شو أفضل حليب لعمر الــ10 شهووور؟؟؟؟؟

**قموووشه** · 2009-05-04, 19:15

السلام عليكم خواتي..

عندي بنت عمرها 10 شهور..رضعتها رضاعه طبيعيه لمدة شهرين(( للأسف لظروف صحيه خارجه عن إيدي!!))
ولنها كانت وايد ترجع وبطريقه فظيعه ، نصحني الدكتور بحليب نوفالاك ضد الإرجاع،، والحين وبعد ما وقّفت الإرجاع تقريبا وهيه بعمر ال6 شهور قمت أعطيها نفس الحليب بس نوفالاك العادي - رقم (1)..
المشكله إني أحس إن الحليب هذا ما يغذيها كفايه،، لأنها وايد ضعيفه ،، و وزنها مايزيد وايد..

ممكن تنصحوني شو أسوي؟؟ هل أغيّر الحليب؟؟ وإذا تعرفون حليب نوعيته زينه وما يسبب الإمساك ولا الإسهال ويساعد في زيادة الوزن ممكن تفيدوني؟؟

لأني مب عارفه كيف اتصرف..وايد محتاره ..((وخاصه إنها بنتي البكر))..

المزيد من آخر المواضيع من نفس القسم:

**قموووشه** · 2009-05-04, 20:26

محد رد علييّه؟؟!!!

عالأقل وحده ترد بليـــــــــز انا محتايه مساعدتكم ، لا تبخلون عليّه الله يرضى عليكم...

**سوارة** · 2009-05-04, 20:51

حبيبتي ما شاء الله على بنتج الحين كبيره عطيها سيريلاك او عيش مطحووون المهم تعطينها اكل وان شاء الله اتكووون صحتها زينه مب المهم المتن .......

والله يخليها لج

**موزة الغفلي** · 2009-05-04, 23:42

افضل حليب جربته لي ولدي وبنتي حليب الصحه واكليها فواكه واكليها من الاكل لي تاكلونه

**منذريه^_^** · 2009-05-05, 01:22

المفروض تبدين تاكلين بنتج من عمرها 4 شهور
اما عن الحليب حرمة اخوي تستخدم سميلاك 1 وولدها ماشاء الله عليه
بس كل طفل و طبيعة تقبل جسمه للحليب نصهم اييهم اسهال و نصهم امساك
فنصيحه من اخت سيري عند استشاري اطفال و اهو بيدلج ع الحليب الي بيفيد بنتج

و السموحه

**العيون السوود** · 2009-05-05, 07:29

هلا اختي
انا استعمل سيميلاك غين ادفانس الدكتوره مالت الاطفال نصحتني به لانه بنتي كانت ضعيفه وايد ولين الحين استخدمه بس رقم 2 لانه من 6 شهور لازم رقم 2 صدقيني بينفع سألي مجربه وبنتي الحين 10 شهور ولين الحين بعد استخدمي وماشاء الله علىبنتي غدت مربربه شويه ماشاء الله ووزنها اوكيه وبصحه وعافيه ولازم اختي تعطينها اكل مثل اكل ميلوبا ولا سيريلاك في انواع اكل للاطفال وايد وعادي بعد طعطينها من الاكل الي تاكلونه بس هرسيه شوي اذا ما عندها ضروس انا بنتي اهرسلها شوي لا تعطينها كله حليب في اكل وعصير مال الاطفال وجاي البابونج وانواع وايد من الجاي في الصدليات ومن غير الكاسترد والفواكه والمهلبيه وايد اشياء اختي ترومين تعطينها مب بس الحليب انتي جي بتيوعينها عشان جي ظعيفه
ما حبيت ادخل وما ارد عليج
والسموووحه على القصوور

**شذى الألحان** · 2009-05-05, 09:16

مرحبــا اختيــه ،،

جربتي تأكلينها عيـــش ميلووبااا ،، واايد مفيد وزيــن حقهــم ،، وشوي شوي دخلي لها الكاسترد والمحلبيه وهالسوااالف ،، والعصير بعد !!

حالة بنتي نفس حالة بنتج وايد ضعيفووونــه ،، والحين سويت لها تحاليل وبراجع الدكتور عشان يتابع لي حالتها وشكلي بغير لهاا الحليب ،،

مع انه واايد زين ،، استعمل لهاا بيبيلاك ،، بس بشوف لو شئ احسن لها ويناسبها اكثر ،، بسأل الدكتور اكيد وبرد عليج خبر ^_^

**لمعة خرز** · 2009-05-05, 09:52

اب اب

**قموووشه** · 2009-05-05, 16:51

المشاركة الأصلية كتبت بواسطة سوارة

حبيبتي ما شاء الله على بنتج الحين كبيره عطيها سيريلاك او عيش مطحووون المهم تعطينها اكل وان شاء الله اتكووون صحتها زينه مب المهم المتن .......

والله يخليها لج

هلا اخيتي..
مشكوووره فديتج عالرد،،بنتي تاكل مب أنها ما تاكل او اني ما أعطيها شي،، من دخلت الرابع وانا اعطيها سريلاك بكل أنواعه، وبالذات اللي بالتمر..واعطيها عيش مطحون ، وعصاير، وشوربه، وخضره، والحينه أعطيها من أكلنا..بس حجمها و وزنها مب مثل اللي بعمرها..فقلت يمكن من الحليب..
عالعموم مشكووره حبيبتي عالرد..

**قموووشه** · 2009-05-05, 16:53

المشاركة الأصلية كتبت بواسطة موزة الغفلي

افضل حليب جربته لي ولدي وبنتي حليب الصحه واكليها فواكه واكليها من الاكل لي تاكلونه

مشكوووره فديتج عالرد،، أعطيها فواكه وتاكل من أكلنا بس بدون ما يأثر فيها..فقلت يمكن من الحليب
شكلي لازم أراجع الإخصائي...

**قموووشه** · 2009-05-05, 16:57

المشاركة الأصلية كتبت بواسطة منذريه^_^

المفروض تبدين تاكلين بنتج من عمرها 4 شهور
اما عن الحليب حرمة اخوي تستخدم سميلاك 1 وولدها ماشاء الله عليه
بس كل طفل و طبيعة تقبل جسمه للحليب نصهم اييهم اسهال و نصهم امساك
فنصيحه من اخت سيري عند استشاري اطفال و اهو بيدلج ع الحليب الي بيفيد بنتج

و السموحه

مشكووره فديتج عالرد..
انا باديه أأكلها من زمان،، والحين تاكل من أكلنا بس ماشوف فيه اي تحسن من ناحية الوزن..اعطيها كل اللي ناكله بس مادري ليش ما تمتن عالأقل لو تصحصح شويه..فدار في بالي اني اغير الحليب وقلت بستشيركم..

**قموووشه** · 2009-05-05, 17:02

المشاركة الأصلية كتبت بواسطة العيون السوود

هلا اختي
انا استعمل سيميلاك غين ادفانس الدكتوره مالت الاطفال نصحتني به لانه بنتي كانت ضعيفه وايد ولين الحين استخدمه بس رقم 2 لانه من 6 شهور لازم رقم 2 صدقيني بينفع سألي مجربه وبنتي الحين 10 شهور ولين الحين بعد استخدمي وماشاء الله علىبنتي غدت مربربه شويه ماشاء الله ووزنها اوكيه وبصحه وعافيه ولازم اختي تعطينها اكل مثل اكل ميلوبا ولا سيريلاك في انواع اكل للاطفال وايد وعادي بعد طعطينها من الاكل الي تاكلونه بس هرسيه شوي اذا ما عندها ضروس انا بنتي اهرسلها شوي لا تعطينها كله حليب في اكل وعصير مال الاطفال وجاي البابونج وانواع وايد من الجاي في الصدليات ومن غير الكاسترد والفواكه والمهلبيه وايد اشياء اختي ترومين تعطينها مب بس الحليب انتي جي بتيوعينها عشان جي ظعيفه
ما حبيت ادخل وما ارد عليج
والسموووحه على القصوور

هلا اختي..
مشكووره فديتج عالرد..ويزاج الله خير ما قصرتي عالإفاده..
بس حبيت أخبرج اني مب ميوعه بنتي ههههه انا باديه اطعهما من هيه في الرابع، اعطيها سريلاك وعصاير وخضره وفواكه وتاكل من اكلنا الحينه بس اشوفها تطول ما تمتن فقلت يمكن من الحليب اللي ما منه فايده..فحبيت استشيركم

**قموووشه** · 2009-05-05, 17:08

المشاركة الأصلية كتبت بواسطة شذى الألحان

مرحبــا اختيــه ،،

جربتي تأكلينها عيـــش ميلووبااا ،، واايد مفيد وزيــن حقهــم ،، وشوي شوي دخلي لها الكاسترد والمحلبيه وهالسوااالف ،، والعصير بعد !!

حالة بنتي نفس حالة بنتج وايد ضعيفووونــه ،، والحين سويت لها تحاليل وبراجع الدكتور عشان يتابع لي حالتها وشكلي بغير لهاا الحليب ،،

مع انه واايد زين ،، استعمل لهاا بيبيلاك ،، بس بشوف لو شئ احسن لها ويناسبها اكثر ،، بسأل الدكتور اكيد وبرد عليج خبر ^_^

مشكوووره فديتج عالرد..
انا باديه اطعمها من هيه في الرابع..واعطيها عيش ميلوبا وكاسترد وعصاير..بس بعدها ضعيفونه وكل حد يعلّق عليها حرااام من يشوفونها يقولولي بنتج وااايد ضعيفه.!!! من جيه فكرت اني اغير الحليب

**قموووشه** · 2009-05-05, 17:09

المشاركة الأصلية كتبت بواسطة لمعة خرز

اب اب

مشكووره فديتج عالرساله،، وعالرفع..
يزاج الله خير الغاليه

**اتعبني@غروري** · 2009-05-06, 12:59

بيبيـــــــــــلااااااااااااااااااااااااك ...

الموضوع: شو أفضل حليب لعمر الــ10 شهووور؟؟؟؟؟

أدوات الموضوع

عرض