مدرسة البطين العلمية في أبوظبي

**بنت الملك** · 2009-04-24, 23:13

بغيت اسألكم اذا حد منكم عيالها في مدرسة البطين العلمية في ابوظبي ,انا بناتي الثنتين فيها ,المدرسه ممتازه من ناحية الدراسه منهجهم امريكي ووايد قوي , وملتزمين ما عندهم مادة الموسيقى يحفظونهم قرآن بنتي صف ثالث حفظت جزء تبارك السنة

ويسوون مسابقة سنوية لحفظ القرآن لكل المراحل يكرمون الحفظة, والاهتمام بالطلبة ممتاز بس من يوم ما تقاعدت مديرتها بداية هالسنة احس المدرسه اعتفست يعني ابدا مب نفس قبل وصاير فيها وايد تسيب,انا تعبت لين سجلت بناتي عندهم لاني كنت احسهم من احسن مدارس ابوظبي ومحتارة هل اخليهم واشوف يمكن يرتبون امورهم السنة الياية ولا اشوف مدرسه غيرهم ؟ ياليت امهات طلبة البطين العلمية يتفاعلون معاي

المزيد من آخر المواضيع من نفس القسم:

**بنت الملك** · 2009-04-25, 11:28

افااااااااا ..... ولا رد ....... معقولة ولا وحدة

**بنت الملك** · 2009-04-25, 13:55

معقولة ولا رد !!!

**أم الرياحين** · 2009-04-26, 19:14

أنا أشوف أنج تنتظرين شوي .... لأنه مديرتهم الحاليه زينه ومتعاونه ..... بس هم شوي شورهم مب في أيدهم لأنه المؤسسه متدخله في كل شي وهذا مسبب هالتغييرات .... بس على حد علمي ايقولون أنهم بيعطون ادارة المدرسه صلاحيات أكثر السنه اليايه ... فرأيي تصبرين شوي لأنج مثل ما قلتي مب سهل حد يدخل فيها .... وبعدين كل المدارس لها عيوبها

**زمردة العرب** · 2009-05-27, 22:51

أنصحك أختي تخلي بناتك بالمدرسة لأن المدرسة الممتازة والصراحة فيها جوانب رائعة ماتحصليها بمكان تاني على الأقل يهتمون بالدين والقران
لو كان في لخبطة شوي هي السنة اكيد بكون الوضع احسن العام الجاي
الصراحة المديرة اسابقة كانت شي روووعة حتى هده اوكي بس يمكن أنها اول السنة لها بعدين ييتحسن
وانصح كل الناس يودون أولادهم مدرسة البطين
اولأد اخواني فيها ويمدحونها كتيررررررر

**UAEcat** · 2009-05-28, 10:17

انا بنتي فيها وبصراحه من افضل مدارس ابوظبي وماراح تحصلين مثلها لا في الناحيه التعليميه والا الاخلاقيه

خلهم عزيزتي وماراح تندمين باذن الله

**بنت الملك** · 2009-05-30, 02:17

الغاليات..أم الرياحين ..زمردة العرب ..UAE cat يزاكم الله خير واسعدني تفاعلكم

**زمردة العرب** · 2009-05-30, 15:00

الله يخليلج بناتك ويوفقهم خليهم بالبطين وانت مطمنة ولاتنسي صلاة الاستخارة فهي تفيدك جداااااااا

**أم ابنائي** · 2009-06-01, 07:39

مرحبا

هاي المدرسة لين أي صف ؟؟

بنات بس والا في اولاد؟

التسجيل مستمر ؟؟

مع جزيل الشكر

**بنت الملك** · 2009-06-03, 20:31

أهلا عزيزتي ..المدرسة من كي جي 1 الى ثالث ثانوي...وهي للبنات فقط بس فيها أولاد لين ثالث ابتدائي ..وبالنسبة للتسجيل يعتمد عالمرحلة يعني الكي جي مثلا خلص التسجيل بس باقي المراحل حسب الاماكن المتوفرة ..أتمنى أكون أفتدج

**زمردة العرب** · 2009-06-09, 17:26

مبروك لمدرسة البطين تفوق طالباتها بالثانوية العامة حقا البطين علم ودين وأخلاق

**بنت ال علي** · 2009-06-25, 22:46

لو سمحتوااا بغيت أسألكم عن مدرسة المنهل شو رآآيكم فيهااا بليز سآعدووني

**بنت ال علي** · 2009-06-25, 22:48

بليييييييييييييييييييييز سااعدووونــــــــي,,.على رآآآآآآآآيكم ف مدرسة المنهل في أبوووووظبـــي

**cute me** · 2009-06-28, 01:09

للرفع

الموضوع: مدرسة البطين العلمية في أبوظبي

أدوات الموضوع

عرض

احترت فيج يا مدرسة البطين العلمية !!!

المزيد من آخر المواضيع من نفس القسم:

مدرسة البطين لاغير

المواضيع المتشابهه

عاااااجل البطين العلمية والظبيانية الخاصة

مدرسة البطين العلمية الخاصة

مدراسة البطين العلمية في ابوظبي

مدرسة البطين العلمية بابوظبي

رايكم في مدرسة البطين العلمية الخاصة للبنات ^_^