سؤال لبنات الشارجة

**بنت بوظبي** · 2007-03-05, 13:34

بنات بغيت اتخبركم من مركز العنود شو العبي عندهم اوكي لاني سمعت انه محلاتهم نفس اللي في عيمان مثل ايليت وماي فير ليدي التقليد طبعا

المزيد من آخر المواضيع من نفس القسم:

**مهندسه الشارجه** · 2007-03-05, 14:05

حلوه محلات العبي في مركز عهود ، انا دوم افصل عندهم لانه في ديزاينات حلوه

**جـــروح** · 2007-03-05, 14:46

معظم المحلات اللي عندهم في العهود موجودين في عيمان

**وضوحه** · 2007-03-05, 15:35

الصراحه نفس الشئ بالظبط وحرام ما فى كولتي فالشغل

**روعة الوجدان** · 2007-03-05, 15:40

مرحبااا خواتي

وين مكاانه مركز العهود .. أول مرة أسمع عنه

يعني هو مثل مركز بوهيل كله عبي ولا يختلف ..

**زوجة المرشدي** · 2007-03-05, 15:45

هلا حبوبه
انا ما فصلت للحين من مركز عهود بس خواتي فصلن الصراحه الشيول حلوة وايد واسعارها رخيصه

مركز عهود في منطقه سمنان مجابل الشهبا ومركز رياض الطبي

والسموحه

**بنت بوظبي** · 2007-03-05, 17:20

تسلمن خواتي صدق انكن راعيات فزعه وماتقصرن
بس هو اسمه مركز العهود ولا العنود؟

**قصايد الهاملي** · 2007-03-05, 18:11

الغاليه مووووووووووووووول مب شيء

**alaya** · 2007-03-05, 18:13

جنهم يايبيين سوق عيمان بس حطوه فالشارجة

اذا تدورين و تنبشين يمكن تحصلين شي

**جـــروح** · 2007-03-06, 01:02

اسمه مركز العهود وفقط للشيل والعبي

انا بعد ما عيبني شي بس عندهم محل في الطابق الثاني في الزاويه ما اذكر الاسم، الريال عراقي،،،،،عنده موديلات حلوه

ماشاءالله زادت المحلات في شارع سمنان من بعد مصرف ابوظبي الاسلامي إلين مركز عهود: خياييط جلابيات وملابس نوم، محلات عبي وشيل، خياييط الفساتين، محلات فساتين جاهزه، محلات اكسسوارات ومحلات عطور

**غلامور** · 2007-03-06, 15:52

مرحبا خواتي
أعرف بنت من الشارجة بدت مشروعها الجديد في الخياطة في البيت وشغلها واايد حلووعندها ستاف من الخياطين والماستر كتر ومصمم من ربع مايكل اللي تصاميمه تخبل أسعارها واااييد مشجعة وتحب أتساعد البنات اللي على وش جواز مثل مايقولون : كل اللي يخطر على بالك تخيطه من فساتين الزفاف إلى السهرة والأطفال والبيبيهات وقمصان النوم والتنانير والجلابيات وخاصةاالعبي والشيل وتستعمل ماركة الصالونة رقم 1 الأصلي والأنترنت وبرج العرب وممكن تفصلج وتخيط لج بالجملة بأرخص من أنج تشترين جاهز وإذا تبين رقمها فهو موجود عندي كلميني على الخاص

**حلوة المحيا** · 2007-03-06, 16:42

مركز العهود مووووووووووول مب شيء لا الموديلات ولا الخياطة

الموضوع: سؤال لبنات الشارجة

أدوات الموضوع

عرض