تجربتنا في ترتيب الزواج

**ميمو بوظبي** · 2010-01-19, 17:24

السلام عليكم بناااااات

نحن مرينا في تجربه و مااحب حد ينحط في نفس الموقف او حد يستغلكم مثل ما استغلونا ..

نحن من العين و حبينا انسوي عرس مرتب و حلو و فخم بس للاسف الناس اللي تعاقدنا معاهم استغلونا و غشونا .. عيشونا في حلم ان عرسنا بيكون من الف ليله و ليله بس للاسف طلع كل شي عكس توقعاتنا ..

اول شي تعاقدنا مع مؤسسه بنت الامارات لتنظيم الحفلات و المهرجانات على اساس انها ترتب اعراس الشيوخ و من هالكلام .. رحنا عندها و قالت بخلي عرسكم احلى عرس و بسويلكم شي لا صار و لا استوى .. و الكلام اللي اتفقنا معاها عليه ولا شي منه استوى و دفعنالها عربون و بعد ما كلمناها بفتره قالت لا انتوا مادفعتوا حق هالشي و ردوا زيدوني و يوم كنت بكتب العرابين اللي عطيناها اياهن و حق شو قالت انا ما بأكل حقكم و من تطلعون بطرشلكم العقد على الايميل و لا استوى شي من هالكلام..

و ثاني مكان و كان عن طريقها محل wedding 4 life في الشارجه حق الكوش

سوالنا كوشه ب 70.000 الف درهم والله لو تشوفونها ما بتعطونها انها ب هالسعر 10.000 درهم وايد عليها ..

ما حطلنا ورد ولا شي سوالنا عكس اللي متفقين عليه و انتوا تعرفون قاعه الخبيصي كبيره و يبالها كوشه كبيره .. قال قاعه الخبيصي يبالها كوشه كبيره و عريضه و من هالكلام والله لو تشوفون يوم دخلت القاعه و شفت الكوشه يلست من الصدمه .. صغيره و ما تتشاهد و ما فيها الورد و هاالاشياء اللي قال عنها

نصيحه يا بنات لا تتعاملون معاهم و احذروا منهم .. نحن غلطنا ان ماخذنا عقد عليهم

انا حاطه الموضوع عشان احذركم والله يشهد اني ما جذبت عليكم في شي

المزيد من آخر المواضيع من نفس القسم:

**كااتيا** · 2010-01-19, 17:32

لا حول

قهر والله قهر

فلوس الريال تعبه طول عمره وشقاه

يطير اخر شي ع الفاضي

حسبي الله عليهم

**علوه** · 2010-01-19, 17:37

ايه حتى احنا مرينا بالتجرب صايرين بايخين ووايد يستغلون

**بنت الحبتور** · 2010-01-19, 18:28

الله يعينكم

**bellegirl** · 2010-01-19, 18:47

لا حول

قهر والله قهر

الله يعوضكم

**ثريا النجوم** · 2010-01-19, 19:16

الله يعوض عليكم

**ملاك العيم** · 2010-01-19, 19:43

صدقج اختي صارو يستغلونا وااايد...انا مريت في هالتجربه... انصدمت في الملجه.....والحمدلله كانت ملجه مب عرس.......

**الصمت طبعي** · 2010-01-19, 19:44

لا حوله ولا قوه الا بالله
الله يعوضكم ان شالله

حسبي الله عليهم

**daimon_of_uae** · 2010-01-24, 13:16

انا خلال هذي الفترة كنت ادور محلات كوش

ورحت محل في ابوهيل (( كم بنت مدحت شغله في المنتدى)) وشفت عنده كوشه وقعدت مسؤولة المحل تمدح تنسيقها وانها اترتب عروس شيوخ وVip وووو الخ

المهم طلعت منها على وعد اني برجع لها بعد ما ارتب الفستان

ورحت محل بالشارقة شفت عندهم نفس الكوش بنفس الصور جان اقوله توني شايفة الصور هذي في محل محل في بوهيل

انصدم الريال

وتم يحلف انه هذي الكوشة من تصميمي

حسيت انه اغلب المحلات مقصه

ولا بعد ازيدكم من الشعر بيت

ايقولي انه بعض الفلبينيات مال التصوير او مال القاعات يصورن الكوش في الاعراس بعد ما تتركب ويبيعونها على محلات الكوش

**غرنجية العين** · 2010-01-24, 13:26

الله المستعــــــــــــان ...~

**اخت بوحميد** · 2010-01-24, 13:51

الله المستعاااااااااان

**نزف العيون** · 2010-01-24, 13:58

الله يعيييييييييين
في ذمتهم الغاليه

**مرحباني** · 2010-01-24, 14:43

كووشه بسبعيين خييبه شووه ممزوور بهاا ذهب

الله يعيينكم ويعوضكم خيير

**حبك الم** · 2010-01-24, 15:07

والله القهر

الله اعينكم

**غزيرة الهموم** · 2010-01-24, 23:32

ياربي والله بننسأل عن كل فلس ضيعناه
لو اودعتي ال70الف في الحساب وسويتي كوشه ب10000 وااايد احسن
ولا عالاقل شريتيلج ذهب والماس

يالله الله يعوضكم خير

الموضوع: تجربتنا في ترتيب الزواج

أدوات الموضوع

عرض