من له الحق في تسمية المولود....؟؟؟

**dorra_88** · 2009-06-23, 15:25

السلام عليكم ورحمة الله وبركاته

شخباركم يا كروشات

؟؟

كل وحده تدخل اتقول لنا منو بيسمي ولدج او بنتج؟؟؟؟
يعني منو له الحق ان يسمي البيبي انتي ولا ريلج ؟؟؟؟

انا عن نفسي اشوف ان الحرمة اذا في خاطرها اسم تشاور ريلها يعني ان الطرفين لازم يكون راضي ع الاسم واذا كان البيبي ولد ريلي هو اللي يختار الاسم لا ن البيبي هذا هدية مني له سواء كان الاول اوالثاني او الثالث..

وسلامتكم

وانتوا شو رايكم

؟؟؟

المزيد من آخر المواضيع من نفس القسم:

**لوكل** · 2009-06-23, 15:26

اتفاق بين الاب والام وبس

**εїз** · 2009-06-23, 15:27

امممم بالنسبة لي أول مولودة كانت بنت وأنا أخترت الإسم وريلي وايد عيبه ف سميناها وان شالله المرة اليايه إذا حملت ويبت ولد إسمه موجود وريلي إختاره ونا وايد عايبني وإذا بنت أنا إقترحت على ريلي وهو عيبه وأهم شي يكون التفاهم موجود والأمور طيبة

إدعيلي الله يرزقني الذرية الصالحة عاجلا غير آجل

**مبروكين** · 2009-06-23, 15:28

الام والابو
ماحب اللي يدخلون فالاسامي

**احلى خلود** · 2009-06-23, 15:30

ما في احلى من الانتفاق بين الام و الابو

**غيابك اتعبني** · 2009-06-23, 15:43

انا بيسميه ابوه

بس المره اليايه اناااااااااااااااااا

**مجنونة ريلها** · 2009-06-23, 15:46

انا قالولي بنوته بإذن الله وقالي ريلي شو تبينا نسميها إقترحت عليه كذا إسم وعيبه إسم غلااااااا واحين فديته شغال أم غلا وأم غلا عسى الله يفرحنا بشوفتها يارب العالمين قولوا آمين

وقلتله لو الله رزقنا بإذن الله ولد عقب بخليك انته تسميه إن شالله قال لأ لازم أنا وانتي نتفق على اللي يعيبج قلتله
يصير خير إن شالله

والله يكتب اللي فيه الخير بس من رايي الزوجين هم اللي يتفقون ومايعيبني الأهل يوم يزعلون عسب ماسموا اسم هم راغبين فيه

لأن مرت أخوي أذكر كان اول مولود لنا في العايلة ولد اخوي المهم وكانوا متفقين يسمون ويوم يت حزت الولادة

تدخلت وحدة من أهلنا واحتشرت وحالتها لله وتمت زعلانة على حرمة أخوي كم سنة بسبة ماسمة على الإسم اللي هي تباه

جي انا أحمل واتعب وانتواتيون باردة مبردة و تسمون ولو ماسميت تزعلون هذه الناس اللي ماحبهم بصراحة

**أم فزاع** · 2009-06-23, 15:47

اسم الولد على الاب واذا بنت علي وطبعا نتفق على الاسامي...

يعني في اسامي اولاد ما احبها وقلت له اذا سميته والله لا اسمي ولدي او ازقره باسم اللي يعيبني ويحفظه

**اليافعيه** · 2009-06-23, 16:10

انا اقترح الاسم وريلي يعيبه وجيه
بس احس لازم الام تقتنع ميه بالاميه لانها هي الي تتعب

**x.maitha.x** · 2009-06-23, 16:21

انا ريلي قال اذا بنت بيسميها ع امه علياااا وانا اخترت اسم الولد سيف

**روزي حمرا** · 2009-06-23, 16:33

من السنه ان الاب هووو الي يسمي ,,,,,,والله اعلم

لكن الاتفااق بين الزوووجين حلووو

**ام شوق وعزوز** · 2009-06-23, 19:43

أنا أبغي أسمي فهد بس ريلي خاطره يسمي سلطان وبصراحه
ماأبغي أسمي سلطان عشان أخته مسميه سلطان بتقول ناقلينه
ما أبغي أجادله لانه حرام هو مسمي ولدي الاول على أسم أبوي
الله يرحمه فمابي أكسر بخاطره

**البنفسج((1))** · 2009-06-23, 19:46

الرضا بين الطرفين

**...(مريّة)...** · 2009-06-23, 20:28

الاتفاق حلو . .

**عيون قصيد** · 2009-06-23, 20:47

ما في احلى من الانتفاق بين الام و الابو

الموضوع: من له الحق في تسمية المولود....؟؟؟

أدوات الموضوع

عرض

من له الحق في تسمية المولود....؟؟؟

المزيد من آخر المواضيع من نفس القسم:

المواضيع المتشابهه

الحق علي قدني من الشوق بموت وان مالحقت الحق صلاه الجنازٍة > مدونتي

تسمية المولود بالاسم الحسن

الحق ما تلحق.. اكسسوارات ربيع و صيف 2009 وصلت ..من كل شي حبه ... الحق و خذ لك و اكشخ

تسمية المولود