الدورة الوزن الحمل

**روح داخل روح2** · 2010-01-15, 15:54

السلام عليكم ورحمة الله وبركاته

شخباركم خواتي

خواتي انا عندي مشكله في الدورة , الدورة ما اتيني شهريا يعني شهر اتيني واربع او خمس شهور ما تيني ابد , وانا وزني 91 هل يساعد على الحمل ولا لا
لان انا سويت رجيم بس وزني ثابت ما ينزل

قولولي شو اسوي وين اروح
انا وايد مهمله نفسي من تزوجة ابد ما دخلت عياده او مستشفى

خبروني وين العياده اوكي للعلاج عن الدورة وعن الحمل

انتظركم خواتي

المزيد من آخر المواضيع من نفس القسم:

**روح داخل روح2** · 2010-01-15, 17:50

وينكم
ما في أحد يبي يساعدني

أبي المساعده منكم خواتي

**ريان الحب** · 2010-01-15, 18:15

والله ما عندي فكرة بس حبيت ارفع لج الموضووع

**حبيته بجنون** · 2010-01-15, 20:35

الغاليه كل شي بيد ربج

لكن وزنج مايساعد لحدوث الحمل وخاصه انتي نفسج قلتي انج مارحتي اي عياده من عرستي!!

وهالشي مب طبيعي وخاصه لو كانت دورتج ماتنزلج بالاشهر!!

بالاول لازم تنظمين دورتج وتخففين وزنج باي طريقه

وتروحين تفحصين لو فيه عندج تكيسات لا سمح الله او اي شي ثاني

انصحج تروحين للدكتوره كامليا بالشارجه بتعطيج برنامج عشان تخففين وزنج وتنظم لج دورتج باذن الله

وربي يرزقج ويرزقنا اجمعين ياااارب

**ترانيم الغلا** · 2010-01-15, 20:42

الغاليه يمكن عندج خلل فالهرمونات ..

مفروض تراجعين حد مختص فهالشي ..
وتاخذين حبوب تنظم الهرمونات عندج عشان الدوره تيج كل شهر ..

أما بخصوص الحمل ماعندي فكره ..

ربـــي يرزقج بالذريه الصالحه ..

**احتاجك..** · 2010-01-15, 22:06

حبوبة حاولي تضعفين وراجعي دكتورة نسائية والله يرزقج الذرية الصالحة

**روح داخل روح2** · 2010-01-16, 21:21

استغفر الله

**عذوج** · 2010-01-16, 23:37

حبيبتي لاتحاتين .. أنا أختي متينة ووزنها كله بالتسعينات .. ياآخرهن أو في النص .. وتحمل وتربي عادي وعندها ماشاالله 6 عيال .. ماعليج كله بيد رب العالمين . بس سوي اللي قاللج عليه البنات .. مع التوكل على الله رب العالمين .

**بدر0البدور** · 2010-01-17, 00:01

حبوبة حاولي تضعفين وراجعي دكتورة نسائية والله يرزقج الذرية الصالحة

**galaxsy** · 2010-01-17, 00:14

هلا حبيبتي .. الغاليه مثل ما قالن الخوات إلي قبلي أول شيئ لازم تسوين أستراتيجيه لعمرج
أول خطوة لازم تسوينها تضعفين بالرياضه والبرنامج الغذائي الصحه
وثاني خطوة لازم تروحين عند دكتورة نسائيه وتشوفج يمكن في خلل في الهرمونات أو تكيس على المبايض أو شوية إلتهابات إذا كانت تنزلج إفرازات أو تحسين بحكة وبعدين بتلقين الدوره بروحها بتنزل وبإنتظام بس أنتي حطي الإيمان بقلبج وذكري ربج دايما وعن تجربه يا أختي الغاليه الإستغفار ثم الإستغفار ثم الإستغفاروبيرزقج الله بكل إلي تتمنينه وأن الله كريم ويرزق من يشاء بغير حساب ..
الغاليه بغيت أخبرج أنا قبلج كملت 5 سنين ما حملت ونفسيتي تعبانه مع أني ما كنت متينه وايد كان وزني 76 وكانت الدورة منتظمه والله الحمد والشكر شهريا بس كنت أكل حلويات بالهبل أموت في الشوكلاته وما خليت عياده عندنا ما رحتلها وما في فايده حتى تخيلي رحت أتوام وسويت تلقيح صناعي وما صار حمل كنت بعدها وااايد نفسيتيه تعبانه .. وبعدها سافرنا وكملنا في الخارج 4 شهور وفي خلال هالفتره قالي ريلي خلينا أنتابع عند دكتوره نسائيه ورحت عند بروفيسورة هنديه ..
وأول ما شافتني وشافت عمري كان عمري 19 سنه من سنتين هالكلام قعدت تهد عليه تقولي كريزي أنتي مخليه عمرج جذي وتسبني هالدكتوره ..خخخخخخخخخ
وقالتلي مستحيل أعطيج علاج الحين أبد لين تضعفين وطبعا ريلي يسمع كلامها ومعصب ويزيد النار حطب وقالها دكتورة بخبرج عن هذي المستهتره تاكل حلويات بالهبل شوفيلي صرفه وياه .... هني كانت نقطة التحول يوم قالها ريلي عن الحلويات .... قالت تعرفين أن السبب الرئيس في الحرمه إذا كانت ما فيها شيئ ولا مرض شو يأخر الحمل ؟؟؟؟؟؟؟؟؟
تخيلي قالتلي الوزن الزايد وأكل الشوكلاته تخيلي .. وقالت لازم انسوي زراعه حج الدم ومدة الزراعه هذي بتاخذ أسبوعين عشان أنشوف إذا أنتي فيج السكر ولا لا ... وخلال هذي الفتره لازم تقطعين الحلويات وتمشين وبكتبلج على فيتامينات فوليك أسيد وحبوب تنظم معدل الأنسولين في الدم .. وبعد أسبوعين فحصت والحمد الله ما فيه سكر .. وقالت وقفي الحبوب مال السكر وكملي على الفيتامينات .. بعد شهر الدورة تأخرت قالت مستحيل أكيد متوتره ولا شيئ .. قعدت أتريا ما فيه أي شيئ .. ورحت عند الدكتورة وفحصت وطلعت حاااااااااااااااااامل والوناسه والحاله الله والصايح ما تتصورين الحمد الله يارب وكنت واااايد أستغفر هاذاك الشهر طول الوقت إستغفار ... والحمد الله الله رزقني بأغلى شيئ في الدنيا وأنا أحس بمعاناة تأخر الحمل لأني جربتها ... مع أني بس أكلت حبوب تنظيم السكر لمدة أسبوعين ووقفت السكريات والحلويات وتميت كله أمشي والحمد الله .. شوفي كيف يوم الله يبا يرزقج مسويه تلقيح صناعي ولا فاد وبشوية حبوب حملت اللهم لك الحمد والشكر.. وعلى فكره ترا ما نزلت من وزني واااايد من 76 إلي 70 بس 6 كيلو والله عطاني ويبت ولد وبعدها حاولت أنزل وزني ونزلت 10 كيلو وحملت بثاني وأنا في السابع الحين ...
وانت متينه مستحيل تحملين حاولي تضغطين على عمرج ونصيحه لازم تروحين عند دكتوره نسائيه لاززززززم ولا تهملين عمرج ....
والله يرزقج ويرزق جميع الأمهات المسلمات بالذريه الصالحه يالله يارب
وسمحيلي طولت عليج ..

**بنوته18** · 2010-01-17, 00:26

الله يرزقج بذريه الصالحه ان شاء الله

**روح داخل روح2** · 2010-01-17, 00:59

مشكوورات خواتي

الموضوع: الدورة الوزن الحمل

أدوات الموضوع

عرض

الدورة الوزن الحمل

المزيد من آخر المواضيع من نفس القسم:

المواضيع المتشابهه

الدورة او الحمل ؟

الحمل بعد الدورة

الوزن و الحمل

استفسار عن الوزن ايام الدورة

كل مشكلة لها حل من الام الدورة الى مشاكل الولادة الى زيادة الوزن