رحلة ^الدماني^ الى فندق أتلانتس - الجزء الأول Atlantis The Palm Dubai

**^الدماني^** · 2009-02-11, 01:14

قبل لا نسير الحج بيومين قال ريلي انه يبغي يسير يستجم قبل السفر ، فقررننا التوجه نحو أتلانتس

كان يوم الاربعاء الموافق 3 ديسمبر 2008

وهذا الجسر المؤدي إلى الفندق

شكل الفندق من جدام

أول ما توصلون تلقون كل هاذيل في استقبالكم

وتدخلون من باب الفندق الرهيب بزخارفه المستوحاه من البيئة البحرية

وأول شي يبهركم في الصالة هذي المنحوتة الزجاجية الأخاذة اللي تتوسط النافورة

وهذا شكل تفاصيلها عن قرب

وسكنا في THE EXECUTIVE SUITE في الطابق 12 ، جناح 430

وحطينا البطاقات على الطاولة

عشان اصور لكم الجناح ...

هذا المدخل

والصالة

وزاوية ثانية للصالة

بتفاصيلها الرقيقة

يتبع في الصفحة التالية Atlantis The Palm Dubai

المزيد من آخر المواضيع من نفس القسم:

**^الدماني^** · 2009-02-11, 01:15

طاولة الطعام

حمام الصالة ..

الباب المؤدي الى غرفة النوم

الشبرية

عيبني الكويلت وألوانه البحرية

وأيضا تفاصيله الرقيقة

وباب الحمام الملفت للنظر ..

منحوت على شكل موجات

وطبعا الحمام الفاره اللي بروحه SPA

والـ DRESSING ROOM اللي من كبرها تعتبر غرفة بروحها

يتبع في الصفحة التالية

**^الدماني^** · 2009-02-11, 01:15

وطول الوقت أقول حق ريلي خوز بأصور ، ويقول لي :"يعني أنا اللي أدفع وبعد أخوز ؟
انزين عالاقل صوريني عشان بنات المنتدى يشوفوني "! خخخخ

فقصيت عليه وصورته صوره من ورا وهو واقف في البلكونة خخخخخخخ

وهذي البلكونة

والاطلالة الحلوة على فروع جزيرة النخلة

في النهار

وفي الليل

والجسر المؤدي للفندق

في النهار ..

وفي الليل ..

والحديقة والقبة اللي تتوسطها

في النهار ..

وفي الليل ..

والحوض

في النهار ..

وفي الليل ..

وجانب الفندق

في النهار ..

وفي الليل ..

وبعدين سرنا الـ EXECUTIVE CLUB المفتوح لنزلاء الطابق فقط

وتناولنا ما لذ وطاب من اللذائذ

حتى الماي مالهم غير ...خخخخخ

يتبع في الصفحة التالية

**^الدماني^** · 2009-02-11, 01:16

وقدرنا نشوف سطح الاكويريم اللي يشتهر فيه الفندق من فوق

وهذا الشارك "سامي" اللي حكايته حكاية !

هذا سلمكم الله لقوه عدال الفندق يوم كانو يبنونه ،
تشان يشلونه من البحر ويحطونه في الاكويريم وسموه "سامي" ،

منوه اللي استخبر ؟
جمعية حقوق الحيوان ،

فالحين رافعين قضية على الفندق اسمها FREE SAMI يعني "حرروا سامي" !

عشان هذا النوع من الأسماك يعيش في البيئة البحرية فقط وبيئة الاكويرم ما تناسبه .

يوم بتسيرون ان شا الله صوروه قبل لا يردونه من وين يايبينه.

والحين باترككم مع التفاصيل الرقيقة اللي في الجناح المستوحاة من البحر...

الاضاءة المميزة

فوق طاولة الطعام

الأبجورة بلون البحر

وللحمام نصيب من الاضاءة الرومانسية

التسريحة ومنظرتها الراقية

عيبتني خزانة التلفزيون المموجة

زاوية حلوة

والتفنن في تقديم الاكل ......

الفواكه في ملة على شكل مرجان

باتشي في ملة كريستالية

راحة الحلقوم على حامل معدني

انتظرو الجزء الثاني من رحلة ^الدماني^ الى فندق أتلانتس !

**بنوته89** · 2009-02-11, 01:17

روووووووووووعة الغالية...موفقة

**missuae3003** · 2009-02-11, 02:09

روعه ماشاء الله الفندق وايد حلو

واحس مرافقه احلى من غرفه شو رايج الغاليه ؟

**غالية82** · 2009-02-11, 05:33

كشخة..ربي يسعدكم ويهنيكم

**^الدماني^** · 2009-02-11, 06:44

المشاركة الأصلية كتبت بواسطة missuae3003

روعه ماشاء الله الفندق وايد حلو

واحس مرافقه احلى من غرفه شو رايج الغاليه ؟

أنا الجناح وااااااايد عيبني ببساطته الراقية ، وتعرفين الصور ما تطلع كل شي ،
لكن المرافق روعه .. بتشوفينها ان شا الله في الجزء الثاني

**اصايل** · 2009-02-11, 06:53

بصرااااااحه وايد راقي

**Bent AlGharib** · 2009-02-11, 09:16

حلووووو ابا اسير من متى ودووم أأجل

**الغـر الحـشيم** · 2009-02-11, 09:38

نااااااااايس
حد يوديني ^_^
مشكوووووره حبوبه الل يوفقكم

**قصايد الهاملي** · 2009-02-11, 09:45

صراحه روووووووووووووووعه وايد خصوصا الحووض العود وانه قريب البحر بس طبعا ماينفع لنا نحن خخخخخخخخخخخخ للأجانب وغيره

وروووعه المنظر اللي يطل ع البلكون والجسر صراحه رووووووووووووعه

انا وايد سمعت عن هالفندق ف اي اماراه ؟

**ياقوتةخضرا** · 2009-02-11, 10:35

المشاركة الأصلية كتبت بواسطة قصايد الهاملي

صراحه روووووووووووووووعه وايد خصوصا الحووض العود وانه قريب البحر بس طبعا ماينفع لنا نحن خخخخخخخخخخخخ للأجانب وغيره

وروووعه المنظر اللي يطل ع البلكون والجسر صراحه رووووووووووووعه

انا وايد سمعت عن هالفندق ف اي اماراه ؟

في دبي ختيه .. في جزيرة نخلة جميرا..

**~ أم سيف ~** · 2009-02-11, 22:12

اختي بكم السويت الي يلستو فيه

**^الدماني^** · 2009-02-11, 22:28

المشاركة الأصلية كتبت بواسطة ~ أم سيف ~

اختي بكم السويت الي يلستو فيه

هذيج الايام كان بحدود 12 الف لليلة الواحدة ،
لكن الحين ما أعرف اذا السعر نزل والا مثل ما هو ..
بس بصراحة يستاااااااااااااهل

الموضوع: رحلة ^الدماني^ الى فندق أتلانتس - الجزء الأول Atlantis The Palm Dubai

أدوات الموضوع

عرض

رحلة ^الدماني^ الى فندق أتلانتس - الجزء الأول Atlantis The Palm Dubai

المزيد من آخر المواضيع من نفس القسم:

المواضيع المتشابهه

رحلة ^الدماني^ إلى فندق قصر الإمارات - الجزء الأول

رحلة ^الدماني^ الى مومباي - الجزء الأول (فندق ترايدنت بالصور)

رحلة ^الدماني^ إلى فندق أتلانتس - الجزء الثالث والأخير Atlantis The Palm Dubai

رحلة ^الدماني^ إلى فندق أتلانتس - الجزء الثاني Atlantis The Palm Dubai