ليلة الحناء ..

**Reem 23** · 2009-08-08, 00:45

السلام عليكم
مرحبا خواتي .. انا عرسي على شهر 10 ان شاء الله بس اصرو امي وخواتي اني لازم اسوي ليله حناء

المشكله ما قد حضرت حناء عشان اعرف شو اللي يصير او شو تلبس العروس اللي اعرفه انها تلبس اخضر و تغطي ويهها وتلبس الذهب ؟! ... بليز اللي تقدر تفيدني بشئ عن هالليله او تروينا صور عن ليله الحناء او ثوب العروس بتسوي خير فيني
وبالتوفيق للجميع

المزيد من آخر المواضيع من نفس القسم:

**UAQ_LADY** · 2009-08-08, 00:56

نحن ماعدنا ليلة حنا,,اصلا العرب مايسون

اتمنى يفيدونج البنات

**Reem 23** · 2009-08-08, 01:22

العرب ما يسون ؟؟؟

وت يو مين ؟!
على العموم مشكوره على المرور

**النقاشة** · 2009-08-08, 01:33

حبوبة في وحده اعرفها ،،، اتأجر ملابس لليلة الحنا
الثوب+الجلابية اللي داخل،، مع الذهب كاااااامل (محزم ،طاسة،كف،مرتعشة،و غيييره.....)
و اذا بغيتي زياة اتأجر الاقعده (( اليلسة)) مع الخلفية و الحنا كااامل
و سعرها رخيييص،، اذا بغيتي راسليني عالخاص بطرش لج رقمها.....

**الـغااويـه** · 2009-08-08, 01:36

كيف العرب ما يسوووون ؟؟

حبيبتي اعرااااااس اول كانت العروس تلبس اخضر .. وتلبس الذهب والبرقع واتغطي ويها .. وخلاف يدخل عليها ريلها في حجره اتكون مزينه للمعاريس .. ويفرش بشته .. ويصلي ركعتين شكر لله .. وخلاف يصلون الفير ويا بعض

وطبعا اعراسهم ما كانت ليله وحده بس شرات الحين .. كانت اعراسهم تمتد بالاسبوع .. حسب العوايل طبعا
اللي عندهم يسوون العرس اسبوع
واللي متوسطين الدخل يسوون على اربع او 3 ايام

اسمحيلي طولت عليج .. بس حبيت اوضح ان ليلة الحنه موجوده من الاصل .. ونحن العرب بعد انسوييه ^^

فديت روحج كل اللي اتسوينه انج تلبسين ثوب اخضر .. سيري فصليه
والقطعه لو اتكون تراثيه بعد احسن .. يعني مثلا بو تيله ..
واشتريلج ذهب .. مثل الطاسه والمرتعشر وغيره .. ولو ما ما قدرتي تشترين اجري ..

وسوي توزيعات تراثيه .. مثل الحنه وحلويات مال اول ..

وحاولي اتخلين كوشتج تراثيه .. يعني كل شي مال اول ..

واي استفسارات ثانيه انا حاضره فديتج ^^

**bestsmile** · 2009-08-08, 01:39

ليلة الحناء ينلبس فيها الثوب الخليجي واللي يكون لونه أخضر أو أصفر(ذهبي) المهم يكون ثوب مع طرحه كله مطرز ..بس هالأيام البنات غيروا شوي وقاموا يلبسون أحمر واللي تلبس هندي وغيرة ...يعني تقدرين تقولين ليله خليجية تراثية ...وبنات يلبسون طاسه(ذهب) اللي تنحط على الراس حتى العرب يسوونها بس يختلف من منطقة لمنطقة...بالنسبة للمكياج يكون بسيط والشعر مفتوح .... في ناس يتفنتكون في هذي الليله يعني وحده من الأهل سوت عريش وقعدت فيه ..وفي ناس وزعوا حنا وفي منهم وزعوا براقع وناس وزعت مهفات ..
بالتوفيج

**قانونيه** · 2009-08-08, 01:50

ماشالله البنات ما قصرن
بس بعد في عرايس يتحنن جدام الناس بليلة الحنا إلي أتكون قبل العرس بيومين
تقريبا و دوري اهني بالمنتذى بتحصلين مواضيع لعضوات عارضين صور لليلة الحنا
الله يهنيج

سلام

**غرنوقة89** · 2009-08-08, 01:50

العرب يسووون الغلا ,,
البنات كفن ووفن بالتوفيق حبوبة .

**كلي2وفا** · 2009-08-08, 02:05

ما شالله البنات كفن ووفن ..... وشو بنزيد لنزيد ما في شي نزيد عليه ..... غير إن حاولي اتيبين الأغاني اللي اتييج من غير موسيقى وتكون مالت أول وكلها ترمس عن حنا العروس يعني باختصار اغاني شعبية قديمة.. تلاقينها عند قوم الدي جي.... ومنو قال لج العروس تغطي ويها عادي لو تبين تظهرين ويهج ما فيه خلاف... نو بروبلم.... ونحن نسوي كوشة العروس فليلة الحنا بروحنا قوم أماية وهذيل كلهم يسوونها بروحهم يحطون قطع خضر وبراويز ومهفات وبراقع وهالسوالف التراثية الأولية وبراويز يكونن فيها آييات قرآنية بعد عسب لو ناسين يذكرون الله بيذكرونه وه ميقرون البراويز هعههععهع خدعة ها...وإن شالله أنا عرسي شهر 10.. وبخليهم يصورون وبعرض الصور فالمنتدى إذا ربنا راد......

والله يوفقج الغالية.....ويهنيج يا رب.....

ملاحظة بنات البنية حاطة الموضوع للنقاش وعسب تساعدونها مو لأن وحدة ردت برد ..>>>> الله يسامحها <<< بقول غير مهذب انكم تهاجمونها خلاص هيه وربها وفكرتها انتوا احدروا وردوا على موضوع صاحبة الموضوع وبس ما عليكم من ردود غيركم..... والسموحة لو تدخلت فشي ما يخصني....

**Reem 23** · 2009-08-08, 02:57

فديتكم والله ما قصرتو
و ارتحت من سمعت نصايحكم << كان بطني يعورني

**وردة غلااا** · 2009-08-08, 13:24

العرب ما يعرفون ليلة الحناء ؟؟؟؟؟؟؟؟؟

قبل العرس يتم 3 أيام الاربعاء والخميس والجمعه ... غير الدق اللي قبله باأسبوع
حلاة عروووووووووووووس

**حدي دلوعه** · 2009-08-08, 13:47

عاد انا متحمسه لليلة الحنا اكثر عن ليلة العرس

بقول لج انا شو بسوي..
طبعا برتب يلسه خليجيه تراثيه بالبيت وطبعا اللون يكون اخضر
وانا بلبس اخضر وبلبس ذهب بس ما بغطي ويهي.. بكشخ كشخه بسيطه بالبيت بروحي وبيلس وما بسوي شي
وخواتي واهلي كلهم متفقين يلبسون اخضر تراثي بعد.. وطبعا بنسوي عشاء للمعازيم
وحجزت فرقة حريم طقاقه ( دف وطبول بس ) وبنسوي توزيعات للحريم وهدايا لليهال

**وسط قلبه** · 2009-08-08, 18:37

البنات ماقصروو ^^

**احتاجك..** · 2009-08-08, 20:41

ماعرف السموحة منج^^

**وله بوظبي** · 2009-08-08, 21:10

عادي تلبسين دراعه ولا هندي اعرف وحده لبست فستان بس هادي
المهم يكون اخضر وتلبسين ذهبج اللي شريتيه واذا تبين زود اشتري ولا اجري
اهم شي لا تظهرين ويهج ولا تخلين حد يشوفج حلاته يشوفونج كاشخه فالعرس
انا الهندي مالي حق الحنا موجود اذا تبين بصورلج اياه وبطرشه لج
وصح نسيت لازم تسوين لج يلسه او تاجرين شرات الكوشه تكون بس اصغر ويكون لونها اخضر
ومخدات وحاله والله مادي من وين خذولي اياها ؟

الموضوع: ليلة الحناء ..

أدوات الموضوع

عرض

ليلة الحناء ..

المزيد من آخر المواضيع من نفس القسم:

المواضيع المتشابهه

ليلة الحناء

ليلة الحناء

أبا لبس حق ليلة الحناء