رياض الأطفال في رأس الخيمة

**Emerald** · 2010-09-14, 12:14

السلام عليكم ..

شحالكم .. لو سمحتوا دلوني على أحسن المدراس الخاصة (رياض أطفال) في رأس الخيمة

أنا جربت الروابي و مدرسة رأس الخيمة الحديثة و ما في تسجيل

شو رايكم بمدرسة الرشاد .. و المدرسة العربية الخاصة

المزيد من آخر المواضيع من نفس القسم:

**Emerald** · 2010-09-14, 13:28

السلام عليكم مرة ثانية

رجاءا خواتي اللي تعرف لا تبخل علي بالمعلومة

حتى لو روضة حكومية في الوقت الحالي بس أريد اتصل و استفسر

**Emerald** · 2010-09-14, 21:08

للرفع أخواتي

ما شي أمل يعني ؟

**Um_Khawla** · 2010-09-14, 21:35

انا اخويه و عيال حمياتي كلهم فالروابي ... للاسف ما اقدر افيدج ...

بس الرشاد زينه ..

**هذا الغلا** · 2010-09-14, 21:43

اختي مدرسة العربية مب زينة عندج مدرسة النصر زينه

**Emerald** · 2010-09-14, 22:00

تسلمون خواتي على الرد .. أنا كلمت مدرسة الرشاد اليوم بس بعض البنات خوفوني منها ما أدري ليش .. و قالوا لي عن حضانة صن شاين اللي في منطقة خزام قالوا زينة حد يعرفها ..

المدرسة العربية سرتها اليوم في مكان مقطوع بصراحة و ما أعتقد اودي بنتي هناك المكان يخوف

تحياتي و بانتظار ردكم

حبيبتي أم خولة و لا يهمج فديتج كفيتي و وفيتي

مدرسة الرشاد بسير لهم و بشوفهم عيل

ووين مدرسة النصر

فديتكن بنوتات

شكرا و اتريا ردود اللي يعرفون عن صن شاين

**ام حلوين** · 2010-09-14, 22:44

الغاليه مدرسة الرشاد درست بنتي فيها بس والله كانت وايد اخاف عليها هالكلام من عشر سنين بس عيالي الاثنين درستهم في مدرسة راس الخيمه الحديثة الصراحه في مدرسه درس من كل قلبها حطي بنتج عندها ولا تحتيها تعملهم مثل عيالها واحسن

**qezlan** · 2010-09-15, 00:14

أنا جربت العربية والحين بنقل ولدي ,,,مب ذاك الزود

وفيه حضانة يديدة اعتقد حضانة الخطوة الاولى والتسجيل مفتوح في خزام وانا سجلت ولدي وبعده ما داوم ويا ريت لو وحدة من الامهات مجربة هالروضة تعطينا فكرة عنها

**mona98** · 2010-09-15, 00:24

لا تدرسون عيالكم في حضانه وخاصة مرحلة الروضة 1 و2 احسن يدرسون في روضة سواء خاصة او حكوميه لانها مرحلة الروضة الي في الحضانه مب معترف فيها من قبل الوزارة يعني كانج ما دخلتي عيالج روضة وحتى لو قالوا العكس لا تصدقين بيقولون منهاج وزارة ومن هالكلام ....
روضة الرشاد وايد زينة نفس مستواى راس الخيمة الحديثة تقريبا مادري ليش متخوفين منها والرياض الحكومية بعد اوكي خاصة التطوير والرياض المطورة مثل الورود
واسمحيلي حبيت افيدج

**الياقوتة10** · 2010-09-15, 00:30

المشاركة الأصلية كتبت بواسطة mona98

لا تدرسون عيالكم في حضانه وخاصة مرحلة الروضة 1 و2 احسن يدرسون في روضة سواء خاصة او حكوميه لانها مرحلة الروضة الي في الحضانه مب معترف فيها من قبل الوزارة يعني كانج ما دخلتي عيالج روضة وحتى لو قالوا العكس لا تصدقين بيقولون منهاج وزارة ومن هالكلام ....
روضة الرشاد وايد زينة نفس مستواى راس الخيمة الحديثة تقريبا مادري ليش متخوفين منها والرياض الحكومية بعد اوكي خاصة التطوير والرياض المطورة مثل الورود
واسمحيلي حبيت افيدج

كلامج عدل الغالية والله انا جربت الخاصة والحكومية وشفت الروضات الحكومية افضل ب100 مرة من الخاصة على الاقل ان الحكومية تلقين المعلمة تدرس باخلاص لان راتبها ماشاء الله اوكي مب مثل الخاصة اللي رواتب المعلمات ملاليم بغض النظر عن ضمير المعلمة وهذي نصيحتي لكم

**الياقوتة10** · 2010-09-15, 00:34

وتعقيبا على كلام الاخت فعلا الحضانة مب معترف فيها اذا طفلج تبين تعلمينة افضل شي الروضة مب الحضانة الا اذا ماعندج حد يجلس معاه وانت عندج دوام بس هاااااااا الروضة الحكومية فقط هي الافضل

**هند سلطان** · 2010-09-15, 00:41

المدرسة العربية الخاصة زينه فيها من الروضة لين الثانويه العامة

**Emerald** · 2010-09-15, 02:47

خواتي الحين احترت ... ما أدري شو أسوي .. يعني ما أوديها سن شاين ؟

بس وحدة خبرتني بأن ربيعتها ودت ولدها هناك و الحين هو يدرس في مدرسة رأس الخيمة للمتحدثين باللغة الانجليزية .. و تقول اوكي ما شي مشاكل .. هممممم

زين شو من الروضات الحكومية القريبة من منطقة المعمورة و معيريض و الجولان و تكون أوكي

و بكون شاكرة لكن

**(أم سيف)** · 2010-09-15, 12:33

هلا الغالية ..انا اقول انتي اختاري المدرسة الي ترتاحين الها..واسالي عن احسن معلمة عندهم وحطي بنتج عندها ..
بس الله يهديج كان المفروض من زمااان تسجلينها عشان تقدرين تحصلين لها شي زين

**سهر الامارات** · 2010-09-15, 16:50

مدرسه رمسيس ماشاء الله اشوفها اوووك ومصاريفها معقوله وبالتوفيق للجميع

الموضوع: رياض الأطفال في رأس الخيمة

أدوات الموضوع

عرض

ابحث عن - رياض الأطفال في رأس الخيمة

المزيد من آخر المواضيع من نفس القسم:

المواضيع المتشابهه

وين مركز تطوير رياض الأطفال برأس الخيمة

أسماء رياض الأطفال يعني أسم الروضة في راس الخيمة

رياض الأطفال

رياض الأطفال