خواتي شو احلى سويسرا ولا استراليا ..

**بنت البر** · 2009-02-15, 23:36

السلام عليكم ورحمة الله وبركاته

خواتي انا اول مره اعزم على اوروبا وخاطري السنه انصيف في بلاد اوروبيه ..الحين انا محتاره وين احلى السويسرا ولا استراليا ..بس اهم شي عندي:

1-الجو ما احب البرد الشديد يعني احب الجو المغيم البارد اشوي والممطر
2- المناطق الطبيعيه شون احلى
3- شو بخصوص الشعب ..يعني مالهم خص فيكم ولا يبهدلونكم وخاصه اذا شافو عباه
4- وفي رايكم احسن نأجر سياره ونسوقها روحنا ولا ناخذ تاكسي

المزيد من آخر المواضيع من نفس القسم:

**بدر0البدور** · 2009-02-16, 12:17

سويسرا وااااااايد حلوة

**.:~pwncez~:.** · 2009-02-16, 12:21

سويسرا حلوة
استراليا يكون عندهم الشتا في صيفنا
و انتي ماتحبين البرد...
احسن تأجرون سيارة و فيها navigation لأن التكسي غالي اذا انتو تحبون تسيرون رحلات و تتجولون

**الغر الحشيم** · 2009-02-16, 12:37

سويسرا جنة الله في الأرض ^_^

انا رحت سويسرا بس ما رحت استراليا لكن حسب معلوماتي استراليا عندهم شتا في الصيف يعني الجو واايد بارد على عكس سويسرا اللي اجوائها بارده بروده لطيفة و معتدلة و جوها مغيم و فيها أمطار خفيفة يعني بإختصار ترد الرووح

بالنسبة للمناطق الطبيعية سويسرا احلى لان استراليا سياحتها أكثر شي تعتمد على الملاهي و البحر و المولات اما سويسرا كلها طبيعة و خضار و أنهار و شلالات و بحيرات

شعب سويسرا مسالم جداً و ناس طيبين و خدومين و في حالهم و ما يعلقون ابد على العباة و بالذات أهل الريف قمة في البساطة و الطيبة و اذا بغيتي اي مساعده ما يقصرون وياج

اما بالنسبة للمواصلات طبعاً احسن شي تستأجرون سيارة مع نفقيشن و تتمشون على راحتكم و تسيرون كل مكان و السعر بيطلع أرخص عن التكاسي بوايد لان التكاسي عندهم غالية ضو ..

شوفي تقريري عن مدينة بون عاصمة سويسرا : !|[ زيارة قصيرة إلى العاصمة السويسرية بيرن Bern بالصور ]|!

طبعاً انترلاكن و لوزيرين و جنيف احلى عن بيرن بواايد بس بعدني ما سويت تقارير عن هالمناطق يعني بيرن ولا شي بالمقارنة في انترلاكن ^_*

و السموحة على القصور ..

**al-talee** · 2009-02-16, 13:33

استراليا ...

انا سرت الثنتين ... والصراحه حبيت استراليا اكثر ...

وبردهم عادي مب هاك البرد ... اما سويسرا حليوه بس اكثرها طبيعه كل منطقها تقريبا نفس الشي ..

لكن استراليا اماكنها السياحيه اكثر حدايقهم وهالسوالف اكثر و بعد طبيعتهم حلوه ... رحلات السفاري بعد رووعه ..

ودي اسير استراليا هالسنه ^^

**UAE GURL** · 2009-02-16, 13:40

اذا ماتحبين البرد روحي سويسرا لأنه استراليا في الصيف وااااايد باااارده ومافيها طبيعه حلوه مثل سويسرا وصعب عليكم السواقه في استراليا لأنه الطرق معكوسه مثل لندن

**ام علاوي1** · 2009-02-16, 14:12

اذا معاج اطفال استراليا احلى فيها وايد اماكن ترفيهيه والسفاري بعد حلو وهي مب بارده فالصيف جوها معتدل ودوم مغيم وهي ارخص عن سويسرا واذا كنت تحبين الطبيعه فاسويسرا اكيد طبيعتها احلى

**ضحكة الدنيا** · 2009-02-16, 15:15

انا رحت استراليا من شهرين وسايرة سويسرا شهر 8 اللي طاف نصيحتي لج سيري سويسرا احلى من ناحية الطبيعة والجو وحتى الاماكن ودامج لاول مرة بتسيرين اوربا وحتى اقرب لج من استراليا لانها 14 ساعة في الطيارة تعب ومن ناحية الشعب سويسرا واستراليا اهلها حبوبين و في حالهم استراليا يمكن شوية تتلخبطين من ناحية الرقاد لانهم عكسنا صبحهم ليل عندنا وليلهم صبح عندنا من ناحية الاسواق البلدين اسواقهم حلوة بس احس استراليا ارخص ان شاء الله اكون افدتج

**بنت البر** · 2009-02-16, 16:19

مشكووورات خواتي والله ما قصرتن ..كفيتو ووفيتو..

بس سؤال اخيرررررررر وانا نسيت اسألكم وهو وايد مهم عندي

انا الله يسلمكم اكره اكره اكره شي عندي الطيــــــاره بمووووت من الزيغه منها بس بغيت اعرف كم ساعه من بلادنا الين سويسرا ومن بلادنا الين استراليا..

ولكمممممم الشكر الجزيل

الموضوع: خواتي شو احلى سويسرا ولا استراليا ..

أدوات الموضوع

عرض

خواتي شو احلى سويسرا ولا استراليا ..

المزيد من آخر المواضيع من نفس القسم:

المواضيع المتشابهه

كشمير الباكستانية احلى عن سويسرا Azad kashmir ....... !!!

شو احلى لزوجين بدون اطفال النمسا او سويسرا او لندن

بليز ابغي مساعدتكم خواتي عن سويسرا

سنغافورة ولا سويسرا ولا استراليا هممم؟؟؟؟؟

خواتي حــد فيكم سار سويسرا او يعرف شي عنها ؟؟؟