فقط بنات ابوظبي بخصوص السوفت لايت والليزر

[بلوسكاي]

مرحبااااا بنااااات

ارحموووووونااااااا
والله دخت وراسي لف واحترت من كتر ماقرأت وكل شوي اقرأ شي جديد

هلا انا عندي كم سؤال وبدي الجواب مابدي تجارب الله يخليكم والله تعبنا وحدة تمدح ووحدة تذم

هلا انا عندي الشنب ووجهي الشعر جداً خفيييييف بس حابة اسويه عشان جاي عبالي اغير شوي
فعرفت إنه الليزر مابيناسبني، سمعت بالسوفت لايت

اعملت سيرش ولف راسي واتصلت هون بعيادة كايا ابوظبي طلع ماعندهم السوفت لايت
عندهم إندياج ليزر، خلصنا منهم اتصلت بالقوام الرشيق طلع عندهم سوفت لايت قال بس الفرق بينه وبين الليزر إنه أقل بس نفس الطريقة بتحلق بالشفرة طبعاً هالشي مرفوض عندي الحلق

اتصلت على كوزموسيرج طلع عندهم بس غالي الوجه ب 700 الجلسة بصراحة مابعرف إذا غالي ولا لأ لانه هاي أول مرة أجرب

وأخيراً اتصلت على عيادة الدكتور احمد أبو شريعة قالتلي إنهم بيستخدمو ال IPL، هون ارجعنا للحيرة
شو هاد ال IPL؟ وشو بيفرق عن السوفت لايت؟؟؟؟ وشو كمان الميد لايت؟؟؟؟

وبالنسبة لمركز الليزر الطبي بتصل عليهم بس عم يطلب مني آخذ موعد بس أنا بدي أسال أول
فياريت اللي جربتهم تخبرني شو الوضع

هاي حالتي من يومين من وقت ماضرب براسي موضوع الليزر والسوفت لايت

طيب المطلوب عزيزاتيييييييي:
وين الأماكن المضمونة اللي بتعمل سوفت لايت فقط في أبوظبي لانه مابقدر أروح دبي
وكيف طريقة عمل السوفت لايت و ال IPL
وشو احسن لحالات الوبر الخفيف في الوجه لانه الشنب بس اشيله بالخيط بتحسس وبيطلع حبوب صغيرة

كمان اتذكرت شغلة بسيطة ونفسي اعرف الحل بالنسبة للهالات السوداء في إلها حل غير الكريمات
لانه قرأت مركز الأمير الطبي هون في المنتدى عندهم جهاز بس حبيت أعرف حد جربه؟ وإذا مجرب شو رايكم فيه جاب نتيجة؟؟؟

بلييييييز ردو، بعرف انحكى كتير في الموضوع والطاسة بتضيع مع كل وحدة بدها تدخل مجال الليزر بس معلش اتحملونا شوي

سامحوني عالإطالة وياريت تفيدو بنات أبوظبي لانه ملاحظة إنه عنا عجز في هاي المواضيع هون بلاحظ بنات دبي عندهم مجال اوسع

يلا رح اتركم للردود
الله يعطيكم العافية

تحياتي

المزيد من آخر المواضيع من نفس القسم:

• سكراب الشوفان وعصير الليمون لتقشير البشرة في...
• طريقة استخدام زيت شجرة الشاي لعلاج الهالات...
• طريقة عمل مرطب شفايف طبيعي بالجريب فروت حصري
• سكراب القهوه للقدمين واهم فوائده حصري
• تعرفي على ابرز فوائد زيت الورد السحرية...
• سكراب الروزماري الفعال لتقشير القدمين في...
• طريقة عمل مقشر شفايف طبيعي بأربع مكونات فقط...
• افضل فيتامينات لصحة وجمال البشرة حصري
• سكراب القرفة وزيت جوز الهند لتقشير الشفايف...
• خلطات سحرية لتبييض الابطين والمنطقة الحساسة