مستشفى City Hospital أو Medcare

[ســــارة]

السلام عليكم ،،،
الله يخليكم لا تهملون موضوعي ،،، اللي عندها معلومات تخبرني والله يجزيها كل خير ...

في وحدة مجربة الدكاترة في City Hospital اللي مدينة دبي الطبية ؟؟؟ ولا مجربة الولادة عندهم ؟؟؟
على ما أعتقد إن إدارته هيه نفسها إدارة ويلكير....

آنا ألحين في بداية الثامن وأراجع في ميدكير عند لوثرا ،، حاسة إنها زينة وكم وحدة من معارفي مدحوها ،،،، في وحدة مجربتها جريب وتقدر تقول لي هيه أوكي في الولادة ولا لا؟؟؟؟


شكرا

المزيد من آخر المواضيع من نفس القسم:

• روتين العناية بالبشرة بعد الولادة
• افضل خضروات مفيده للحامل
• اسباب تغير لون البول اثناء الحمل
• كل ما تحتاجين لمعرفته عن اكتئاب بعد الولادة
• افضل طرق علاج حرقة المعدة اثناء الحمل
• اسباب وطرق علاج الامساك اثناء الحمل
• ابرز اعراض الحمل في اول اسبوع
• افضل طرق علاج غثيان الصباح اثناء الحمل
• اهم اعراض نقص الحديد اثناء الحمل وافضل طرق...
• تقرير شامل عن ارتفاع ضغط الدم اثناء الحمل

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[nono23]

هلااا حبوبه واناا بعد اراجع عند دكتوره شيفا في ميدكير وهاي اول مره وان شا الله اللي عندهم خبره يساعدونج

[زم_قمر_ان]

للرفع

[nono23]

uuuuuuuuuuuuppppp

[أسـومـهـ]

,
,

يمدحون لوثرا ... والمستشفيين يمدحونهم ... بس انا اشوف تروحين اللي اقربلج هههههه

انا مثلن اراجع عند دكتوره من برا بس بتولدني في ولكير ^^ ويمكن الفتره اللي بربي فيها ماتكون موجوده .. عسب جيه كنت محتاره بين ولكير وو المدينة ... بس ولكير اقربلي ههههه

[ســــارة]

nono23

مشكورة على الرد ،،، والدكتورة شيفا سمعت عنها إنها زينة بس ما جربتها ....
الله يقومنا بالسلامة إن شاء الله...



أسومهــ
الصراحة تفكيري يشبه تفكيرج ،،، ميدكير عندنا في الفريج عشان جذي من أول فكرت أروح لهم ،،، ولوثرا كل حد مدحها لي عشان جذي تشجعت ،، بس في الفترة الأخيرة زوجي راح مرة مستشفى المدينة وللحين يقول لي ليش ما تجربينهم ،، بس أخاف أغير وأتوهق بعمري وقت الولادة ....
والله يقومنا بالسلامة إن شاء الله...


الغلــــــا
مشكورة على الدعوة الحلوة ،،، بس أظن إنه الكل هني أول مرة يحملون عشان جذي يفكرون وااااايد ويحاتون المستشفى والدكاترة وحتى النيرسات ...

[الملكي]

انا جربت د.شيفا في اول ولاده وكانت وااااايد زينه ودومها تبتسم ف ويهج ومتفائلة

وان شالله اتولدني المرة هاذي بعد

والمشكلة الوحيدة ان جدولها مزدحم لازم تشوفينها بموعد مو نفس قبل باي وقت تطلبينها

والله يسهل على الجميع

[آهات الورد]

وأنا ابا اعرف منو جرب هالمستشفيين

لأنه يمكن اربي في واحد منهم..وكل مستشفى منو دكاتره اوكيه عندهم..

حبوبه بغيت اتخبر انتي تبين اتربين في مستشفى المدينه واللي تولدج دكتوره لوثرا من برع..؟؟

ولا بتربين عند وحدة من دكاترة مستشفى المدينة..؟؟

[custard]

للرفع

يا ريت اللي ربت في ميد كير أو المدينه تخبرنا عن تجربتها

[ســــارة]

السلام عليكم ،،،

إختي الملكي ،، كل الدكاترة في ميدكير لاحظت عليهم زحمة ،، بس آنا فتحت ملفي عندهم من أول الرابع وأراجع عندم دايما...
والله يسهل على الجميع

آهات الورد و custard

آنا ما جربت الولادة شخصيا لكن 3 من ربيعاتي جربو ميدكير ويمدحونه ،، كل وحدة عند دكتورة غير بس آنا عجبتني لوثرا ،، ووحدة من معارفنا ولدت عندها من شهر و تمدحها هي والمستشفى واايد ...
والصراحة ما أعرف إذا هي تولد خارج المستشفى لأني أراجع عندها في ميدكير وآخر مرة إتفقت معاها إني بولد عندها في نفس المستشفى ...
أما مستشفى المدينة الصراحة ما أعرف عنه شي غير إنه يديد وقلت بسأل عنه في المنتدى يمكن حد جربه ...



والله يسهل على الجميع إن شـــاء الله

[baby red]

انا جربت لوثرا وايد عصبية وما تعطي فرصة تسالين عن اي شي

[custard]

للررفع

جزاك الله خير ساره

زحمه؟ ما سوينا شي,,

[custard]

للرفع

[custard]

شو معناته هالكللام؟

[ســــارة]

صباح الخيـــر،،،

baby red

لوثرا أسلوبها مثل الأجانب اللي أشتغل وياهم في الدوام ،، يمكن عشان جذي أعرف أتعامل وياها ...
يعني تقدرين تسألين حتى لو هي محرجة لأنها تعرف إن وظيفتها تجاوب على أسألتج ،، وما تقدر تقول أي شي ..
بس والله ما أدري ، لأني دايما أسألها و تجاوب و ما جد شفتها عصبية ،، الله يعين لا تعصب علي في الولادة !!
مشكورة ...


custard

إختي إنتي بعدج في الشهور الأولى يعني يمديج تلاقين اللي تبينه ،،، يعني خذي موعد عند كم دكتورة وجوفي اللي يريحج ... آنا عن نفسي سويت هذا الشي لين الخامس بعدين إخترت وحدة وظليت أراجع عندها ،،، أمي تقول ما يصير جذي بس قلت أجوف بنفسي أحسن ...
وإذا كان زحمة عند أي دكتورة تبينها بعد يمديج حتى تآخذين موعد حتى لو بعد شهر ،، عندج وقت ..
آنا ألحين واصلة الثامن وما أظن إنه بيصير لي أغير حتى لو بغيت ،، إلا إذا آخذ ملفي كامل وأروح لدكتورة ثانية من ألحين ...

والصراحة اللي مخلني أفكر أغير هو زوجي اللي يمدح مستشفى المدينة مع إنه ما يعرف عن قسم الحمل والولادة أي شي بس يقول المستشفى شكله زين ،، وعمتي اللي تقول إنه الغرف في ميدكير صغار ولازم نآخذ سويت vip والصراحة السويت عندهم غالي وما عندي إستعداد أكلف على زوجي هالكثر وإحنا ورانا إلتزامات أهم بوايد ...

والله يسهل على الجميع إن شاء الله...