعره 100 وشي
والمرطب ما يتعدى 7 دراهم

**mischocolat** · 2010-10-07, 16:08

هاي الصابونه نفس ماركة الغسول اللي حاطته الأخت كشيخة ابوظبي

ممتاز للبشره اللي فيها حبوب مكونها الرئيسي زيت شجرة الشاي المعروف بتطهيره وتعقيمه للبشرهوبعد حمض جوز الهند والجلسرين .....ريحتها مثل الديتول وهالسوالف ....السعر ما حيد كم بس مب غاليه وايد مقارنة بالمستحضرات الشبيهه ....مصنوعه في استراليا
وهي من شركة :THURSDAY PLANTATION ومكتوب عليها
TEA TREE SKIN CARE SOAP
CLEANS AND PURIFIES

موجوده في الجمعيات وكارفور

**سوارة** · 2010-10-07, 16:18

كريمات نمبر 7 صدق رووعه انا استعمل كريم اليدين ما قمت استغنى عنه

ومن فتره اشتريت كريم فيتامين سي من الصيدليه كنت بحطه في لوشناتي بس تعايزت اسوي لوشنات وقمت روحي استعمله وصدق فظيييع للبشره

بصوره لكم عقب شوي

**çϋтê мéмë** · 2010-10-07, 21:17

اوكي ثاانكس خيتووو عالموضوع الحلووو
وهذي تجاربي اناا اللي حسيت انهم أكثر شي فادوني وقيمتهم فييهم ^^

غسول بيوديرما للبشرة الدهنيه والمختلطه .. وسعره بـ95 درهم

استخدمة 3 مرات فاليوم .. يتظف من الخاطر ولا يسبب جفاف للبشره ..

كريم النهار - سعره 80 درهم

اللي عندي helps to eliminate spots - limits the formation of marks
اثنيينتهم نفس المفعول .. بس لاني ماحصلت له صوره
المهم انه خفف لي البقع و الحبوب بنسبة 95 % .. استخدمه الصبح قبل واقي الشمس ..
شفت مفعوله تقريبا بعد اسبوعين ونص مع الانتظام يومياً ويا كريم الليل .. ويرطب البشرة ويخليها ناعمه
بس ماشفت له تأثير على الدهون فـ منطقة الـT زون

وهذا كريم الليل - 77 درهم

السن بلوك من كفرديرم - ماحيد سعره

اللي عندي نسبة الحمايه فيه 100 .. الحلو فيه انه قوامه خفيف ووتربروف ف يثبت طول اليوم

يتبع لاحقـاً ^ ^

**šhảdoω** · 2010-10-09, 00:49

[COLOR="Indigo"]يزاج الله خير ع الموضوع ..
و هذا احسن مرطب للشفايف طبعا عن تجربه ROC..
روعه روعه ..

**Dubai Baby** · 2010-10-09, 03:07

الاشياء اللي احب استخدمهم دوم

من سكن دكتور

كريم مرطب ..رهيب للويه و الرقبه

و

كريم للهالاات السوداء حوالي العين ..يخففها بس ما يخوزها

و من ماركة اورينتال برنسس

تونك منظف للوجه ..رهيب و يخلي الويه فرش

و

سيروم منعش للويه

سيروم منشط لمنطقة حوالي العين

و من ماركة كنيبو

كريم ليلي..اللي عندي لونه بني مب نفس اللي في الصوره ..اللي في الصوره للتبيض ..اللي عندي يخلي الويه فرش و يمنع التجاعيد

و لي عووووده ان شاء الله لان عندي وايد سوالف حلوه

**زيباشو** · 2010-10-11, 09:41

فيتامين E
السعر 80 درهم
كبسولة في اليوم بعد الاكل
والنتيجه روعه للبشرة ..
صفاء ونضارة ..

_____________

ووايد اغراض من العطار حاليا تحت التجربة عقب ما الاحظ النتيجة المرضية بيي بحط الصور ^_^

**mischocolat** · 2010-10-12, 19:02

مجموعة ماسكات قماشيه من THE FACE SHOP

ماسك الفراوله عشان فيتامين c ... ماسك اللؤلؤ لتصفية البشره...ماسك الكولاجين معروف ليش...
ماسك لمحاربة الشوارد الحره....ماسك لشد البشره ومكافحة التجاعيد ...ماسك اصلاح البشره من الأضرار مثل الشمس وجو المكيف وتهدءتها
حلوه ممكن تستخدمينها مرتين في الاسبوع (حسب حاجة بشرتج) السعر بحدود ال30 درهم (مب بالضبط لاني ماخذه كمن شغله وما أحيد السعر)
ما أستغنى عن هالنوعيه من الماسكات في السفر لانها مريحه ما تحتاج تحضير ولاشي بس أرجع من بره أخذ شاور وافتح كيس واستخدم الماسك اللي فيه (طبعا أكون مجهزه كوب شاي أخضر بالليمون )وياسلام ......أحلى دلع

**$مزون$** · 2010-10-13, 13:07

بشرتي مختلطة

biodermaغسول .. عيبني .. يخلي البشرة رويانة لا جافة ولا دهنية .. ولاحظت إنه يبيض.. ب 80 درهم

وهالغسول من بريطانيا طالبتنه من موقعهم
وايد حلو .. اتحسفت إني خذت الصغير .. هوه غسول للويه ومزيل للميك اب .. بس صدق ينظف من الخاطر..

عقب ما اغسل ويهي أحط هالمرطب من la roche posay .. مرطب منعم للبشرة .. والحلو فيه إنه بسرعة يتغلغل فالبشرة ... أحطه ساعات قبل الميكب .. ب 130 درهم

وفليل أحط هالكريم من فيتشي .. ب 100 وشي.

وآخر شيء كريم حماية من الشمس من aveve
وايد حلو .. من سنين أستخدمه ماشاء الله ..

فيه منتجات ثانية استخدمهن مثل تونك من botanics ب 35 درهم
حلو .. يريح البشرة

**mischocolat** · 2010-10-20, 14:06

واااااااااي بنات اسبوع ماحد اشترى شي ؟؟؟؟وينكن يا كسولات
يللا نبغي نشوف شو المشتريات

صوروا وراوونا

واللا بس شطار في الاسئله

و

يللا براويكم اخر المشتريات

صوره جماعيه حق منتجات touch me من أملاح الحليب وأملاح البابايا وعلبه فيها صابونتين وعلبة كريم

هاي علبة الصابون ...داخلها صابونتين وحده للتبييض ووحده للتقشير

كل شي موجود في كارفور ....وهاي مب أول مره أخذ من هالأشيا ..ثاني مره بس الاملاح مستخدمتنها أكثر
الاسعار ما أحيد بس كل هالأشيا بحدود ال70 درهم

**كيم كارداشيان** · 2010-10-21, 01:12

المشاركة الأصلية كتبت بواسطة mischocolat;

[url=http://www.0zz0.com

[/url]

هاي علبة الصابون ...داخلها صابونتين وحده للتبييض ووحده للتقشير

كل شي موجود في كارفور ....وهاي مب أول مره أخذ من هالأشيا ..ثاني مره بس الاملاح مستخدمتنها أكثر
الاسعار ما أحيد بس كل هالأشيا بحدود ال70 درهم

اقتبست صورتج لاني اشتريتهم بعد وعلبتين مثلج بس انا شريتهم قبل شعرج ومن 3ايام بديت فيهم

**Pink Touch** · 2010-10-26, 12:32

المنتج من بدي شوب سعره حدود الثلاثين درهم .. حجمه صغير تقريبا 10 مل

روعة ... يستخدم على مكان الحبوب فقط

ينشفها ويقشرها وما يكون لها أثر

^^

**Me No** · 2010-10-27, 03:27

احم احم
درب درب
انا اشتريت مجموعهـ بوندس للعنايه بالبشرة من شهر تقريبا

وللامانه واايد حلوة اكثر شي فادني سيروم البقع لانه فيني كلف خففه شويه مب وايد
لكن احسن من لا شي وللامانه بعد المحموعه تبيض البشرة بس يبالها استمرار
فالاستخدام يوميا

الموضوع: مشترياتكم من منتجات البشره 1

أدوات الموضوع

عرض