أمي .... وإختي .... والزمن عليّ....الله يرحم من يرحم

[راعية الناموس]

السلام عليكم ورحمة الله وبركاته
إشحالكن خواتي...
ما دخلت في هذا القسم إلا وأملي في الله ثم فيكن ألقى الحل...
مثل ما قريتن بالعنوان... أمي وإختي والزمن عليّ...

بقولكن قصتي وإنتن إحكمن عليّ...
أنا من عايلة مواطنة بالدولة... عندي أب وأم وأخوان وأخوات.... متعلمة والحمدلله ... بس ما إشتغلت لظروف أحتفظ فيها لنفسي...
تزوجوا أخواني الكبار ... وياني نصيبي... وين المشكلة؟؟؟؟؟؟؟؟؟
يا خواتي أنا من صغري وأنا مطيعة لوالديّ وما أرفض لهم طلب أبد...لدرجة لو قلت لأمي لأ في يوم من الأيام أو تعذرت لها لأني منشغلة ... بتزعل علي ولا ترمسني....وين المشكلة؟؟؟؟
أنا لما تقدم لي زوجي الحالي... أمي ما سوت لي واحد إثنين... يعني ما خذت بشوري.... كما لو كنا نحن في زمن الجاهلية... ما في شور للبنات... قالت لي بتتزوجينينه يعني بتتزوجيينه....إنتي لو ما وافقتي خواتيج كلهن نصيبهن بينقطع والسبب إنتي...
يا سلام ( كبش الفداء صرت)..... وطبعاً وافقت غصب عني.... حتى زهبتي ما خلتني أختار على كيفي ...كل شيء على مزاجها....

أنا ما أنكر إن أمي طيبة وحبوبة...بس يلي تسويه فيني محد بالدنيا يتقبله ...صح ولا أنا غلطانه؟؟؟؟؟؟؟؟؟؟

المهم تزوجت وطلع زوجي رجل حلال... مب من النوع يلي نعرفه....
لو ما طلع أوكي أنا شو أستفدت من الدنيا؟؟؟؟؟؟؟؟؟؟؟؟؟
الحمدلله على كل حال....

المهم ...مع الزمن تعلقت أكثر بأهل ريلي... وصارت بيني وبينهم مودة.....وصرت ما أزور أهلي إلا بفترات متباعدة... مراعاة لزوجي... ومن نفس الوقت عشان ما أثقل على أهلي...( شو ما عندها بيت هذي)؟؟؟؟ هذي الرمسة يلي بسمعها تنقال من وراي....

ونظرا لأني كنت حسنة السيرة والسلوك وعلاقتي بأهل ريلي... قرروا ياخذون وحدة من خواتي لولدهم..أنا إنبسطت وبنفس الوقت خفت ...ما أعرف ليش...؟؟؟ يمكن هالشعور كان إنذار من رب العالمين ما أدري....

المهم تزوجت إختي من نفس عايلة زوجي... وهنيه بدت الطامة الكبرى....
وشاية ... كره ...بغض.... وكله من طرف إختي.... وعلى فكرة إختي هذي صغيرة وما توقعت أبد إنها تكذب ... ودموع التماسيح يلي كانت تذرفها كانت كاااااااااااذبة..... وصل الموضوع لتدخلات امي في حياتي... ( إنتي وين عن إختج...أنا شو موصيتنج.... وأنا وأنا ,أنا ...إلخ من هذا الكلام يلي يوجع القلب)....وعلى فكرة صح نحن خوات بس القلوب ما تتشابه ولا الطباع.. تغيرت إختي للأسوء في حياتها.....

المهم وصلت المشاكل أقصى حد ممكن الواحد يتخيله.... من فيكم تتحمل كلمة أمها لو قالت لها... إنتي مغضوب عليج ليييييييييييييييييوم الحساب ومستحيل أرضى عليج....
تقدرن تقولن شيء؟؟؟
أنا ما أقدر... دموعي وعبرتي المخنوقة تسبقني..... وما أقدر أدافع عن نفسي....
بتقولون ...إنصحي إختج....
إختي هذي الله يسامحها مب مال هداية.... ( إبليس في صورة إنسان)... خربت علاقتي مع الكل ( أنا يلي كنت المحبوبة في عايلة زوجي... صرت منبوذة ومحد يحبني ... وكله لأني صدقت كل كلمة تقولها عنهم...)
وصل الموضوع لين قالت لي في يوم من الأيام إن أبوي يقول عني رمسات....!!! أنا أبوي يقول عني هالرمسة... والله العظيم إني زعلت من الخاطر...

تعرفون ليش هي ترمس هالرمسة وهي مرتاحة.؟؟؟؟؟؟ لأنها تعرف إني مستحيل أراجع حد وأسأله إذا كان قال هالرمسة فيني أو لأ.... تعرف إني بأنعزل في غرفتي وأبكي دم مب دموع... أكتشفت إنه إختي كانت تتلذذ في تعذيبي بالطريقة وليش ما أدري.....

المهم ... إنتقلنا لبيت ثاني لأن العيال زادوا وما عندنا مكان لنا وللعيال.... وصار لأزم أكتشف أختي ... وبالفعل إكتشفت إن أختي أكبر كذابة بالدنيا أكبر حقودة عرفها العالم... تبا الزين لها والشين لغيرها.... حياتها كلها فلوس في فلوس..... وتبا كل شيء لها... صبرت بس عشان بس محد يلومني فيها ... حتى يوم يبت خدامه لي ...خدامتي عافتها عيفيه وكرهت الشغل ... ودايما تقول لي مدام إنتي مو مثل مدام 2 إنتي غير وايد...مب مدحة والله... المهم عدلت علاقتي بالناس وقدرت أكسبهم مب 100% أقدر أقول لحد إلحين 60 % وهذا الشيء زين بالنسبة لي....
المصيبة الحين إختي تبلت علي عند أمي ... وصارت تقول لها رمسات... وأمي غضبانة علي....
صرت خبرت ريلي بالسالفة كللللللللللللها... وهذا يلي لازم يصير من زمان... وقلت له خبر أخوك يتصرف جان هو ريال... من الحره يلي فيني... وقال له السالفة.... ولكن ما زال مسلسل المشاكل مستمر ... وهي مصرة على غلطها... المشكلة هنيه...إنه هالحركات ما تسويها يوم زوجها موجود....
لأنه يداوم في إمارة ثانية... ومن يوصل ...لو تشوفون بس أسلوبها فرق كبيييييييييييييييير... وزوجي لاحظ هالشيء ... ودوم يقول ...( إن كيدكن عظيم)....
أنا ما هامني شيء بالدنيا غير رضا رب العالمين ورضا ريلي وبعديييييييييييييين رضا أهلي...
أنا ما أقدر أقول لأبوي عن السالفة أبوي روحه مريض... وأخاف عليه... عشان جذيه هي مستغلة الموقف.....
أمي تعييب على حرمة أخوي من تصرفاتها وليش تبات في بيت أهلها إذا أخوي مب بالدولة ومسافر.... ومب شايفة بنتها... وكم بالشهر تبات عندهم بالبيت....
المثل يقول كما تعاب تعيب.... صح وهذا العيب ورد عليهم

صرت شرات الواحد موجود في بحر على قارب صغير ومرت عليه دوامة بحرية وفرت براسه فر... وما قدر يطلع منها... هذا حالي دعيت ربي إنه يساعدني من هالمشاكل يلي طاحت وتطيح براسي كل يوم.... والحمدلله...

وعلى فكرة إختي عمرها إلحين 28 سنة يعني ما بقول يااااااااهل............إلحين وقصتي قلتها لكم ... بالله عليكم شو الحل...

المزيد من آخر المواضيع من نفس القسم:

• بلد الفوارس لاداره العقارات
• النشرة الإخبارية الأسبوعية للمتداولين...
• إذا لم تجرب أساليب جديدة، لن تعرف الأفضل
• أوبك تتوقع زيادة في الطلب على النفط في عام...
• الدولار يواصل ارتفاعه مع بداية العام
• مايكروسوفت تتفوق على آبل لتصبح الشركة الأعلى...
• النشرة الإخبارية الأسبوعية للمتداولين...
• حتى لو كنت على الطريق الصحيح
• مؤشر نيكاي 225 يصل إلى أعلى مستوياته في...
• استمرار انخفاض التضخم في أستراليا، والزوج...

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[انثى بس غير]

الله يعينج ويهدي امج واختج ان شاء الله

سويلها اكبر طااف ,, اهتمي بنفسج وبزوجج وعيالج الله يحفظهم لج ان شاء الله

[bellegirl]

لا حول ولا قوة إلا بالله

اختي الغاليــــة ,, هونيها وتهـــــــون ,, صدقينــــي هونيهــأ وتهـــــون ^_^

اختج مسكينــــــــة الله يعينهــأ على مصابهـــــــا ! جذب وحقد وأنانيـــــــــة ,, الله يهديها ويصلـــح من حالها

صعب ان نحـــــن نغير من الناس ,, بس اذا عندنا ارادة نقدر نغيـــر من أنفســـــنا للأفضل ^_*

ليش تحرقيــــن أعصابج غاليتي ؟؟ !!

يوم اختج تغلط هل انتي السبب ! هل انتي الي تغلطين ! هل اانتي لج خص في الموضــــوع !

لا و100 لا غاليتي ,, هذي مشكلتها وهي الي تقدر تحلها بروحها اذا تبغى

انتي ليش تحطين في بالج وتتعبين نفسيــــأ وصحيــــا !

الوحدة منا تعدل علاقتـــها مع ربنا سبحانـــه وتعالى ,, تكون زينـــة مع ريلهـــأ وتبر أهلهـــأ ( بالصبــــر )

ماعليــــج أهلج يمكــن، شوي متحيزين لاختج الصغيرة لإنهم ببساطة الصغيـرة دوم يشوفونـــها صغيرة وبريئة وماتجذ ..

بس أكيد رب العالمين يمهل ولا يهمـــــــل ! ,, واذا تمت على هذا الحال في يوم من الايــــام بتنفضح والحق بيظهـــر

وانتي لج تحمديـــــن الله سبحانــــه وتعالـــى على الاجر الي قدم لج اياه بين ايديج ,, وتحتسبين أمرج له سبحـــأنه ,, ^_^

ولا تحطين في خاطـــرج ,, زوري أهلج وان قالت أمج شي قوليلها هي عندج حق ( مشي الامور بسلاســـة ) ,, ولا تقصريـــن مع ريلـــج أو أهلـــه

وخلج ايجابيــــــة ,, اختج قللي من احتكاكــأتج معاها ,, وادعيلها غاليتي في جوف الليل ربي يهديها ,, اذا صدق تحبينها هذا أهم شي تقدريــــــن تسوينه ,, وبين فترة وفترة طرشيلها مسج دعوي بطريقـــة’ حلوة ,, عسى الله يهديها ^_^

وربي يعينج على مصابج ويوفقج لكل خير

[لمعة خرز]

الله يهينج بس ما بينتيلنا هي شو تقول عنج...يعني ما فهمت شو مصدر الخلاف لو هو فته لا تسمعيلها وحاولي تتجنبينها وعززي نفس في عين اهل زوجج سيريلهم في اليوم اللي هي تكون هناك علشان ما تقدر تتكلم عنج بسوء او واجهيها قوليلها نحن خوات ولازم اصارحج انا اكتشف ت انج قصيتي علي بالموضوع الفلاني وقوليلها من وين عرفتي انها جذابة وبس والله يصلح حالكم

[راعية الناموس]

المشكلة هي ترمس عند أمي...( أكبر دفاع عن الغلطانيين بالدنيا ) ويوم تصير ما أدري شو تسوي بس تصييييييييييح عند أمي... ووعلى طول إتصال فيني ...ومهاد....من يعرف بهالسالفة لأنه يشوف كل شيء جدام عينه أخوي الصغير بعد أصغر عنها بسنه ..لأنه يوم يزورني يشوف كل شي على أصولها

[غاليه الحمادي]

الله يعينج يالغلا
و الله غضمتيني


حبوبتي
امسكي اختج و كلميها بصوت حازم
لا تسكتين
امسكيها من ايدها و قولي لها انتي جيه و جيه و جيه
و اذا زودتيها بخليج تتأدبين و بخلي ريلج يأدبج

خلها تخاف شوي
ادري بج ما بتسوين هالشي
لكن احيانا الترهيب و التخويف يفيد واااااااايد ..


و روحي عند امج
و كلميها بحزم
و قولي لها يا يمه سنين و انا اسمع كلامكم
و ادري رضاكم علي ّ شي مهم .. لكن مب بالطريقه هذي
مب تضغطون علي انا عشان خاطر اختي
الواحد يتحمل يوم يومين سنه سنتين
بس مب العمر كله ..


كلمي امج و اختج بصراحه
و اختج .. كلميها و قولي لها اذا ما اصطلبتي . ترا بفتن عليج و بقول انج اكبر جذابه عشان الكل يكرهج

ههههههههههه يمه حسيت اني شريره


استغفرالله ياربي
يمكن تكون نصيحتي غلط في غلط
لكن و الله النيه صافيه ..
النيه انه اختج تتعدل .. و تتحمل المسؤوليه و تصير خوش حرمه
لانه سمعتج من سمعه اختج


اهل ريلج ما بيقولون فلانه ( انتي ) شينه !!
بيقولون بنات فلان شينات <------- و ما اتوقع انج تبين السالفه توصل لهالدرجه .. !!


الله يرد لج حقج يالغاليه
و كلميهم و لا تسكتين
و خااااااااااصه اختج كلميها


الله يهديها يارب

[الرزينـــــــه]

الله يكون في عونج حبيبتي وربي يكشف أختج جدام امج وتشوفها على حقيقتها ..
دعاء المظلوم مستجاب حبيبتي .. كثري من الدعاء

[اخت بوحميد]

والله العطيمممممممممممممم انج عورتى قلبي
المشكله انه اختج من بطن واحد
ليشششششششششششش تسوى جي

شوة الهدف من هذا كله

الغلاا اهتمى بيتج وزوجج وعيالج والله يسخرهم لج

[جروح الزمن11]

لا حول ولا قوه الا بالله
الصراحه اختج تصرفاتها وااايد غلط الله يهديها
في وايد ناس شراتها انانييييييييين بطبعهم يحبون بس السعاده والراحه حق نفسهم بغض النضر عن الاخرين حتى لو كانو اقرب الناس لهم
اختي حاولي تكلميها بالعقل وفهميها ان الي تسويه غلط وانه بيي يوم الكل بيكتشفونها على حقيقتها ويعادونها وفي النهايه هي الي بتكون خسرانه، واذا ما نفع وياها أكيد تجاهليها ولاتسمحيلها تخرب حياتج

الله يعينج

["شموخ"]

ربي يفرج همج ويهدي اختج ...

[راعية الناموس]

ردودكن خنقتلي العبرة ودمعت عيوني.... أنا أختي نصحتها لكن مب فااااااااايد فيها النصيحة...تخيلن بس...نحن في بيت واحد ... يوم يمرضوا عيالها تتصل بأهلي عشان يودونها المستشفى.... وهذا كله وريلي بالبيت.... ريلي ما بيقصر وياها .... والله العظيم إنه إنقهر مرة منها...وخاصة يم يه أبوي يشلها من البيت على باله محد ريايل بالبيت.... وعلى طول ريلي تم يحلف لأبوي إنه ما يدري إنه عيالها مرضى....
وشوفوا بس الوقاحة شو عذرها.... جان تقول بويه ريلي وأنا يلي أستحي من ريلها مع إنه أصغر مني... جان تقوله أونك توك ياي من الدوام وما حبيت أغثك.... شوفوا الكذب بوضوح الشمس

[راعية الناموس]

ريلها حسيته واقف وياها... ما أدري بس إحساسي عشان إنها حامل بولد ...الله يتمملها على خير....
وعشان جذيه مب قادر يزعلها....
وعلى فكرة صار لي يومين ما شفت بناتها... حابستنهن بغرفتها... الأكل والشرب يوصل لين غرفتها.... يعني عازله عيالها عن عيالي....
ويوم بيي ريلها بتفرج عنهن....

[جواهر2010]

الله يعينج ويصبرج

[لابتوب احمر]

حبيبتي قريت مشكلتج والله تأثرت فيج

ماعليج منهم خلي ايمانج بالله قوي وتمسكي بريلج اكثر لأنة احس اختج حقودة وتبا تفرقج عن ريلج

بس دايماً حاولي تحقرينها ولا تسويلها سالفة وكل شي مسجل عند رب العالمين

وربي يكتبلج ألي فية الخير حبيبتي

[بنوتة حلوووه]

الله يعينج والله ويصلح حالج

خوااتي ماشاء الله عليهن وفن وكفن

ومثل ماقالن لج عليييج برضا الله وزوجج وأهلج