ولدهم بيضيع .. ومحد درابه

[.pure.]

السلام عليكم ورحمة الله وبركاته ..

بنات بخبركم سالفة ولد عم ربيعتي .. كانت دوم تسولفلي عنه انه يدخن وجي
المهم أبوه مره زخاه وضربه وتقول انه أم الولد تنكر .. تقول ولدي زين ولدي مافيه عيب
يعني الكل ما خذ عنه فكره انه يستحي واايد من يوم صغير ..

ع فكره الولد عمره ( 15 سنه فقط ) ...

طبعا الدواخه للحين ماهدها .. هذا كله يهون جدام اللي اكتشفته ربيعتي اليوم
يخبرها ولد خالة هالولد لأن يقرب لربيعتي ..
هم حاليا برع البلاد .. وهالولدين مع بعض في شقه ..
وباجي الاهل كل حد متوزعين في الشقق ..

الولد هذا يواعد بنااات .. مب مواعد مول وجي لا .. يواعدهم في الشقق
يعني يرقد ويا بناات ( سوري على هالكلمه ) بس هذا اللي مستوي ,,

ربيعتي عشان تتأكد ضافته ع المسن ، وللأسف عادي عنده يسولف وياها عن سوالف الجنس
وتعالي الشقه ومادري شو ....

باختصار مب مخلي وحده .. وكل هذا وهو ولد 15 سنه ، عيل يوم ال 20 شو بيسوي ..

وربيعتي من خلال كلامها وياه ع المسن ( ما بينت له انها تعرفه ) .. عرفت انه يمارس هالسوالف
حتى في البلاد ويا مواطنات أكبر عنه حتى ... وواايد سوالف ما تنذكر ..

ربيعتي تقول مستحيل أخبر أمه بيدخلوني في مشاكل .. حتى ولد خالته قال مالي شغل فيه
كل حد شل ايده من السالفه .. لأن اأمه دوم تحايز عنه وتنكر
أصلا مب عارفين كيف يخبرون أمه !!! محد متجرأ يرمس

مب عارفين شو يسوون وياه .. لأنهم مستحيل يخبرون عليه اهله .. السالفه فيها سين وجيم
وشدراكم وماعرف كيف ..

انتوا عندكم حل ؟؟؟ ولا ترا الولد مب ناقص ضياع أكثر من هالضياع اللي هو فيه

والسموحه

المزيد من آخر المواضيع من نفس القسم:

• لأنّه جعل الفقير ييعش مع المؤمنين لا مع...
• الإكتئاب طاعون العصر الحديث بحث مرجعي...
• كيف تكون إيجابيا ؟
• كيف تتعامل مع ذاتك بطريقة صحيحة؟
• كيف تقوي ذاتك؟
• كيفية تطوير الذات بطرق بسيطة
• افضل طرق لتطوير الذات وزيادة الثقة بالنفس
• اهم المهارات التي تحتاجها لتطوير الذات
• طرق تطوير الذات في مجال العمل
• اقتباسات ~ مُهرة القَصر

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[فديتني دلوعه]

الله يهديه ويهدي شبابنا

[طموحة]

لازم هله يعرفون ..الولد صغير ...المفروض الاهل يوعون ولدهم على هالسوالف اول شي حرام و ثاني ممكن

تيله امراض ..

لازم في طريقه ..حتى ولو مب مباشره ..و بعدين كيف امها ترضى تخلي ولدها في شقه بروحه ..

اعتقد هذا كله من اهمال الاهل و الدلع الزايد ..

الله يستر من هالجيل ..

[MAHA21]

خليها تواجهه وتعقول له انها عرفت كل شي وان ماورد بتخبر عليه

[حرمه يديده]

اسمحيلي اختي بس هالولد مب متربي على الاخلاق الزينه و لا انه محترم دينه و لا اعتقد انه يصلي .. و ها كله من الاهل لأن الولد توه يدش سن المراهقه .. الله يعين بس
ما عندي حل الصراحه بس لازم ترمسوووون او على الاقل تسوون حركه تكشفه من غير ما تبينون انكم تعرفون سوالفه عالأقل علشان لا تتورطوون اذا صارت مشاكل ..
الله يهديه و يهدي الجميع ان شاء الله

[twinckle]

لا حول ولا قوة إلا بالله

الله يهديه

[FrAsHa]

لا حول ولاقوة الا بالله

[سـآرهـ]

أختي لو انتي سكتي وولد خـآله سكت وتميتوا جي مافكـرتوا بمستقبل الولــد

حــرآآآم والله هو صغيــر وأكييد احد مخربنــه وفتح عيوونه على هالسوالـف

كيف يسـوي جي ومع اكبر عنـه يعني الولد ممكن يمــرض من هاييلا الاشكـآل

تلاحقـوآ على الولـد قبل لا يضيــع اكثر من جي ..,

[lailee]

لا حول ولاقوة الا بالله

[.pure.]

يزاكن الله خير
والله يا بنات محد راضي يدخل
يقولون مالنا شغل
خصوصا انه الام دوم تنكر وتحتشر يوم حد يرمس على عيالها
تقول انتوا تتبلون

ان شاء الله ينكشف بسرعه

[رهيـف]

أناا اقول انها تخبر امه واللي فيها فيها

خلها تعرف بخرابيط ولدها قبل مايطيح الفاس بالراس

ولازم توعيه دينيا للولد استغفر الله 15 سنه وجي

وحتى لو كانت النتيجه سلبيه المهم تكون سوت اللي عليها وبتكون توصلت على الاقل تخلي امه تشك فيه شوي او تحط مراقبه عليه

[m.m.s]

لا إله إلا إلا الله ولد صغيروني إعاشر بناااااات ..؟؟؟؟؟ كيف ....

[makeup_D]

والله حرام واهو في هالسن .. لازم ابوه يدخل عن يضيع

الله المستعان

[شوق الدار]

لا حول ولا قوة الابالله

[мόjяd έ7śąs]

لاحوول ولاقوة إلا بالله

بسني صدمات اليوووووووم =(

والله تفاجأة

الله يهدييييييييه ويهدي امه