( الأعراض ) قد تختلف بين الحمل والاخر ( رغم تشابه جنس الجنين )

[بنّونه]

هلا اختي حطيتلج الاشياء اللي فيني ف حملي هذا ويوم سرت سويت سووووناااار قالولي فيج بنت ولين الحين مب مصدقتنهم ابغي اعرف ف اي شهر ينعرف اذا ولد ولا بنت ؟؟

سبحان الله ..
تختلف الاعراض من وحده للثانيه ..

الدكتورة تقول ..
إذا كان ولد، ينعرف من البداية .. في نهاية الشهر الثالث ..
يعني في الاسبوع الـ 15
>> ولو اني اشوف انه توّه الناس ..

يكون واضح في الاسبوع الـ 17 اللي هو نهاية الشهر الرابع ..
والأكيد - إن شاء الله - في الاسبوع الـ 18 ..

ما شاء الله بعض الدكاتره شطار ..
ويقدرون يعرفون جنس الجنين في مرحلة متقدمه من الحمل ..

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[بنّونه]

هيه شكل جسم الحرمة هو يحدد شكل بطنها في الحمل

ذكرتيني بوحده - الله يذكرها بالخير ..
عندها 3 بنات ..
وكل حد يشوفها يقول:

بطنج لو ينطق، جان قال: انا ولد ..

وكانت تقول:انا ضعيفه .....
يعني شي طبيعي يكون بطني بارز وينشاف ..
وما ينفرش على الجوانب ..

وفي النهاية فعلاً: يابت بنت، رغم انه شكل بطنها كان يوحي بإنه ولد ..

[بنّونه]

قالوا .. وقلنا .. وفعلاً احترنا ..

حد يقول ..
إذا سرتي عند الدكتوره في الشهور الأولى ..
وشفتي في السونار أنه:

( شكل كيس الجنين ) >> المساحه اللي فيها الطفل

على شكل هلال = ولد
دائري مثل القرص = بنت

هل لاحظتِ هالشي وطلعت النتيجه صحيحه؟
وإلا هي مجرد أقاويل ...

[بنّونه]

قالوا .. وقلنا .. وفعلاً احترنا ..

وبعد حد يقول ..
خلال فترة الحمل إذا كان الألم أكثر شي متمركز في الظهر = فهو ولد ..

[little lulu]

قالوا .. وقلنا .. وفعلاً احترنا ..

حد يقول ..
إذا سرتي عند الدكتوره في الشهور الأولى ..
وشفتي في السونار أنه:

( شكل كيس الجنين ) >> المساحه اللي فيها الطفل

على شكل هلال = ولد
دائري مثل القرص = بنت

هل لاحظتِ هالشي وطلعت النتيجه صحيحه؟
وإلا هي مجرد أقاويل ...

هيه انا طلعلي على شكل هلال انشالله ولد يارب

[أم عبـد الرحمن]

الشي الي كنت مقتنعه فيه ويصي لكثير من الحريم ,,, وعقب تبين لي انه غلط

انه اذا نزل دم وقت الولاده معناته ولد
واذا نزل الماي اول يعني بنت

انا بالولد ولبنت نزل علي دم
يعني الاعراض تختلف من حمل لحمل ولا تعتمد على جنس الجنين

[بنّونه]

هيه انا طلعلي على شكل هلال انشالله ولد يارب

يا هلا بـ لولو الصغيره ...^_^

انا اتوقع انه المثانه يوم تكون متروسه - وانتوا بكرامه - تضغط على الرحم
وبدورها تضغط على كيس الجنين ..
وهذا اللي يعطيه الشكل الهلالي ..

توافقيني في هالراي ؟

[بنّونه]

الشي الي كنت مقتنعه فيه ويصير لكثير من الحريم ,,, وعقب تبين لي انه غلط

انه اذا نزل دم وقت الولاده معناته ولد
واذا نزل الماي اول يعني بنت

انا بالولد ولبنت نزل علي دم
يعني الاعراض تختلف من حمل لحمل ولا تعتمد على جنس الجنين

يا حيا الله ام عبد الرحمن ^_^

معلومه ناتجه عن تجربه ..
ونضيفها إلى خلاصه استنتاجاتنا ..

وعلى ذلك نقول:

(( نزول الدم قبل الماء او العكس وقت الولادة = ليس له علاقة بجنس الجنين ))

مشكوره حبيبتي على الإضافه والفائده ..

[little lulu]

يا هلا بـ لولو الصغيره ...^_^

انا اتوقع انه المثانه يوم تكون متروسه - وانتوا بكرامه - تضغط على الرحم
وبدورها تضغط على كيس الجنين ..
وهذا اللي يعطيه الشكل الهلالي ..

توافقيني في هالراي ؟

حرام كنت مصدقة عمري قلت انشالله ولد خخخخخخخخخ

بس صدقج اعتقد هالسبب و الله اعلم

[مدام دورا]

اسلوبج واااايد حلو وراقي في طرح الموضوع

عني أنا
في نهاية الخامس حسيت بنبض تحت السره وكان وحامي قوي
وينزل ضغطي وكنت أحب الحمضيات مثل اللومي يخوز عني اللوعه
وتوحمت على شبس لييز بالملح والخل.......
وأتذكر وحده من قرايبنا يوم شافت بطني .. حلفت أنه فييه ولد خخخخخخخخخ

ويبت بنت

[بنّونه]

حرام كنت مصدقة عمري قلت انشالله ولد خخخخخخخخخ

بس صدقج اعتقد هالسبب و الله اعلم

فديتج! لا لا افرحي وما عليج من رمستي

أنا كنت طول الوقت >> ( قبل موعد الدكتوره )
أدردع وأشرب ماي، لين ما احس اني بنطرّ

ومااااشي ..
كيس الرحم مُصِر انه يتم إمدوّر شرات القرص ..
>>> رغم امتلاء المثانه ...

يعني قد يكون تخميني خاطئ، متأرجح بين الصواب والخطأ ..
كلها هنا مجرد افتراضات نبني عليها حقائقنا

[امونة2006]

الله اعلم ....ومشكورة على الموضوع

[بنّونه]

اسلوبج واااايد حلو وراقي في طرح الموضوع

عني أنا
في نهاية الخامس حسيت بنبض تحت السره وكان وحامي قوي
وينزل ضغطي وكنت أحب الحمضيات مثل اللومي يخوز عني اللوعه
وتوحمت على شبس لييز بالملح والخل.......
وأتذكر وحده من قرايبنا يوم شافت بطني .. حلفت أنه فييه ولد خخخخخخخخخ

ويبت بنت

( استحيت ) >> أوي أوي

تسلمين يا الغاليه
جعلني الله خيراً مما تظنون، وغفر لي ما لا تعلمون ..
يزاج الله خير على حسن ظنّج وتعاملج الطيب ..

الاعراض:

نبض / حركة ..
في وقت ( متأخر ) من الحمل = بنت
وحام قوي = ايضاً أجمعنا انها بنت

بس اليديد، واللي اليوم ضفناه لقائمتنا:
حب الحمضيات = طلع عندج بنت، وفي الغالب .. يقولون >> وياكثر ما يقولون

يقولون:

حلويات = بنت
موالح وحوامض = ولد

عاد يالله ...
كل يوم بنشوف تجارب الخوات وبنطلّع الخلاصة ..

[بنّونه]

الله اعلم ....ومشكورة على الموضوع

الله يعلم ما تحمل كلّ أنثى وما تغيض الأرحام وما تزداد وكلّ شيء عنده بمقدار

صدق الله العظيم ..

[قصايد الهاملي]

احترت ؟؟؟ يعني لازم الحامل ينزل عليها دم اذا كانت حامل ؟؟؟؟