بعد 4 أيام دوام ... شو رايكم في مدرسة النخبة ؟؟؟؟ بنات أم القيوين ردوا بليز

[مون كوغ]

هلا أخواتي

شخباركم ؟؟؟ أنا انقطعت عن النت من أسبوع لأني مريضة حتى ما داومت هالأسبوع

طمنوني ... شو أخبار المدرسة ؟؟؟ أنتوا شو شايفين ؟؟؟؟

بالنسبة لي فيه أشياء ما عجبتني لكن أقول هذا الأسبوع الأول و إن شاء الله الأمور بتتحسن شوي شوي ...
و أحس أن المدير يراكض في المدرسة شرق و غرب ... بس الهيئة التدريسية ما أدري أحكم عليهم من ألحين ؟؟؟

أنا عيالي حبوا معلمة الإنجليزي ( مس مروة ) ، بس اللي مش متقبلينهن مدرسة الرياضيات و مدرسة العلوم !!!!
مدرسة الرياضيات طلعت هندية !! و بنتي تشتكي أنها ما تفهم لنطقها !!! تعرفون الإنجليزي باللغة الهندية !!!!!!!!!!

أما العلوم فالمدرسة باكستانية ، و معصبة دايماً ، و ما عندها أسلوب حسب ما سمعت من اليهال من عيال يرانا !!! و تركز فقط على اللي يعرفون انجليزي و الباقي !!!!!!!!!

الصراحة اللي أحس أنهن بدن الدروس و مهتمات مدرسات العربي ... وحدة اسمها شيماء تدرس بنتي و الثانية أعتقد اسمها منال !!! من أول يوم عطنهم قراءة و واجب ؟؟؟

فيه شئ ثاني وايد مهم و هم ما سووه !!!

الأجندة الإسبوعية ... يعني لازم يطرشون ويا اليهال ورقة كاتبين فيها مهام الأسبوع !! و الدروس اللي بيدرسونها ... و بعد لازم يطرشون لنا توصيف للمادة و كيف نظام الإمتحانات بيكون ؟؟؟ و شو المهم و شو اللي يركزون عليه ؟؟؟
أحس التواصل نوعاً ما مفقود من جهتهم !!! يعني لازم انتي تسيرين لين هناك عشان تسئلين و هالشئ طبعاً صعب بشكل يومي لأن معظمنا عندنا دوامات و صعب أنا نطلع كل يوم من الدوام ....

أنا ما أبغي أستبق الأحداث بس لازم أنا ننتبه من الأول ... مصير عيالنا أهم شئ ...

أول يومين كانت المدرسة شوربة ... اليهال برع الصفوف و المدرسات ما أدري وين ؟؟؟!!!!

و عيال الكي جي كانوا في الحر برع !!!!!
و بعده فيه عمال في المدرسة حسب ما قالت لي وحدة من الأمهات !!!
الأشياء الثانية يبالها صبر شوي بس العمال لااااااااااااااااااااااااااااااااااا وجودهم غير مقبول أبدا أبدا

تواصلوا وياهم خواتي .... خصوصاً اللي يقدرون يسيرون ... أنا أن شاء الله أحاول أسير لهم اليوم أو باجر إذا قدرت أطلع من الدوام ....

و أتريا ردودكم ...

ودمتن بود

المزيد من آخر المواضيع من نفس القسم:

• طريقة تقليل وقت مشاهدة الطفل للتلفزيون...
• افكار لقضاء اجازة صيف ممتعة للاطفال
• افضل مشروبات مفيده للاطفال
• كل ما تحتاجين لمعرفته عن تربية الطفل في عمر...
• نصائح لتشجيع الطفل على تناول الطعام الصحي
• تقرير عن اسباب واعراض وطرق علاج اضطراب القلق...
• طريقة التعامل مع عصبية الاطفال بذكاء
• نصائح للامهات لتجهيز الطفل للذهاب للحضانة...
• نصائح للاباء للتعبير عن حبهم لأبنائهم
• افضل طرق تشجيع الطفل على المذاكرة والتركيز

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[سوارة]

حاولي روحج تتابعين

[شموخ..]

اول مره اسمع فيها

في اي منطقه هاي

[سارة العالي]

حبيبتي عطيهم فرصة على الاقل شهر لاتنسين انه المدير ماسك المدرسة قبل الدوام بفترة قصيرة وانا اقولك من خبرة 20 سنه ويا المدارس الخاصة جودة المدرسة تعتمد على نشاط المدير وهو مب مقصر بس انتي طولي بالك المدرسة جديدة وبالنسبة لمدرسة الرياضيات صحيح انها هندية وهي شوي خجولة بس درستهم من اول يوم وتيذل مجهود وياهم ولازم تعلمين عيالك يحترمون المدرسة مهما كانت جنسيتها ترى مدرسة الشويفات فيها هنود وباكستانيات يدرسون وعلى فكرة الباكستانيات نطقهم للانجليزي احسن من المصريين انا ولدي يوم كان في مدرسة عجمان الحديثة كان يدرسه علوم فلبيني بس كان ممتاز ويحب مادته ومنظم
المهم اذا عندك اي شكوى على المدرسين اول شي تواصلي ويالمدرسة نفسها وعطيها فرصة وبعدين بلغي الادارة ولا تحكمين من كلام اليهال تراهم مكارين ولاتدلعينهم وايد وما يضبط الصف الا المدرسة الحارة بس بدون ضرب
بس في نقطه ما عيبتني وسببها اولياء الامور انه السواقين هم اللي يدخلون داخل المدرسة وياخذون اليهال وواقفين في نص ساحة المدرسة وداقين سوالف كيف يهنيهم انه السواق هو اللي ييب عيالهم بدون مشرف حتى لو شغاله

[هند سلطان]

للرفع
للرفع
للرفع

[مون كوغ]

حبيبتي عطيهم فرصة على الاقل شهر لاتنسين انه المدير ماسك المدرسة قبل الدوام بفترة قصيرة وانا اقولك من خبرة 20 سنه ويا المدارس الخاصة جودة المدرسة تعتمد على نشاط المدير وهو مب مقصر بس انتي طولي بالك المدرسة جديدة وبالنسبة لمدرسة الرياضيات صحيح انها هندية وهي شوي خجولة بس درستهم من اول يوم وتيذل مجهود وياهم ولازم تعلمين عيالك يحترمون المدرسة مهما كانت جنسيتها ترى مدرسة الشويفات فيها هنود وباكستانيات يدرسون وعلى فكرة الباكستانيات نطقهم للانجليزي احسن من المصريين انا ولدي يوم كان في مدرسة عجمان الحديثة كان يدرسه علوم فلبيني بس كان ممتاز ويحب مادته ومنظم
المهم اذا عندك اي شكوى على المدرسين اول شي تواصلي ويالمدرسة نفسها وعطيها فرصة وبعدين بلغي الادارة ولا تحكمين من كلام اليهال تراهم مكارين ولاتدلعينهم وايد وما يضبط الصف الا المدرسة الحارة بس بدون ضرب
بس في نقطه ما عيبتني وسببها اولياء الامور انه السواقين هم اللي يدخلون داخل المدرسة وياخذون اليهال وواقفين في نص ساحة المدرسة وداقين سوالف كيف يهنيهم انه السواق هو اللي ييب عيالهم بدون مشرف حتى لو شغاله

مشكورة الغالية على الرد
حبيبتي أنا مقدرة جهود المدير و أنا قلت أنه هو اللي يراكض في المدرسة ...
بالنسبة للمدرسات أنا مش ضدهن و مش متحيزة لأي جنسية ... لكن أهم شئ بالنسبة لي النطق الصحيح و الأكسنت أهم شئ ....
اليوم ما رحت المدرسة بس كلمت المدير بخصوص الأجندة الأسبوعية و قال إن شاء الله كل خميس بيطرشون ويا اليهال ...


وبالنسبة للسواقين أنا ما أدري هم سواقين و لا عمال في المدرسة من كثرهم .... بس أوافقك الرأي في اللي قلتيه و الله يهدي الأهل اللي باردين ...

تقبلي شكري

[فراشة UAQ]

جهدج واضح اتمنى تفرحين في عيالج فالمستقبل القريب على هاذا التعب دعوه صادقه لج من قلبي والسموحه ^^

[مون كوغ]

جهدج واضح اتمنى تفرحين في عيالج فالمستقبل القريب على هاذا التعب دعوه صادقه لج من قلبي والسموحه ^^

مسموحه فديت عيونج

والله إنج ذوق !! و الله يوفقج في حياتج يارب

[أم الجادل]

أنا ولدي قريد ون بس الصراحه مول مب عايبني تدريسهم ، تأسيس مدرسة الابرق أحسن عنهم مليوون مره ، والله لو عندنا ف اميقيوين مدرسة أولاد مثل الابرق جان دخلت ولدي ، بس بتريا يمكن يتغير شي

[مون كوغ]

وينكم أمهات ؟؟؟ شو آخر الأخبار وشو الجديد ؟؟
بانتظاركم و بعدين بقول ملاحظاتي اللي لاحظتها

أتريا ردودكم

[أم الجادل]

والله الصراحه موول مب عايبتني المدرسه أحس ما يعرفون يدرسون ، المدير يغلبج بالكلام بس فعل ماشي
بس ما ألومه يمكن مب محصلين مدرسات

[أم الشـيوخ]

الله يعيننا على هالمدرسة ..
انا مقهوورة من مدرسة الانجليزي .هي سودانيه ... واترمس العيال عربي .. لا ورمستها مكسرة .. انا رمستها ... وحرف الذال عندها ضايع .. يعني بدال لا تنطقه ذال .. اتقول زاال.. ورمست المدير..وقال لي بيشوف مووضوعها ولا سووا شي .. وهالرمسة من اسبوع ..