مب مخلصة + وقاطعة أرحامي! ( ومتى بتعرسين؟ )

[Baby-Batcha]

[/COLOR]

السلام عليكم ورحمه الله وبركاته ........


يا صديقاتي وأخواتي في الله

أدريبكن مليتن من حكايات البنات

وأنا بعد مليت وراسي عورني ...

استوالي موقف ... ( وفرحت يوم صار من قريب .... وعقب اتضايقت واااااااايد وقلت ليته ماصار على الاقل ماكنت بتم افكر واحاتي ........ انا مشكلتي لا صار شيء اتم افكر وافكر وافكر لين مايرتفع ضغطي ) هههه ترا عندي الضغط ........

مب مهم ...

اممم انا احس انه ابوي مب راضي علي ......... وخصوصا اني ماروح له وايد هو حاليا مسافر ... بس مادري كيف اتقرب له ... والله يزيغني حيل ! اخاف ارمسه ......

ومابا اقطع ارحامي عشان الله مايغضب علي بس ماافي حد فينا يزور الثاني! من عيد لعيد ... ويمكن بعد !!!!! ...

ماعرف كيف ابدا واقول خصوصا انه ماعندي مواصلات عشان حد يوديني وييبني وغير انهم لايبت طاري هالشيء .... يسوون طاف!!!

اممم وثانيا .... احس اني مب مخلصة في الاعمال الي اسويها اخاف الشيء مايكون لوجه الله ومرات احسه رياء ... حتى لو كنت اسويه بالدسه شو هاه ياربي !


وثالثا: شرات كل البنات ؟ مادري ليش مستعيلين علي .... متى بتعرسين ومتى بتعرسين؟ كل مايصير شيء! متى بتعرسين! ( بتعنسين علينا ) ... يعني شسوي! ؟ انا في خاطري بس يوم الله مب كاتب نصيب شسوي؟ اغصب الناس مثلا؟


عشان جيه!

ممكن تدعووون لي دعوة صادقة ونابعة من القلب؟

ممكن هذا الطلب؟ ولا اتحسسوون انه ثقيل عليكم ؟



ممكن تدعون إني :

1- أخلص النية لله في كل عمل أفعله
2- الله يرضى علي و أبوي يرضى علي
3- ما أقطع أرحامي
4- يرزقني بالزوج الصالح


ولا تـنسووون انه الدعوه بتنرد لكم والملائكة اتقول ( ولك بالمثل )


ممكن؟


تسلمون يا حبيباتي قبل ماقصرتن وياي ... وأتمنى هالمرة ماتقصرووون ....

المزيد من آخر المواضيع من نفس القسم:

• بلد الفوارس لاداره العقارات
• النشرة الإخبارية الأسبوعية للمتداولين...
• إذا لم تجرب أساليب جديدة، لن تعرف الأفضل
• أوبك تتوقع زيادة في الطلب على النفط في عام...
• الدولار يواصل ارتفاعه مع بداية العام
• مايكروسوفت تتفوق على آبل لتصبح الشركة الأعلى...
• النشرة الإخبارية الأسبوعية للمتداولين...
• حتى لو كنت على الطريق الصحيح
• مؤشر نيكاي 225 يصل إلى أعلى مستوياته في...
• استمرار انخفاض التضخم في أستراليا، والزوج...

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[روح الفجيرة]

فديتج ان شاءالله تتيسر أمورج كلهآ بإذن الله

و ان شاءالله بندعيلج ^^

[كلى دلال]

السلام عليكم ورحمة الله وبركاته

ربي يرزقج الى تتمنينه يارب ويقرب القلوب لبعضها


الغلا يمكن بعد الوالد لاسباب هى خاصه بالنسبه لكم يخلى ما فى اى حد مهتم لرغبتج فى التواصل وياه بس على ما اضن رقم الوالد اكيد موجود عندج انزين ليش ما تتواصلين وياه بالمسجات وخاصه الى تكتبين فيها دعوه طيبه له صدقينى اذا بديت انتى الخطوه الاولى هو بيكملها بس انقطاع التواصل بينكم يمكن حسسه انه غير مرغوب بالنسبه لكم وانتى ايج شعور الزيغ منه هذا من جهه من جهه ثانيه انتى شوى وسواسه من كلامج وانا صراحه صار لي نفسج بس حسمت الامر وصرت اقول اللهم اجعل لى فى هذا العمل طاعة لك .

وصدقني ربي ما بيضيعج مدام تحاتين رضى ربج

[* ام خماس *]

عزيزتي لا توسوسين وأكيد انتي يوم بتسوين الخير بتسوينه وانتي مخلصه النيه لله

الله يتقبل منا ومنج صاالح الاعماال ويصلح نيتج بكل اعماال الخير ياارب

والله يرضى عليج ووالديج ويرزقج الزوج الصاالح

وتبرين بواالديج وارحامج فديتج

[$البدويه$]

الله يحققلج اللي في بالج يارب

[MisS.Katkota]

الله ييسر امورج كلها ويوفقج ان شاء الله ..
وان شااااء الله كل اعمالج تكون خالصة لوجه لله ويرضى عليج ابوج .. والله يرزقج الزوج الصالح ..

وعن الارحام ..والله تستوي حتى في احسن العائلات ..تدرين نحن بعد جي ، تقولين حمى قطع الارحام منتشرة وبشكل كبير في مجتماعتنا ..ولو بتقولين السبب بتحسين ان خلاص التكنولوجيا والبيئة طغت على حياتنا لدرجة خلتنا ننسى ارحامنا !! وغير ها كل حد يعقها على الثاني ...الاول يقول ليش هو ما يسلم علينا ..والثاني يقول اذا هو ما يي انا ليش اسير .!! يعني كل واحد معلق على الثاني
بس تبين الصراحة .!. حلو لما انتي اللي تبادرين ..وخليه هالشي لوجه الله وانتي ما تترين شي منهم غير الاجر والثواب عند رب العالمين .. وصدقيني نفسيتج انتي اللي بترتاح ...انتي خليج احسن منهم .. وبتشوفين نتيجة اللي تسوينه في القريب العاجل

بالتوفيج لج خيتو

[جارة المصطفى]

بحق هذا الشهر المبارك ,, وبحق رحمة الله وفضله ..

أسال لله تعالى بمنه وكرمه ,, وجوده ومقدرته ...

أساله تعالى أن يرزقكِ زوجاً صالحاً من خيرة خلقه ..

وان يفتح لكِ أبواب رزقه ,, و يرزقكِ حلاوة حبه ..

وفرحة طاعته ..

وأن يريكِ الحق حقاً ويرزقك إتباعه ويريك الباطل باطلاً

ويرزقكِ إجتنابه ..


" إنه ولي ذلك والقادر عليه ,, فالخلق خلقه ,,و الملك ملكه ,,

والأمر كله بيده .."

[كيفي قمر]

دعيتلـج مالخآطـر . .

[فتاة راك]

دعااء النية وتجديدها

حتى تكونين في نيتج انج تسوين هالشي شان تنالين الاجر من الله مب تظاهر جدام الناس

واذا كانت نيتج هذي هي بالضبط فلا تخاافين معناته انتي مخلصه النية

قولي الدعاء

اللهم إني أعوذ بك أن أشرك بك شيئاً أعلمه وأستغفرك لما لا أعمله


وبس

[غلايH]

الله ايسر لج امورج وينولج اللي فبالج يارب

[سوارة]

سبحان الله وبحمده

سبحان الله العظيم

[فجيره]

تحياتي لج حبوبه احسج كاتبه الموضوع من خاطرج الله يهديج ويشافيج

والحال واحد وكلنا ف المنتدى خوات ونواسى وندراى بعض

والا شو فايدتنا

بعدين انا بعد شراتج استحي من ابويه ومرات يوم يروح مع حرمته ف البيت الثاني استحي ازوره ونفس الرمسه متى بتزوروني ومتى هههههه يعني مب بس انتي

ودعيتلج من الخاطر يالله يا رب انا وانتي نعرس بنفس اليوم يا رب

يالله تحملي ع نفسج وتيك كير

[ام مـ2003ـايد]

الله يسر امورج حبيبتي

ويحقق كل ماتتمنينه ويوفقج

[حزينة المساء]

الله يرزقج بكل إللي تتمنينه إن شاء الله

[Ms anime]

بحق هذا الشهر المبارك ,, وبحق رحمة الله وفضله ..

أسال لله تعالى بمنه وكرمه ,, وجوده ومقدرته ...

أساله تعالى أن يرزقكِ زوجاً صالحاً من خيرة خلقه ..

وان يفتح لكِ أبواب رزقه ,, و يرزقكِ حلاوة حبه ..

وفرحة طاعته ..

وأن يريكِ الحق حقاً ويرزقك إتباعه ويريك الباطل باطلاً

ويرزقكِ إجتنابه ..


" إنه ولي ذلك والقادر عليه ,, فالخلق خلقه ,,و الملك ملكه ,,

والأمر كله بيده .."