عشبه او دواء ينزل الجنين الميت

**رفيعة الشأن** · 2009-09-16, 23:16

قدر الله وما شاء فعل

الجنين طلع متوقف نموه ل8 اسابيع وانا الحين في الاسبوع التاسع وما اقدر اتريا شهر بعد واسوى عملية التنظيف....ابا شئ ينزل الدم بسرعه.

المزيد من آخر المواضيع من نفس القسم:

**هوى الروح** · 2009-09-16, 23:36

اشربي حبة الحمرا

و جرفه او زعتر او زنجبيل

او مراميه مع جرفه

و ان شاء الله الله يعوضج ^_^

**Looooonely** · 2009-09-16, 23:37

شربي حريروة..
بسرعة بينزل..
الله يعوضني واياج جريب بحمل سليم وثابت ياااا رب..

**roro82** · 2009-09-17, 07:19

أنا حالتي كانت مثل حالتج من اسبوع عملت التنظيف ... والله تعبت نفسيا من هالحالة كنت كل ما اروح الدكتورة ما ترضى تعطيني ادوية او ابر اتقول احسن ينزل لحاله !! تميت 10 ايام امشي و اشرب جرفة و ميرامية حتى حصل نزيف بس ما نزل لحالو الا بعملية التنظيف .. الله ايعوضك خير يا رب و انتبهي لعمرك *يالغلا

**ذكريات العمر** · 2009-09-17, 07:40

الله يعافيج يارب وما تشوفين شر

والافضل اختي انه يكون باشراف الدكتورة علشان ما يكون فيه مضاعفات لا سمح الله

**أحبه الغالي** · 2009-09-17, 08:03

ماعندي فكره إذا شربتي جرفه وحبه حمرا بينظفج عدل لأن دايما كانو يسولي عمليه تنظيف عشان مايصير التهابات لأني كانت تيني حراره وأحسن مثل سكاكين تقطع في بطني وماكان ينزل بروحه لان جزء من المشيمه كان بعده فالرحم وكنت مطيحه تقريبا فالاسبوع السابع

الله يرحمنا برحمته ويعوض عليج وعلينا يارب بالحمل الثابت السليم

**رآحت أيامك ,** · 2009-09-17, 10:15

انتي سمعتي النبض فديتج ؟؟

الله يعينج يارب العالمين وان شاء الله البنات يفيدنج سمعت الحبه الحمرا زينه ,, والقرفه اهم شي

**ليل الامارات** · 2009-09-17, 11:14

هلا الغالية أنا كنت بعد نفس حالتج بس كنت فالأسبوع 12 يوم طاح ونموه
متوقف من الأسبوع8 بعد ماتأكدت أنه مافيه نبض شربت زيت خروع لمدة 3 أيام ملعقة الصبح وملعقة قبل ما أنام
وسبحان الله فرابع يوم العصر بدت التقلصات مع خيوط دم وشوي شوي نزل عندي كيس الحمل الحمدلله عالفير أنا
ما يربت الربى بس صدق مثل ما أسمع عنه كانت التقلصات تروح وترد مت مت بس أكيد فالولادة أصعب الله يعين
الحوامل

انزين ويوم رحت المستشفى قالولي الجنين نزل كله الحمدلله والرحم نظييف مايحتاي عملية تنظيف

الله يعوظج الغالية مثل مل عوظنا ودعواتج

**اسعد تعيسه** · 2009-09-17, 13:52

ماعليه اختي هو بروحه بنزل

انا كنت مثلج

بس كنت كله امشي امشي اهلك عمري لين نزل دم
رحت سوالي عمليه تنظيف لا تحاتين

الموضوع: عشبه او دواء ينزل الجنين الميت

أدوات الموضوع

عرض

عشبه او دواء ينزل الجنين الميت

المزيد من آخر المواضيع من نفس القسم:

المواضيع المتشابهه

متى ينزل راس الجنين

متى ينزل راس الجنين

بيتا دين ينزل الجنين؟؟

كيف ينزل الجنين.....

بنات متى ينزل راس الجنين ؟؟