آلام أسفل الظهر..ساعدوني

**umkhalifah 7** · 2009-10-26, 21:52

بنوتات حبايبي أنا عندي ريلي يشتكي بآلام في آخر ظهره دوووم ساعات توصل وياه انه مايقدر يمشي فترة وياخذ وقت الين مايرد يقوم ويبدأ يتحرك ببطء وعقب يرد طبيعي بس بعده يكون الالم مستمر جربنا كذا دكتور للعظام وللاعصاب بس ماشي فايده ...بنات بليز اذا وحده تعرف دكتور زين حق هالامور في بوظبي ياللليت لو اتدلني عليه بليز واكون شاااكرة لكم وداعية لكم

اللهم اشفي لي زوجي يااارب

المزيد من آخر المواضيع من نفس القسم:

**شـــواخي** · 2009-10-26, 21:59

مايشوف شر

بس يمكن عنده انزلاق غضروفي وهالانزلاق يأثر على الاعصاب اللي تمتتد للرييل والايد وتسبب آلام فضيعه

انا اعاني من هالمشكله وقالولي لازم علاج طبيعي ..ااستخدم بروفين وقت الالم والحمدلله على كل حال

انا سمعت انه في تايلند يسون لها عمليه بسيطه مثل المنظار يدخلونه من الكتف كيف يسوونها مااعرف الصراحه

**فطمطم** · 2009-10-27, 00:23

الغاليه انا عندي انزلاق غضروفي والالم الي في الظهر وفي الريل
انا متاكده انه ريلج عنده انزلاق غضروفي خله يسووي اشعه او ام ار اي وبيبين واذا طلع فيه هالشي خله يبدا بالعلاج الطبيعي واذا وايد وضعه مدهور بيسون له عمليه مثل ما انا سووويت

**umkhalifah 7** · 2009-10-27, 17:21

شكرا لج شواخي

شكرا لج فطمطم

بالفعل هو سوا صورة ام ار اي وقالوله انزلاق وسوا كم مرة علاج طبيعي بس ماشي فاااااااايده يتحسن فترة العلاج وعقب يرد نفس قبل او حتى يوم يشل شي ثقيل بسرررعه يرد له كانه اول يوم

**أم النامي** · 2009-10-27, 19:01

ممكن بعد يكون نقص فيتامين د
خله يسوي فحص ويجيك على نسبه فيتامين د
أسأل الله العظيم رب العرش العظيم أن يشفي جميع المسلمين

**اسيره الليل** · 2009-10-27, 20:48

الله يشفيه ان شاء الله

**الحوووور747** · 2009-10-27, 22:09

اختي افضل مكان لعلاج العمود الفقري عندكم فبوظبي مركز كي كي تي للعمود الفقري عند الدكتور عمر العامري مركز عالمي الاول فالشرق الاوسط ويعالجون بالموجات الصوتيه علاج متطور وافضل فالف مره من العلاج الطبيعي والعمليات اسالي مجرب لفيت كل مكان عالفاضي وبعدين نصحوني بها المركز الشي الثاني اختي اللي عنده مشاكل فالظهر ممنووووووع يشل اي شي فوق الخمسه كيلو على طول العمر حتى عقب العلاج ممنوع عشان ما يخترب العلاج اتخيلي انا ماكنت اعرف وكنت اشل النونوه وها الشي اثر عالاعصاب عندي فلا تخلينه يوخي ولا يشل اي شي واخذي موعد قوليلهم ابا الموعد ارجنت لانه مواعيدهم زحمه وايد والله يشفي ريلج

**umkhalifah 7** · 2009-11-09, 20:22

مشكورة أختي الحوووور 747

اتصلت عليهم وخذيت موعد بس أسعاااارهم نااااااااااااااااااار و واااايد مباااااالغ فيهاا ان شاء الله نلقى نتيجة يارب

**دمعهـ حزنـ** · 2009-11-10, 01:23

عسا الله يشفي ريلج ياااارب و يخليه ذخر لج ولعيالج...اللهم اميين

**المياسه 2** · 2009-11-10, 19:29

اعراضه شرات الديسك
الله يعافيه
ما عندي فكره عن اطباء بوظبي
مفروض يسوي اشعه الرنين المغناطيسي
عشان يعرفون عوقه

**بثـينه** · 2009-11-10, 20:58

الله يعافيه يا رب ..

انا من أجهضت صابتني نفس الأعراض و بسير ان شاء الله بسوي مساج تايلندي وان شاء الله يفيد ^^
واذا ما فاد يعني ما لنا غير المستشفيات اللي تعل القلب ^^

**فطمطم** · 2009-11-12, 22:28

الله المستعان من الديسك والله المه فضيع لا يطااااااااااق

**umkhalifah 7** · 2009-11-16, 16:50

الله يشفي كل مريض

**bntoboha** · 2009-11-17, 21:16

الغاليه في دكتور شيشاني عندكم فبوظبي وايد زين حتى الشيوخ يتعالجون عنده يرد الديسك فاليد بدون ادويه بس مساج معين زوج اربيعتي اتعالج شهر وشفا ماشاللله عقب معاناه عشر اسنين الله يشفي ريلج ويعافيه خله يتوكل على الله ويسبر عنده وشربيه حلبه وحبة الحمرا وملوخيه وخليه ياكل اناناس وباميا وشوفان وتلبينه وكرافس وساقو كل الاكلات اللي فيها لزوجه تصلح الغضاريف ها اللي نصحوني فيه لاني عندي نفس المشكله واذا حصلتي علاج خبريني

**منى المدفع** · 2009-11-17, 21:22

انا بمووووت من عوار ظهري
لو في دكتور شاطر ف الشارجه خبروني

الموضوع: آلام أسفل الظهر..ساعدوني

أدوات الموضوع

عرض

آلام أسفل الظهر..ساعدوني

المزيد من آخر المواضيع من نفس القسم:

المواضيع المتشابهه

آلام أسفل البطن

الله يخليكم ساعدوني ......... آلام في اسفل الظهر

آلام أسفل البطن

آلام أسفل البطن ...........؟

آلام أسفل الظهر ...أرجو الإفادة !