كيف أخلي أبنائي من المتفوقين فيدوني ؟؟؟؟؟

**أميرة البيت** · 2010-02-27, 00:26

مثل ما قريتوا بالعنوان كيف أقدر أخلي ابني يطلع من الأوائل ...؟

هو بعده بصف ثاني ابتدائي ودرجاااته حلوة بالتسعينات وبالثمانينات

وشيء بالسبعين بس السنة اللي طافت طلع 19

أنا قلت يمكن عشان ربعه

بالصف كلهم شاطرين

عليهم....المهم هو يرد من المدرسة

الساعة 2 ونص نتغدى ويلعب

لين يأذن العصر نصلي مع بعض وعقب

نبدا نحل الواجبات

بس الصراحة مافي وقت أذاكر له كل المواد يعني

أنا أبا أذاكر له كل دروسه اللي خذوها أول بأول بس الوقت ما يسمح

واذا حذفت وقت اللعب ماله

بيمل من المذااااكره وعندي اخته ب kg2

بعد أعلمها من غير اني ارضع يعني أنا روحي ما عندي وقت وااااااايد

يادوب نحل الواجبات وأذاكر الهم اذا عندهم امتحان أو حفظ .....

فبغيت أعرف من خواتي اللي عيالهم من المتفوقين كيف ادرسونهم

كيف تقسمون وقتهم وهل تعلمونهم كل شيء أول بأول مع العلم

هو يدرس (عربي, انجليزي, رياضيات, علوم, تربية وطنية,

تربية اسلامية و قرآن) يعني وايد مواد والوقت ضيق؟؟؟

ساعدوني

المزيد من آخر المواضيع من نفس القسم:

**بنت الطموح** · 2010-02-27, 00:36

إن شاء الله الامهات يفيدونج

**ليمونه الحلوه** · 2010-02-27, 00:42

للرفع

**أم الدواهي** · 2010-03-02, 12:31

الغالية انا بعد عندي نفس مشكلتج بالضبط وأدور لها حل

**:: الخقآقهـ :** · 2010-03-02, 15:33

بعد الغدى خليه يحل الواجبات كلها وعقب خليه يلعب ..

منهآ بتكونين ضامنه انه بيكون نشيط ومستوعب للي بالدرسي عقب ^^ ..

واستغلي وقت لعبه باشياء ثانيه عشان تتفرغين له ..

ومش شرط ادرسينه كل المواد فالوقت نفسه ..

يعني ثلاث كتب وعقب خليه يلعب وانتي كملي اشغالج ..

وارجعيله مره ثانيه ..

بس ما انصحج كل المواد مره وحده ..

وخليه يتعود ويبرمج نفسه انه من يخلص غدى يحل وخليه يعتمد ع نفسه اكثر في موضوع الدراسه ..

**حلوات الاهداب** · 2010-03-03, 02:05

انا شراتج بالضبط
عندي بنت صف أول والولد صف ثاني ورضيع يباله اهتمام
ويوم يكون وقتي فاضي يشردون عني ما يبغون يذاكرون بس من خلال الواجب انتي درسيه لانه هو المهم
الحين قاعده اجرب افكار علشان يحبون الدراسه من خلال اللعب والتلوين والسبوره المهم توصليله المعلومه ..
والاطفال قدرات في منهم ماشاء الله من شرح المعلم فقط وشي منهم يبالج تجتهدين وفي منهم مب مخلين مدرس خصوصي وكلنا نتمنى عيالنا من المتفوقين ونطمح لها الشي ...

**ام شواخي@** · 2010-03-03, 08:20

موووووضوعج وايد حلو وكلنا نتمنا عيالنا من المتفوقين
انا عيالي بالروضه
واحاول وياهم من اللحين باني ااسسهم زين
بس انا من راي انه الولد عقب الغداء يحل واجباته وتعطينه عقب وقت يلعب فيه وعقب انتي شوفي شو عليه من تحضير او مراجعه وابدي وياه

بس صدق الله يعين اللي عندها عيال ادرسهم وياهل يرضع<<<مجربه

**نيلا2** · 2010-03-03, 11:52

للرفع

**أم البطلH** · 2010-03-03, 15:58

أنا ولدي السنه اليايه بيدخل KGانشالله
بس أنا ىمن اللحين خايفه وأحاتيه كيف بيحل واجباته وبيذاكر
وفي نفس الوقت أبيه يكون من المتفوقين

**غايه المنى** · 2010-03-03, 20:45

انا عني عيالي كانو (كان) فعل ماضي
من المتفوقين اللي كان بالاول درجاته كله بالتسعين والثمانين
واللحين هم في الاعدادي حدث ولا حرج
في الستين والسبعين
والله ما ادري كنت ادرسهم وااايد واذاكر لهم واشرح ما ادري والله

صابتهم عين

المهم اللحين اشد عليهم واحاول لعلى و عسى

يردون نفس الاول

واختي المهم ان انحاول في التمهيدي
انشد عليهم واناسسهم عدل

لان عيالي والله الحمد واايد زينين في اللانجليزي
مقارنة بباقي المواد

**زوجة مهندس** · 2010-03-04, 00:16

الله يعينج وان شاء الله ايفيدونج الامهات .

**أميرة البيت** · 2010-03-17, 00:40

للرفع

سبحان الله وبحمده ~~~ سبحان الله العظيم

وشكرا لكل وحدة ردت

**عيالي و بس** · 2014-01-12, 22:17

انا عن نفسي والله اعتمد على خطة الاسبوعية طبعا اول ما يردون ما شي دراسة ساعة او ساعتين يلعبون بعدين نبدأ بالدراسة و بس و الحمدالله عيالي من المتفوقين يعني بالاختصار بدون ضغوطات

**ليندااااا** · 2014-01-12, 23:05

اختي مب مهم ساعات الدراسة كثر طريقتج وأسلوبج معاهم في إعطاء الدرس
يعني اليهال يحبون اللعب ما تحرميه ولو ساعه في اليوم قبل صلاة المغرب
وخلي ينجذب للدراسة عن طريق اللعب بعد مثل اللوان والمعجون و الرسم والقص واللصق
هذا أسلوب التعلم باللعب ما يلمون الأطفال منه ويكون وسيله للتعليم بعد

**مون 55** · 2014-01-13, 11:32

الله المستعان ربي يوفقهم المشكله الوقت ضيق لحل الواجبات واللعب والنوم بدري ومراجعه الدروس .

الموضوع: كيف أخلي أبنائي من المتفوقين فيدوني ؟؟؟؟؟

أدوات الموضوع

عرض