المدارس الحكوميه =======والدوام الطويل

[bntoboha]

والله كلامج صح 100 بالميه يعني اذكر كانت بنتي فمدرسة الشارقه النموذجيه ها الكلام اول ما فتحت المدرسه مب الحين كان دوامهم طويل بس عندهم فسحة للغدا ومطعم ويخلون كتبهم فالمدرسه ويحلون واجباتهم فالمدرسه وكانو يردون 4 بس متغدين ومخلصين الواجبات وعندهم انشطه وسباحه وبعد كانت بنتي تغمضني اقول حرام دوامها طويل وايد مع انها ترد مستانسه ما اذاكر تلعب بس سنه ونقلتها خاص غمضتني لكن المدراس الحكوميه الحين والتاخير اللي عالفاضي والياهل يرد يتغدا العصر ويذاكر الين فليل والله حرام مفروض يرجع الدوام مثل قبل حصص مختصره ومعلومات بسيطه تثبت فالمخ احسن من والياهل مرتاح ويروح من وقت مب يروح كاره المدرسه وبعدين الطفل يمل بسرعه ما يتحمل الدوام الطويل وجونا مب جو دوام الين العصر حرام منو يتحمل يروح القايله فها الحر والباصات مكيفاتها تعبانه رجعو الدوام مثل ماكان ابرك

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[رندووه]

اصلا هالقرار مادري منووو فكر فيه .. بس يبون يقلدون الغرب بأي طريقة !!! انزين حلوة الفكرة بس ما تنفع حقنا احنا ..

اولا الغرب ماعندهم حياة اجتماعية شراتنا احنا العرب ..
هم حياتهم شغل شغل شغل الريال من صوب و الحرمة من صوب .... اوكيه حلوو و فوق ها في ديننا الشغل عبادة

بس الشغل له حدود ..
تعرفون شو تأثير الدوام الطويل ع المدرسة ؟؟

ترد البيت ع الساعة 4 خصة مدرسات الثانوية .. تعبانة هلكااانة .. وين لها وقت حق عيالها و ريلها و اهلها .. واذا ما يلست وياهم ينقدون عليها خصة اهل الريل اذا ما كانو متفهمين .. متى بتجابلهم .. !!!
ولاتنسون الاوراق و الامتحانات و البلاوي وياها لي البيت !!!

الاجنبية مب ملزومة ببيت ولا ريل .. عادي يتفقون و كل الامور طيبة .. لا ام البنت تتدخل ولا ام الريال تنقد

حيااتهم غيييير عنا ..

و الطالبة ..
والله يغمضوني .. 7 حصص و كل حصة 50 دقيقة .. و فسحتين .. وحدة 30 دقيقة تقريبا و الثانية 10 دقايق
بالله عليهم في هالـ 30 دقيقة 500 طالبة بيشترن و بياكلن عدل شرات العالم و الناس ؟؟؟

وترد الطالبة الساعة 4 و بعضهن يتأخرن اكثر .. هاي بالله وين بتحصل وقت تتغدى و ترقد و تحضر و تحل واجبات كذا مادةّ؟؟
مهما كان لازم ما ينسون انه هالطلاب بعدهم صغار .. لهم حق يمارسون هواياتهم يريحون ييلسون ويا اهلهم ..
اصلا الطالب يرد تعبان و هلكان و لايع جبده من الكتب و الدراسة !!!


واذا مطولين الدوام لين الساعة 3 اسوة بالجامعات و الكليات و العذر نبا نعود الطلاب ع الدوام .. ها عذر اقبح من ذنب ..

في الكلية اقل شي بريكين في اليوم .. و البريك الواحد ساعة كاملة (ماعرف كل الجامعات و الكليات .. بس التقنيات جيه)

والكلاس الواحد 55 دقيقة .. وماعتقد ياخذون اكثر من 6 كلاسات في اليوم !!!

و الاهل ..
ما يرقدون ولا يريحون لين عيالهم يردون .. عشان يأكلونهم و يطمنون عليهم ( اقصد الاهل الطبيعين مب الشواذ عن القاعدة اللي يعتمدون ع الخدم)



انا مب مدرسة .. ولا طالبة .. ولا أم .. هههه بطالية

بس اشوفهم يعانون ..

اشوف بنت اخويه الصغيرة اللي عمرها 8 سنين ترد من المدرسة ركض ع المطبخ قبل لا تبدل ميتة يووع .. نضحك عليها و نيلس نعلق .. بس صدق تعور قلبي .. هذي ياهل في النهاية ما تتحمل ..

بنت اخويه الثانية .. حليلها مرة تمت تصيح في الباص من التعب و رقدت !!!

البنات اللي اكبر شوي في الاعدادية .. يردن الساعة 3ونص .. ولين يبدلون و يتسبحون استوت الساعة 4ونص و ييلسون يتغدون !!! و تعبانات من الدوام .. بداية الاسبوع فيهم نشاط بس عقب يومين ثلاث احسهن تعبانات هلكانات مالهن بارض لشي !!!

ماقول غير الله يعين الطلاب و المدرسين و الاهالي ..

هههه طلعت اللي بخاطري شوي

[الشوق اليتيم]

الله يعين

[أم عنووودي]

الله لابارك فيهم إن شاء الله مايخافون من الله الدوام وايد طويل واليهال مساكين مب قادرين وشو عاد هاالمنهج إللي يبون يخلصونه أصلاً الياهل ماتقدر تضغط عليه أكثر من جذه حرام خافوا الله فيهم السالفة سالفة تفكك أسري وبس هذي سياستهم مب مصلحة اليهال كله جذب بس شو يسون الأجانب نحنا بنسوي مثلهم بدون شور ولاتفكير ولادراسة زينه للموضوع مثل الخبايل صدق قهر عيل الياهل يوصل العصر هذا متى بيتغدى متى بيرقد شوي ومتى بيذاكر وبيكتب واجباته صدق قرار ظالم بحقهم والله بياخذ لهم الحق إن شاءالله

[أم الفيصل]

كلامج صح مية بالمية

[حوردبي]

فديتهم الله يعينهم ..

[هند سلطان]

للرفع

[لعبه الايام]

والله انه تعب وقهههههر ..

يعني قبل والله انه اريح ..

الحين خلاص ماقدر اتحمل .. على طول يعورني راسي .. وماستوعب شيئ ..

ومراات ماقدر اشوف من كثر مايعورني راسي

هذا تعويضا عن رمضان .. انزين لو ياخذون شهر زياده من الصيف .. نحن ماعندنا مشكله

بس منو يسمعناااااا !!!!

[حورية الجنة]

أ ع ا ن ك م

الله

.
.
.
.
.

[bntoboha]

رجعوا الدوام مثل ماكان عقب ها التجربه الفاشله اليهال مساكين يرقدون من التعب فالباص وايتمون الين العصر بدون غذا وكفايه قرارات بايخه التعليم فكل دول الخليج مثل ماهو الا عندنا كل يوم طلعولنا بشي يديد تبون تطوررررون المناهج مثلا اخذو كتب الللغه الانجليزيه من الشويفات وعممموها على الكل اما انه الدوام يطول الياهل يمل الطفل ما يستحمل الدوام الطويل وعلى جله فايده

[بنت حوااء]

والله تعب وارهااق وماشي وقت للمذاكره والمراااجعه

اصلن ماشي فاايدة من هذااا كله


حتى الامتحانات ماندرس كل الدروس

والله ظالمينا ع الاقل يزيدون كل حصه 5 دقااايق وبس

الله يعينااا

[ro7 uae]

السلام عليكم
اختي انا اقولج اذا انتو تشتكون عشان هم ايأخرون عيالكم ليش ما دخلونهم مدارس خاصة

[يمنات]

السموحه



يمنع رفع المواضيع القديمه