اريد معلومات سياحيه عن شمال ايران ؟؟؟؟؟؟؟؟؟؟؟

[املاني]

السلام عليكم ورحمة الله وبركاته ...
شحالكم يالطيبات ...........

خواتي اللي عندها معلومات سياحيه او صور عن السياحه في ايران تخبرني عنها لأني ناويه ازورها هالصيف ان شاءالله ...........:22 (21):

المزيد من آخر المواضيع من نفس القسم:

• تريد ان تسافر ولا تملك من يهتم بعقارك فنحن...
• اهم مميزات السياحة في ارمينيا
• تحذير نصب واحتيال شركة سياحية في دبي -...
• اجمل مدن سياحية في انجلترا
• كيفية ترتيب حقيبة السفر
• نصائح هامة قبل السفر الى بودابست
• نصائح مفيده لتسهيل السفر مع الاطفال على...
• اجمل الاماكن السياحية في كوريا الجنوبية
• اجمل الاماكن السياحية للسفر في فصل الخريف
• تقرير شامل عن السياحة في أذربيجان

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[غناة القلب]

هـلا اختي.....

انا سرت شمال ايران من فتره طويله

ما شاء الله روعه وخيــــــــــــــــآآآآآآآآآآآآآآآآآآآآآآآآآآآآآآآ آل

والجو يخبل

مناظر طبيعيه جميله وايد

وسكننا في مكان خيـالي...مممم..مادري كان شاليه..ولا فندق..ماعرف شوه بالضبط..كله بيوت عند بعض شرات البيوت اللي في الرسوم خخخخ..وورى كل بيت في حديقة...وفي نفس المكان في ألعاب ومسرح ووايد أشيا...يعني ماتميلين في هالمكان..بس يا خساره ماتمينا وايد..


وصح شي ثاني عيبني في هالمكان ....مجسم على شكل فيل عووووووود...خرطوم الفيل فيه دري..تركبين وتسيرين فوق...فوق الفيل بيت صغير..وايد حلوو....

وبس...

ممممممم..اذا بغيتي اسم المكان بسألج...يمكن يتذكرون الاسم...


والسموحه طولت..

[ساره المزروعي]

:22 (28): السلام عليكم حبايبي انا زرت ايران السنه الماضيه بصراحه وايد حلوه ...هالبلاد شي غريب اتحسين انج في عالم خيال اتمنى لج زياره ممتعه ......نتريا الصور

[أم_عبدالله]

غناة القلب............... يا ريت تقولين لنا وين سرتوا بالضبط اقصد شو اسامي المدن

[شواقة]

انا كنت هناك السنة اللي فاتت و مصورة مجموعة صور

الصراحة الجو رهييب واايد حلو ونحن كنا انام من غير لا مراوح ولا مكيفات اذا حريتي واشك انج تحرين

ترومين تبطلين الدريشة

لحظة بييب الصور وبحطهم لج

[شواقة]

هني اخير بعد مشي متواصل لمدة يوم و نص حشا ما بغينا نوصل..و اخيرا وصلنا للشمال منطقة اسمها كلار دشت



الصور هاذي كلها قريب البيت اللي سكنا فيه و الجو كان روووووووعة





هاذي سكيكهم



لا و شي محل فساتين اعراس خخخخخخخخخخخخخ



يا حلات الليالي في الشمال



هني على المغرب و الجو مطر.شوفوا الصور كيف طالعة..كانه ثلوج تتساقط

يتبع

[شواقة]

يا سلاااام على الامطار الثلجية











ما ننسى الحدث الاكبر يميييي الجو كان برد شوي و طلبنا اااااااااااش لذيذ



شجر العنب والاجاص







ما أحلى الطبيعة



ماشالله الابقار منتشرة في كل مكان كل ما تروحون مكان تحصلونهم جدامكم

[نور ندى]

ممكن تخبرونا مثلا شو اسم الفندق او الشاليه شو اسم المنطقه يعني
لان صراحه مكان ما يتفوت

[شذى دبي]

بصراحه الغالية..المكان وايد حلو وانا من 3 سنين زرتها وايد روعه وجوها بصراحه ما يتفوت طبيعة ما مثلها طبيعة
اظن اسمها كلاردشت...كنا ماخذين شقه في بناية وحديقه تحتنا وماء النهر يمشي في وسط الحديقة وبصراحه حطنا في كل مكان ما خلينا مكان

[نجود الرياض]

لالة الا الله محمد رسول الله

[درة دبي]

منظر راااااائع
للأسف ما عندي معلومات
ان شاء الله تسافرين وتريدن لنا بالسلامة اختي

[القصواء]

إيران واااايد حلوه سرنالها قبل كم سنه...
بس أحس إنهم شعب منغلق ويطالعونش بطريقه تحسين فيها إنج نكره أو حشره..
وفي الفندق في منطقة رامسر عاملونا في البدايه معامله سيئه جلسنا أكثر من ساعتين عشان يعطونا غرفه مع إنا حاجزين من البلاد..
وبالنسبه للفطور في الفندق قالولنا نحن مانريق غير الإيرانيين إنتو سيروا بره .. مني ومناك وأخيرا سمحولنا...
والسايق تبهدلنا وياه مايعرف لا عربي ولا إنجليزي ..
وحاولوا يخدعونا في البدايه وودونا لفنادق نحن مب حاجزين فيها...
والله إني قمت أصيح وقلت حق ريلي نرجع أحسن وتوبه أسافر إيران ...
ونسيت أقولج ممنوع عندهم وعيب الريال يلبس شورت...

[رماسه]

ما شاءالله حلوه ايران بس للاسف ما سرتها
الي عنده معلومات اكثر خبرونا

[شئ للذكرياات]

انا اهلي سايرين الشمال بس ما فيها امان وايد

[أمورة]

انا رحت كلاردشت (اظن جيه اسمها) سنة 2003 و سكنا فوق الجبال. كله سهول و خضره و بقر في كل مكان والجو رهييييب رحنا في الصيف و كننا نلبس سويترات عن البرد.
الطبيعه رووووووعه.

من السلبيات اللي واجهتها شخصياً:
- قلة المرافق الترفيهيه :1 (35):
- سوء و رداءة المرافق الصحيه (الحمامات اكرمكن الله) :1 (36):
- اللغه. :1 (45):

اذا بتسيرون و ما ترمسون لغتهم لازم يكون معاكم حد يساعدكم. احنا كان الدريول (السائق) عراقي كردي و عايش هناك وايد سهل علينا.

و بعد سرنا منطقه ساحليه عند بحر قزوين ركبنا التلفريك جنها سويسرا الجبل اخضر والبيوت شرات بيوت هايدي خخخخخ مع البقر والغنم و كننا انشوف بحر قزوين والمراكب اللي فيها الصراحه رووعه مثل سويسرا (بس سويسرا أنظف بوااااايد)

والبنيان في هالمدينه ستايلها اوروبي و سرنا قصور الشاه اللي كان يحكم قبل الثورة الاسلاميه كان وااااايد متأثر بالغرب. قصوره فخمه شرات القصور في اوروبا.

بس من ناحيه الشوبينغ مافيها شي اوكي الا المكسرات والزعفران و منتجات و محاصيل ايران اللي الناس تاخذها. :22 (18):

بس بلد حلوه حق اللي يبون سياحة طبيعيه.

هاي بعض الصور من المواقع