مجبوس معكرونه

**عذبا** · 2010-06-27, 23:47

بتستغربون الاسم بس جربو ما تشخلون المعكرونه وتحطونها سيده علىخلطة الدياي او الصوص مال المعكرونه واللي يكون مثل الصالونه جربوا وبتعون لي ريلي الي مايحب المعكرونه عجبته واذا استفسار انا في الخدمه بس سامحوني ما اعرف احط صور بس الطريقه

المزيد من آخر المواضيع من نفس القسم:

**بنت الطموح** · 2010-06-28, 04:25

بجربها قريبا ان شاء الله

مشكوورة حبوبه

**المزيونة2002** · 2010-06-28, 04:31

كيييييف؟؟؟؟؟؟؟؟؟؟

**سوارة** · 2010-06-28, 04:44

ويا الماي يعني

**ro0o0osa** · 2010-06-28, 08:19

بس يباله قياس معين ماعرف كم يباله بالضبط المعكرونه من الماي

**ماما امينة** · 2010-06-28, 08:50

خواتي فرغي كيس المكرونه في الصالونه ( صالونة دياي او تونه ......................زالخ ) وخليها تتسبك على كيف كيفها وشوفن الفرق ..........

**أم ماميتو** · 2010-06-28, 09:58

هلا الغالية، فعلا ها الطريقة وايد سهله و أنا من زمان أسويها و كنت أحسب بروحي بس مخترعتنها، عندي صور بس بعدي ما نزلتها كنت مصورتنها من تطبيق أختي..
في أمان الله..

**عذبا** · 2010-06-28, 23:51

المشاركة الأصلية كتبت بواسطة المزيونة2002

كيييييف؟؟؟؟؟؟؟؟؟؟

اولا حمسي راسين بصل مقطعات جوانح في زبده بعدين حطي شرايح دصدور دياي نفس تقطيع الشاورما تكون مبهره بملح وفلفل وثوم وليمون بعدين حطي شرايح فليفله ومشروم مكعبات طاطا وخضره مشكله وبهريها ببزار وجرفه وهيل صلصه طماط وسكري عليها لين تتشرب التتبيل بعدين صبي عليها ماي حار مثل الصالونه ولا تنسين الملح بعدها حطي كيس معكرونه ويفضل اللي مثل البيبات وخلطي وخليه بدون غطا لين يتشرب الماي بعدين سكري الغطا وخفي النار مده عشرين دقيقه وراقبي ما يحترق من بعد حطي نص فنيال ليمون وخلطي وحطي في صينيه بايركس بشري عليه جبنه شيدر وبارميزان وبالهناء
قدمي وياه سلطه وياها جوز

**برستيـج** · 2010-06-29, 03:24

اليوم اخوي يقول يباها باجر عالعشا ^_^

نحن نسويها اذا زادت الصالونة مال الغدا ....

بس اللهم تحطين المعكرونه عليها وتخليها تتشرب الصالونه وبس

من جي اسمها مجبوس معكرونه ^_^ ... تحريت بس نحن نسويها

***غرور*** · 2010-06-29, 04:08

جديييييييييييييييييمه من زمان نعرفها

**thariya** · 2010-06-29, 06:16

امي من نحن صغار وتسوي هالطريقة,,,,تطلع المعكرونة سايحه على بعضها وتذوووووووب بالحلج يمممممي

**بدوية والنعم** · 2010-06-29, 11:18

تسلميين يالغلا حتى نحن نسووويها

**smile** · 2010-06-29, 15:04

أعتقد طعمها شرات المرقوقه اللي يستخدمون فيها المعكرونه بدل الخبز
وطعمها لذذييييييييذ
مشكورة حبيبتي

**روعة الاحساس1** · 2010-06-29, 18:40

يعطيج العافيه اختي

بصراحه اانا سويتها مره صح كان طعمها رووووعه

بس المشكله عيالي مايحبو المكرونه يعني لازم يعني اسوي اكثر من نوع

**مسا الليل** · 2010-06-29, 21:42

صدقج أختي أنا أكلت معكرونه عطريقة المجبوس بالدياي من إيد وحده من دبا يزاها الله خير وايد عيبتني وتكون صفراء نفس المجبوس

الموضوع: مجبوس معكرونه

أدوات الموضوع

عرض

مجبوس معكرونه

المزيد من آخر المواضيع من نفس القسم:

الطريقه للي سألت كيف

المواضيع المتشابهه

مجبوس سمك ^^

مجبوس سمج

مجبوس بالعرايين ..

-•°•.•°•- مجبوس بالدجاج التندوري!! مجبوس على طريقة شيخة الحريم بالصور -•°•.•°•-