فيزا شنغن

[¯`•.شوق_دبي¯`•.]

يعطيكم العافيه
فزعتكن اللي تعرف معلومات تخبرني عن الفيزا شنغن

من فتره سويت لي فيزا شنغن في السفاره الالمانيه
وكان اتجاهنا........ دبي المانيا دبي
واحين..... ابغي دبي سويسرا دبي
يصير اسافر لسويسرا وبعدين ادخل المانيا عن طريق البر بالسياره بنفس الفيزا ولا ؟؟

المزيد من آخر المواضيع من نفس القسم:

• تريد ان تسافر ولا تملك من يهتم بعقارك فنحن...
• اهم مميزات السياحة في ارمينيا
• تحذير نصب واحتيال شركة سياحية في دبي -...
• اجمل مدن سياحية في انجلترا
• كيفية ترتيب حقيبة السفر
• نصائح هامة قبل السفر الى بودابست
• نصائح مفيده لتسهيل السفر مع الاطفال على...
• اجمل الاماكن السياحية في كوريا الجنوبية
• اجمل الاماكن السياحية للسفر في فصل الخريف
• تقرير شامل عن السياحة في أذربيجان

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[دهن_العود]

والله يا قلبي ما عندي فكره

للرفع

[¯`•.شوق_دبي¯`•.]

رفع الله من قدرج ان شاءالله

[حنين0]

اتوقع عاااادي بس مب متأكده لان هذي الفيزا لدول اوروبا كلها

[AL-Doomah]

مرحبا ختيه

فيزتنا من السفاره الألمانيه

وع اساس اول محطه لنا سويسرا

وعسب اتأكد يستوي او لا

اتصلت لـ السفاره السويسريه

وقالي الموظف عادي يستوي دامها اوروبيه

=)

[cute me]

هيه عادي اختي ..

الحين الشنغن ادخلج سويسرااا ...

[دوده ومحوشه]

الغالية ..

فيزا الشنقن ادخلج على أوربا كلها .. ما عدا بريطانيا

وعادي تقدرين تدخلين لسويسرا

[om khalifa]

أنا سألت اليوم السفارة الألمانية قالي إذا تبين إطلعين شنغن من عندنا لازم يكون عندج تذكرة فيها إنج بتسافرين إلى المانيا والردة بعد ومن مطار في ألمانيا... ويكون عندج حجز على الأقل ستة أيام في فنادق ألمانيا ... عسب ناس وايدين يقدمون على فيزة شنغن من ألمانيا لأنها تطلع بسرعة ..وبعدين إيكنسلون حجز الفندق ويروحون سويسرا أو النمسا.

[¯`•.شوق_دبي¯`•.]

اتوقع عاااادي بس مب متأكده لان هذي الفيزا لدول اوروبا كلها

تسلمين والله
توقعج صحيح بعد ما عرفت منكن ومن ناس

[¯`•.شوق_دبي¯`•.]

مرحبا ختيه

فيزتنا من السفاره الألمانيه

وع اساس اول محطه لنا سويسرا

وعسب اتأكد يستوي او لا

اتصلت لـ السفاره السويسريه

وقالي الموظف عادي يستوي دامها اوروبيه

=)

مرحبتين وثلاث اربع
انا بعد مسويه جذى بس كنت حاطه في بالي
على اساس اني بروح اول محطه المانيا بس غيرنا
تسلمين والله ويزاج الله خير

[¯`•.شوق_دبي¯`•.]

هيه عادي اختي ..

الحين الشنغن ادخلج سويسرااا ...

تسلمين عالرد ويزاج الله خير
والله من ردودكم تأكدت اكثر

[¯`•.شوق_دبي¯`•.]

الغالية ..

فيزا الشنقن ادخلج على أوربا كلها .. ما عدا بريطانيا

وعادي تقدرين تدخلين لسويسرا

والله كان جايسني شبه كآبه لما عرفت ان التذاكر على المانيا فلللللل ((الوقت اللي نباه))
غيرنا على طيران القطريه طلع السعر دبل ومع ترانزيت ياسلام
يزاج الله خير وتسلمين عالرد

[¯`•.شوق_دبي¯`•.]

أنا سألت اليوم السفارة الألمانية قالي إذا تبين إطلعين شنغن من عندنا لازم يكون عندج تذكرة فيها إنج بتسافرين إلى المانيا والردة بعد ومن مطار في ألمانيا... ويكون عندج حجز على الأقل ستة أيام في فنادق ألمانيا ... عسب ناس وايدين يقدمون على فيزة شنغن من ألمانيا لأنها تطلع بسرعة ..وبعدين إيكنسلون حجز الفندق ويروحون سويسرا أو النمسا.

نحن طلعنا الفيزا من عندهم بس بدون كل هالكلام
لان ماكنا اصلا حاجزين تذاكر وتقريبا ياخذ وقت مال يومين الى 3
طلعنا نحن من الناس عيل ههههههههههه
والله نحن طلعنا الفيزا من السفاره الالمانيا قبل لا نحجز التذاكر واحين متوهقين ماشي تذاكر الوقت اللي نباه
وعشان جذى بنغير المحطه الى سويسرا وعقب بالسياره نروح النمسا والمانيا
تسلمين الغاليه لانج استفسرتي وعطيتيني الاجابه يزاج الله خير

[دلع فطوم]

الله يوفقج الله يرزقنا الزوج الصالح