اكلة خفيفة وسريعه تنفع للريوق

**bnfsj** · 2007-05-21, 00:15

السلام عليكم ورحمة الله وبركاته

اممم اليوم بحط لكم اكله خفييييييييييييييييييييييييييفه جدا وسهله وسريعه وتنفع للريوق ..ولعشا خفيف

او مقبلات للعشا ... وللريوق اكثر...خاصه اذا مالج بارض تسوين شي

والمقادير والطريقة مافي اسهل منها

...المقادير...

رقائق السبرنغ رول

جبن كرافت ..او اي جبن تحبونه وطبعا مافي احلى من الكرافت

وهاي صورة الرقائق للي مايعرفها

...الطريقة...

تاخذين العجينة وتدهنينها بالجبن وابتعدي عن الاطراف.. مثل الصورة

اطوي الطرف الاول مثل الصورة

والطرف الثاني بعد وبتظهرلج بهالطريقة الاسطوانيه او مستطيلة واضغطي على الاطراف

عشان الجبن مايسيح

واتحطينها عالتاوه ... بدون زيت او اي شي ثاني... وبسرعه بتتحمر

يعني انتي سوي عالاقل 6 حبات وعقب شغلي النار ... عشان بسرعه تخلصين وكملي الباقين

وانتي تدهنين شوفي النار وماياخذ وياج وقت

اول وحده جلبتها واتحمرت خلاص والاثنين الباقيات توني كنت حاطتنهم

وهاي شكلهم بعد ماتحمروا ..وحاسبي عن يحترق مثل اخر وحده

وعقب صففيهم في صحن وصبي عليهم عسل مثل الصورة

والحلو فيه انه خفيف ولذيذ وسريع..

وسويته بالباجر للعشا لانه اخويه حشرني وطلبه منه...احم احم لانه عيبه

والعشا اللي مسوينه ماكان وياه مقبلات .. فسويته

وسويت بالجبن والعسل مثل اللي فوق...

ومجموعه بالدياي ... والخلطة تاليف في لحظتها

والخلطة عبارة عن كاتشب ودقوس وشويى خردل ودياي مفتت وفلفل بارد

خلطت الكاتشب والدقوس والخردل ويا بعض وكنت ادهن الرقيقه او العجينة واحط دياي مع فلفل البارد

وبنفس الطريقه سويت ... وقصيت اللي بالدياي من النص ..وحبوها بعد ..

وها شكلها في صحن التقديم

اتمنى تعيبكم اكلتي الخفيفه السريعه السهله اللذيذه .. واتمنى اتجربونها ...

ماعرفت شو اسميها .. واختارولها اسم من عندكم .. مثلا رقائق الجبن بالعسل شو رايكم

ولاتنسوني من دعواتكم

المزيد من آخر المواضيع من نفس القسم:

**شجون القلب** · 2007-05-21, 00:21

wow ... ummmmmy

thanxxx

**العيـــوز** · 2007-05-21, 00:23

تسلمين عزيزتي

والله يعطيج العافيه

**bnfsj** · 2007-05-21, 00:23

ثانكس على مرورج

**bnfsj** · 2007-05-21, 00:25

المشاركة الأصلية كتبت بواسطة العيـــوز

تسلمين عزيزتي

والله يعطيج العافيه

الله يسلمج ويعافيج

وتسلمين على مرورج :22 (21):

**bnfsj** · 2007-05-21, 00:27

المشاركة الأصلية كتبت بواسطة قطوة دبي

جزاك الله خيرر اختي على هالاكله الرائعه

موتينى من اليووووع ههههههههههههه

بالعافيه عليج

الله يزيج بالمثل على تواصلج وتشجيعج

ولا تموتين يوع ولا شيات ... الحين بسويها وبطرشها لج .. تراها سريعه وماتاخذ وقت

والله يعافيج :22 (4):

**الموج الحزين** · 2007-05-21, 00:37

صراحة اكلة وااااااااايد سهلة و حلوة و بالتوفيق

**داري بوظبي** · 2007-05-21, 00:43

ررررررررررررروعة

تسلم الايادي

**FrAsHa** · 2007-05-21, 00:44

يوعتـــــــــــــــــــــــــــــيني.............. ...يعطيج العافيه

**الحلاة كلها** · 2007-05-21, 01:29

تسلمين

**bnfsj** · 2007-05-21, 02:24

المشاركة الأصلية كتبت بواسطة الموج الحزين

صراحة اكلة وااااااااايد سهلة و حلوة و بالتوفيق

هيه وايد سهله وحلوة وبيحبونها ..لانه اخواني حبوها وايد

وخفيفه ...

جربيها وبتحبينها ان شاء الله

وتسلمين على تواصلج اللي اسعدني

**bnfsj** · 2007-05-21, 02:30

داري بوظبي

الله يسلمج ... وتسلمين على تواصلج الروعة

...

FrAsHa

زين يوم يوعتج ..سيري جربي عشان تقوليلنا النتيجة .. ولا تراني بطرشلج الحين حبة عالسريع

تسلمين على تواصلج ..وردج اللي اسعدني

...

الحلاة كلها

الله يسلمج وتسلمين على تواصلج

**um isa al kabi** · 2007-05-21, 10:57

تسلم ايدج حبيبتي ,,, والله يوعتيني ,,, واسهل من هالطريقه مافي ,,,,

**علياء 3** · 2007-05-21, 11:01

تسلم ايدج ومشكوره ع الاكله اللذيذه الغريبه العجيبه

**عقد لؤلؤ منثور** · 2007-05-21, 15:47

الموضوع: اكلة خفيفة وسريعه تنفع للريوق

أدوات الموضوع

عرض

اكلة خفيفة وسريعه تنفع للريوق

المزيد من آخر المواضيع من نفس القسم:

:)

المواضيع المتشابهه

شو اسوي للريوق ؟

وجبات خفيفة للريوق (الفطور)

جشييد بالتونة ..اكلة خفيفة سريعة ..على طريقتي..@

ابا وصفات للريوق

تبين اكلة خفيفة وسهلة حق اريوق حياكم ..........