منو فيها تليف الرحم أو كان فيها أو حد من قريباتها فيها التليف افيدوني

**❥~S** · 2010-08-17, 03:24

اشحآلكنَ بنآتَ / حريم

أخويـه يبآ يعرس وامي وأبويه محيريله وحده من كم سنهَ
المهم طلع فيهآ تليفَ / وأنآ قلت الـه يآولد الحلال لا تغتش وتآخذهآ
لأنك انته بتبتلي فيهآ عقب بتجآبل حلـآلك ولا بتم تعآلجهآ واتسفرهآ

البنت تتعالج وشلوه عنها بس مثل ما اعرف انه التليف ما يخلي الحرمه اتحمل
يعني يروح ويرجع بالعمليه
ومشآكل كثيره ، تصير بين الريال والحرمـه
تأخر الحمل / أو الجهآض / أو حتى العقم

أخوي ومآعندي غيره وأتمنى له الخير
عسب جيه افيدني بتجاربكن مع هالمرض
وانصحني لا تقولن بتفطعين نصيبها بعد فكرن هذا اخويه وصعب اخليه يتعذب
وأنآ لا سمح الله لوفيه هالمرض ما بوافق ع العرس ومابغش الريال !

الله يبعد عنكن هالمرض ~

وهوه توه مكلمني انه مايباها بسبه هالشي ~
بس ابويه مب راضي يقتنع ونستحي نقوله عن التليف نخاف نظلم البنت
يمكن ترد مثل قبل واحسن

جزاكن الله الف خير

المزيد من آخر المواضيع من نفس القسم:

**❥~S** · 2010-08-17, 03:38

up

***حرم حمدان*** · 2010-08-17, 03:48

والله ماقدر افيدج اختي .. بس قريت فجوجل ان علاجه يطول وصعب !! يعني عادي اتم اتعالج بالسنوات !!!
خلي اخوج يصلي صلاه الاستخاره احسن ..
والله يشفي البنيه باذن الله ..

**رقيقة** · 2010-08-17, 03:54

الغالية اعرف 2 من ربيعاتي فيهم هالتليف

والاثنين سوو عملية الليزر وماشاء الله احملن عقب على طول

كان يمنع الحمل قبل بس لما اتعالجو صار الحمل على طول

لا اتكبرون الموضوع هلشي صار بسيط الحين مب مثل قبل

وازيدج من الشعر بيت وحدة منهم احملت عقب العملية ويابت توام بعد الله يحفظهم لها يارب

**it's-Me** · 2010-08-17, 04:10

ويمكن ياخذ وحده صاحيه والله مايكتبله الذريه وياها مب شرط المرض هو اللي يمنع ربج الرازق .. قوليله يستخير والله يكتبله اللي فيه الخير ان شاء الله..

ولو اخوج مب مقتنع فيها لو خذها وماحملت في فتره معينه يمكن يهدها لانه حاط ف باله انها ممكن ماتحمل .. ف احس الوضع حساس لازم هو يفكر عدل معنه البنت مالها ذنب ف هالشي .. وهي ماغشتكم تراكم اتعرفون عنهاا .. الله يشفييها ياااارب ويرزقهاا الزوج الصالح اللي يستاااهلها ويرزقها الحمل والذريه الصااالحه اللي اتقر عينها ..

**بنت المسافر** · 2010-08-17, 06:49

للرفع

**❥~S** · 2010-08-17, 14:21

المشاركة الأصلية كتبت بواسطة *حرم حمدان*

والله ماقدر افيدج اختي .. بس قريت فجوجل ان علاجه يطول وصعب !! يعني عادي اتم اتعالج بالسنوات !!!
خلي اخوج يصلي صلاه الاستخاره احسن ..
والله يشفي البنيه باذن الله ..

ربيعت ختيه فيهآ تليف ومتزوجـه قبل 3 سنوآت
ولين ألحين تتعآلج عن هالتليفَ ><"
ولا تقدر تحمل كل ما تحمل إطرحَ ~
وسولهآ أطفآل أنآبيب ومن كم شهر وطرحت

ومن هالشي نحن خآيفين !

**❥~S** · 2010-08-17, 14:23

المشاركة الأصلية كتبت بواسطة رقيقة

الغالية اعرف 2 من ربيعاتي فيهم هالتليف

والاثنين سوو عملية الليزر وماشاء الله احملن عقب على طول

كان يمنع الحمل قبل بس لما اتعالجو صار الحمل على طول

لا اتكبرون الموضوع هلشي صار بسيط الحين مب مثل قبل

وازيدج من الشعر بيت وحدة منهم احملت عقب العملية ويابت توام بعد الله يحفظهم لها يارب

الحمدلله ياربَ
والله يالغلـآ مكبرين الموضوع بسبه النآسً
لأني أعرف 2 فيهن تليف وحده حملت مره وحده ومن عقب ماشي أمل
الي اعرفه التليف ما يعطي مجال للحمل ، ، ومآندري عآدَ

**❥~S** · 2010-08-17, 14:25

المشاركة الأصلية كتبت بواسطة it's-Me

ويمكن ياخذ وحده صاحيه والله مايكتبله الذريه وياها مب شرط المرض هو اللي يمنع ربج الرازق .. قوليله يستخير والله يكتبله اللي فيه الخير ان شاء الله..

ولو اخوج مب مقتنع فيها لو خذها وماحملت في فتره معينه يمكن يهدها لانه حاط ف باله انها ممكن ماتحمل .. ف احس الوضع حساس لازم هو يفكر عدل معنه البنت مالها ذنب ف هالشي .. وهي ماغشتكم تراكم اتعرفون عنهاا .. الله يشفييها ياااارب ويرزقهاا الزوج الصالح اللي يستاااهلها ويرزقها الحمل والذريه الصااالحه اللي اتقر عينها ..

صح كلـآمج ونعم باللهَ
بس العلاج لين الحين ما خلصً
وبصرآحـه هم مآقآلوا انها بهالشي مريض
بس أخويـه إتوآصل ويالدكآتره بدون علم أهلهآ ويآ وقآلي
وهو استخآر / والحين قآل مآ أبآهآ ودوريلي حل
قلت اله مآنبآ البنت نظلمهآ ، بس هوه حآط في بآلهآ وحده من قريبآتي الحين
وع فكره أخويـه مب رآعي مستشفيآت ومجآبلهم عسب جيه هوه متكدر

شو رآيكن ألحين !

**it's-Me** · 2010-08-17, 16:22

المشاركة الأصلية كتبت بواسطة ❥~S

صح كلـآمج ونعم باللهَ
بس العلاج لين الحين ما خلصً
وبصرآحـه هم مآقآلوا انها بهالشي مريض
بس أخويـه إتوآصل ويالدكآتره بدون علم أهلهآ ويآ وقآلي
وهو استخآر / والحين قآل مآ أبآهآ ودوريلي حل
قلت اله مآنبآ البنت نظلمهآ ، بس هوه حآط في بآلهآ وحده من قريبآتي الحين
وع فكره أخويـه مب رآعي مستشفيآت ومجآبلهم عسب جيه هوه متكدر

شو رآيكن ألحين !

والله اعرف شقولج دامنه هو حاط وحده ثانيه ف باله خليه هو يختار بكيفه لاتضغطون عليه عشان عقب مايتعذر ويقول كله منكم ..

**cute uae** · 2010-08-17, 16:34

الله يشفيها ان شاء الله

**MAHA21** · 2010-08-17, 16:49

حرام عليج
مبزين عليج ونحن بالهشر تكتبين هالرمسة
المؤمن يؤمن بقضاء الله وقدره خيره وشره
وبعدين اخوج وش له يتواصل مع دكاترة البنت >>> الصراحه عيب وماله خص ف خصوصيات المرضى والناس
وانا اعرف وايد بنات فيهن تليف سوو عمليات وتعالجوو وحملو ما شالله
يعني الحين لو اخوج بياخذ وحده غيرها ما يخاف الله يعاقيه بعقاب اكبر ويبيليه بوحده فيها مرض اكبر!!!
وشغله ثانية افترضي انه تزوجها وما يعرف ويعرف عقب الزواج او هي مرضت عقب الزواج بيطلقها مثلا!

اتقوا الله
واذا ما تبون البنت ماله داعي اتشهرين بخصوصيات الناس ف النت

**aisha1** · 2010-08-17, 17:38

اختي الرزق كله من الله الحمل والشفاء من المرض هذا كله رب العالمين يكتبه على الانسان
اذا اخوج رضى يمكن رب العالمين يعطيه على قد نياته وااايد بنات عندهم تليف وحملو ووايد بنااات ما فيهم شي وسبحان الله لين يومج هذا ما يحملووون
خليه يستخير بدون ما يحط شي في باله ورب العالمين بيسرله اللي فيه الخييير
وعلى كلامج اخوج ما يحب المراكض في المستشفيااات انا اقول لا يتزوج هااي صراحتي لا تزعلين مني هذا كلام الحق لان خلى يفكر باجر بعد ما يتزوج مصيره بيراكض في المستشفيات مافي حرمه ما تمرض يوم بتحمل ويوم بتربي وبعد ماتربي مافي ياهل ما يمرض باجر بروحها بتروح اكيد هو اللي بيكون مسوؤل عنها
الانسان ما يعلم الغيب ومحد ياخذ غييير نصيبه
والسموحه منج وربي يشافي كل مريض ويرزق اخوج ابنت الحلال
لاتزعلين بليييييييييز

**BinT suLTan** · 2010-08-17, 17:42

مســــــــــــــــــح

**BinT suLTan** · 2010-08-17, 17:44

خس الله بليسج ..
اتصدقين احس الله بيعاقبني ><"
اقرى وفيني ضحكه شريره اوف ..
الحمدالله على كل حال
والله يكتب له اللي فيه الخير والصلاح وربي يستاهل كل خير ..

الموضوع: منو فيها تليف الرحم أو كان فيها أو حد من قريباتها فيها التليف افيدوني

أدوات الموضوع

عرض

منو فيها تليف الرحم أو كان فيها أو حد من قريباتها فيها التليف افيدوني

المزيد من آخر المواضيع من نفس القسم:

المواضيع المتشابهه

اللي يبيعون الشنط الاصليه و يقولن ان فيها دست باق و ما يكون فيها موضوع مهم

[][][][]اذكري المواقف اللي غلطتي فيها وتحتاج الحيطه عشان محد يقع فيها[][][][]

لحقووووووو الشركة الي اتداوم فيها اربيعتي فيها انفلونزا الخنازير!!!!!

لكل صاحبة بزنس خاص فيها.. او مقبلة على مشروع خاص فيها الرجاء دخووول ضروري