اختصرت لكم سنوااااات تجاربي مع البشره الدهنية....بالصور

[حياة القمر]

الله يعينا ع هالبشره ....بالنسبه لي مابقيت شي ماسويته
بختصر في الأشياء اللي فادتني :

1. التقشير :
من أهم الأشياء اللي لازم احس انسويها مره في السنه ...طبعا يكون عند دكتوره جلديه او مركز تجميل محترم ..
انا جربت انوااااااع واااااايد ...أكثر شي فادني (التقشير الأخضر )
،وهو تقشير ممنوع تستخدمي الماي لمده 5 -7 أيام طبعا ايام الدوره ...
يفضل اتسوينه ف الشتاء وماتكوني مداومه لانه ويهج بيتقشر من الخاطر
،طبعا هالتقشير اتسوينه مره في حياتج وعقب ممكن تسوين الأخف
.بس لازم أأكد عليكم التقشير قوي يشل البقع والاثار والحبوب ويتقشر
بطريقة تخوف بس بصراحه النتيجه راااائعه تختصر عليج علاج شهور وادويه
وكريمات ...سويته ف مركز شارم "أبوظبي"



2. كريم التفتيح : طبعا بعد عملية التقشير لازم تحافظين ع النتيجه او ولا كأنج سويتي شي ...حاليا استخدم كريم من عند د.سعاد لطفي
بـ600 درهم وحجمه صغير جدا ،،بس طبعا للعلاج مب للاستخدام اليومي




للاستخدام اليومي ممكن تجربون ألفا بلاس(alpha plus) تفتيح للبشره بصراحه حلو ...بس افضل كريم التفتيح اليومي
يكون ع حسب كل وحده شو اللي ناسبت بشرتها حتى لوكلنا دهنيه بس ف مستويات ...
هذا الكريم للجسم بس فيه الصغير للوجه وع فكره اللي مال الجسم روووعه
بس يباله استخدام دائم ومرتين ف اليوم جسمج كامل ويكون نظيف



3.الغسول :انواع واااايد من أحلاهم (Hyfac)



وعندكم من clean&clear (غسول يومي لتقشير الوجه ) بصراحه ماعليه كلام



وعندكم من اسكينول... (Eskinol) ...(papaya facial scrub)


باختصار لاحظت ان الغسول لما يكون فيه حبيبات يكون احسن لبشرتي...

4.السكراب :
من بودي شوب اللي بالشاي الاخضر


والنوع الثاني للجسم والوجه روعه للاستخدام اليومي




5.الماسك :بودي شوب من الشاي الاخضر



6.الدوا الحبوب: اللي مااستغنى عنه
ابدا لو حسين ان حبه بتطلع ع طول اتم احط منه كل شوي طبعا بعد ماانظف ويهي
خليه معاج دوووووووووووم فيه نوعين ( سائل مثل الماي ...هذا احسن )
..وكريمي للعلاج )
Dalacin t solution



7 . من أهم الأشياء ياحلوات واللي لازم تستخدمونه اكثر عن مره في اليوم وهو (التونيك ) اهم مستحضر اولا شي
ينظف المسامات ويعقمها 2.رفرش للبشره ..
لاحظت كل ماكان النوع اقوى كل ماكان احسن يعني
ماينفعلنا قوم نيفيا ودوف واولاي ...
فيه انواع مثل كلين اند كلير حلوين ....
وفيه انواع تنباع ف الصيدليات وفي ف مراكز التجميل اللي اتسوين
معاهم الفيشل :



بتحصلونه في عيادة الأميري وجريس ف ابوظبي .


خذي اللي مكتوب عليه لوشن عميق التنظيف ...

8 .كريم لحب الشباب من الفا بلاس (Alpha plus)
المستحضر الاخير بصراحه توني بديت استخدمه
بعد ماسويت فيشل لان الحبوب
تمت تطلع فنصحتني الخبيره آخذه ويحتوي ع نسبة احماض فواكه
ومثل ماتعرفون فوايده وخاصه ان المنتج من شركه احب استخدم منتجاتها ...
هو يبس (ينشف ) الحبوب ...من تصويري ماحصلته في النت..

[IMG][/IMG]

في النهاية خواتي اللي متعوده اتسوي فيشل تلتزم شهريا لان
مع التأجيل بتشوفين النتيجه عكسية ..لأن بداية الحبوب تكون
بثور فالأحسن انج تشلين البثور قبل ماتتحول لحبوب ..والأهم
اختيار المركز الصح والنظيف لاتستخسرين البيزات خاصه ف الفيشل ...
ولاتنسون الكرستال صح نتيجته ماتطلع ف نفس الوقت بس بصراحه
له مفعول عجيب (يشل الخلايا الميته ويفتح )
عن نفسي جلسة الفيشل والكريستال اسويها ف نفس الوقت
وهاي طريقة معظم المراكز ...
وعفب الفيشل ع الاقل يومين ..ممنــــــــــــوع الميكب ..
حطي ع عينج وشفايفج بس.


اتمنى تدعولي بس..... لان الموضوع أخذ مني وقت

المزيد من آخر المواضيع من نفس القسم:

• نصائح لمنع شحوب البشرة في رمضان
• اهم فوائد غسول الوجه للبشرة
• فوائد زيت بذور العتب السحرية للبشرة حصري
• افضل ماسكات ماء الورد للعناية بالبشرة الدهنية
• افضل نوع سيروم للبشرة الدهنية
• روتين العناية بالشفايف
• فوائد صابونة الكركم للبشرة وطريقة استعمالها
• ابرز فوائد زبدة الشيا السحرية للبشرة حصري
• ابرز فوائد كبسولات فيتامين (E) للبشرة
• افضل ماسكات قشر البرتقال للعناية بالبشرة

[المزيونه..~]

مشكوره
يعطيييييج العافيه

[كول بيبي]

يزاج الله خير

انا اعاني من افرازات البشره بشكل كبير حتى البودره ما اتم في ويهي تعبت منها ><

ويوم اتفيج اسوي سكراب

[فراشةالجنة]

تسلمين فديتج الله يعطيج العافية

[دمووووع]

الحمدلله بشرتي مختلطه
بس اختي دهنيه بخبرها عن تجربتج

[حياة القمر]

كول بيبي: استخدمي بودرة سشيدو السماويه وااااااااااااايد حلوه

تسلمون خواتي ع مروركم الكريم.....

[كشيخه بوظبي]

مشكووره غناتي الا بنشدج عن التقشير في اي عيادة سويتيه وبكم

عمتيه مجربه ليزر CO2 وتقول يعور من الخاطر بس خفف مساماتها وشل بقع كانت في ويهها

شو تنصحيني اسوي

لان انا على خشمي وخدودي مسامات وبقع مب مبينه بس اللي يدقق يلاحظ وخاطريه في بشره ناعمه ولو انه حلم وصافيه

جربت التقشير الكيميائي بس شهر ورد كل شي

[حياة القمر]

مشكووره غناتي الا بنشدج عن التقشير في اي عيادة سويتيه وبكم

عمتيه مجربه ليزر CO2 وتقول يعور من الخاطر بس خفف مساماتها وشل بقع كانت في ويهها

شو تنصحيني اسوي

لان انا على خشمي وخدودي مسامات وبقع مب مبينه بس اللي يدقق يلاحظ وخاطريه في بشره ناعمه ولو انه حلم وصافيه

جربت التقشير الكيميائي بس شهر ورد كل شي

هلا أختي
التقشير الأخضر قوي (سويته ف مركز شارم بأبوظبي) ...يعني اذا ماعندج شي واضح ف ويهج لا تسوينه ...
ممكن اتسوين نوع من أنواع التقشير اتحطين ماسك لمدة 7 ساعات وعقب بيبدأ ويهج يتقشر وبيعطونج كريم بني تقريبا 800 درهم اسمه "كوزملا" سويه ف كوسمسيرج او عيادة جريس
الكريم فظيع ويقشر بطريقه خفيفه بس لازم تستمري تستخدميه دوم علشان اتحافظي ع النتيجه بيفتح لون ويهج وبيوحده .....

[أنسة_سارة]

على فكره التقشير العميق يخرب البشره ... انا بشرتي دهنيه بس ما اعاني منها بالعكس حلوه ... وتقدرين بعد ما تغسلين ويهج تيبين ماي ورد وتحطين فيه شوي ليمون وتمسحيبه ويهج الليمون يمتص الدهون بس وفيشل في الصالون بس بدون تقشييير بالكريمات او بالكريستال او غيره لانه يخرررب البشره وما يفيدها يمكن يفيدها في البدايه لكن بعدين تخترب

[حياة القمر]

على فكره التقشير العميق يخرب البشره ... انا بشرتي دهنيه بس ما اعاني منها بالعكس حلوه ... وتقدرين بعد ما تغسلين ويهج تيبين ماي ورد وتحطين فيه شوي ليمون وتمسحيبه ويهج الليمون يمتص الدهون بس وفيشل في الصالون بس بدون تقشييير بالكريمات او بالكريستال او غيره لانه يخرررب البشره وما يفيدها يمكن يفيدها في البدايه لكن بعدين تخترب

معاج أنا بس لما اتكون بشرتج كلها حبوب وبقع سوده ومرقعه 100 لون مارح يفيدها كل العلاجات صدقيني دفعت الآلاف وماستفدت ...التقشير بالنسبه لي كان الحل بس طبعا بشروط :
- مره وحده بس بس ....غلطتي اني سويت تقشير اكثر عن مره
- مركز او عياده مضمونه

- تقشير الكرستال كل فتره لانه تقشير خفيف جدا وبالعكس يشيل القشره الميته اللي هي سبب ف عدم توحد لون البشره +تنظيف البشره وااااايد مهم للي متعوده اتسوي بس واللي مب متعوده انصحها ماتسوي إلا كريستال او التنظيف البسيط مب العميق ..

- الحفاظ ع النتيجه بـ أ. استخدام الواقي ومحاولة عدم التعرض للشمس وخاصه فتره العلاج
ب. اهم شي لاحظته استخدام كريم تفتيح مضمون بشكل يومي

وهذا رأي

وان شاء الله بسوي طريقتج لان الحمدلله ويهي الحين اوكيك وينفع معاه طريقتج ومشكوره

[قطر السحاب]

يزاج الله خير

[malak_AD]

مشكورة الغاليه ويعطيج العافية بس اختي كثرت التقشير والتنظيف العميق يخلي البشرة حساسة طبعا فالمستقبل وسهله انه تكون مبقعه ومب متوحد لونها. عشان جيه لو بنسوي تقشير لازم واقي الشمس يكون SPF 100ومانتعرض لشمس وايد واما عن التنظيف لازم يكون عند خبراء لانه ممكن يوسعون لج المسامات وهاي بروحها مشكلة.

[ورد النوار]

مشكورة الغاليه ويعطيج العافية بس اختي كثرت التقشير والتنظيف العميق يخلي البشرة حساسة طبعا فالمستقبل وسهله انه تكون مبقعه ومب متوحد لونها. عشان جيه لو بنسوي تقشير لازم واقي الشمس يكون SPF 100ومانتعرض لشمس وايد واما عن التنظيف لازم يكون عند خبراء لانه ممكن يوسعون لج المسامات وهاي بروحها مشكلة.

حبيبتي التنظيف و التقشير يعمل على تنظيف المسام وازالة الافرازات الدهني بالتالي البشرة تجف وبما انها بشرة دهنية من تشوف عمرها جفت ترد تفرز كمية دهون تعوض اللي راحت عشان جذيه الوحده من تغسل بشرتها تحس بجفاف،،لذلك اختي من الضروري و الضروري جدا ان نقوم بترطيب البشرة الدهنية بعد تنظيفها حتى نخليها متوازنة ،،الشي المهم اللي ابغي اقوله ان علينا نختار مرطب مناسب و وبشكل عام مرطبات البشرة الدهنية تكون على شكل جل مب كريم ،،

و اتمنى افدت الجميع

بالتوفيق حبوبات

[حياة القمر]

مشكورة الغاليه ويعطيج العافية بس اختي كثرت التقشير والتنظيف العميق يخلي البشرة حساسة طبعا فالمستقبل وسهله انه تكون مبقعه ومب متوحد لونها. عشان جيه لو بنسوي تقشير لازم واقي الشمس يكون SPF 100ومانتعرض لشمس وايد واما عن التنظيف لازم يكون عند خبراء لانه ممكن يوسعون لج المسامات وهاي بروحها مشكلة.

معاج حق ......رديت ع وحده من خواتي (الآنسة ساره ) .....
نورتي الصفحه

[ورد النوار]

نفع الله بج وجزاج الله خير على المعلومات
و ربنا هو الشافي المعافي وعلينا الاجتهاد و التوكل على الله وحده

مشكورة مجددا حبوبة