طريقـــــه سريعـــــــه لتبييض الاسنان

[الخجولة 2008]

السلام عليكمورحمه الله وبركاتـه


ابي طريقه سريعه و مجربه لتبييض الاسنان؟؟؟؟؟؟؟؟؟؟؟؟؟

وهل تنصحوني اسوي ليزر ؟؟

الله يعطيكم الصحه و العافيه

المزيد من آخر المواضيع من نفس القسم:

• نصائح لمنع شحوب البشرة في رمضان
• اهم فوائد غسول الوجه للبشرة
• فوائد زيت بذور العتب السحرية للبشرة حصري
• افضل ماسكات ماء الورد للعناية بالبشرة الدهنية
• افضل نوع سيروم للبشرة الدهنية
• روتين العناية بالشفايف
• فوائد صابونة الكركم للبشرة وطريقة استعمالها
• ابرز فوائد زبدة الشيا السحرية للبشرة حصري
• ابرز فوائد كبسولات فيتامين (E) للبشرة
• افضل ماسكات قشر البرتقال للعناية بالبشرة

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[الخجولة 2008]

للرفع

[طفراااانه]

انشاء الله البنات ما بيقصرن

[دلع بسنع]

انا سويت ليزر والنتيجة وااااو وصارلي سنة الحين وبعدهن بيض..

[فساتيني]

هالطرق خذتها من المنتدى^^

بعض من طرق تبييض الأسنان التي يمكن استخدامها في المنزل:

1. اصنعي معجونا من عصير الليمون والملح وضعيه على الأسنان.

2. افركي الجزء الأبيض الداخلي من قشرة البرتقال في الأسنان المشوّهة لإعطائها لمعانا أبيضا رائعا.

3. استعملي معجون بياكربونات الصودا مع الماء بشكل منتظمة لإزالة اللطخات السطحيّة عن الأسنان.

4. استعملي أوراق الغار المجفّفة والمطحونة مع قشرة البرتقال المجفف لتبييض الأسنان

ولكى تزيل هذا الأصفرار دون
أن تلجأ لطبيب يمكنك أستخدام هذه الحلول المقترحة:-

تنظيف الأسنان بمعجون أسنان جيدا صباحاً و مساءً يومياً

الإكثار من تناول عصير الفراولة فهو يساعد على تبييض الأسنان

تدعك الصفرة بعصير الليمون على قطعه قطن..
ويكرر ذلك يومياََ حتى يختفي الاصفرار

تدعك الأسنان المصفرة بمادة بيكربونات
الصوديوم (يتم شراؤها من الصيدلية)،
مع مراعاة عدم الإفراط في استخدامها,
لأن ذلك يؤثر على سلامة اللثة والأسنان

-في بداية اليوم أغسلي أسنانك بمعجون أسنان للتبييض من اي نوع انت تحبي مثلا crest whtening عشان تبقى بيضاء ويزيل الاصفرار

-بين فترات اليوم اغسلي فمك بغسول المخصص للفم مثل colgate plax وشئ وأحد حاولي تسويه في الاسبوع مرتين تأخذي ماء دافئ وشوي ملح وتغسلي فمك مع الغرغره وممكن تضيفي أي نكهة معقمة ومعطرة مثل الهيل بودر أو القرفة بودر( يعني مطحونة وناعمة) وكذا يعقم المكان .

-تأخذي فرشاة ناعمة ناعمة ناعمة جدا وتمرريها رايح جاي على اللسان يعني كأنك تمسحي البلاط لانه اللسان سجادة الفم لازم نكنسها ( امزح ) .

-خصصي فوطة أو قماشة قطنية صغيرة تمسحي بها الاسنان بعد كل وجبة لتحصلي على لمعة وبراق بس دون حك كثير بهدوء.

- في المساء حاولي تغسلي أسنانك بمعجون بنكهات مختلفة ويا كثرها في السوق مثل التفاح والليمون والنعناع والشوكلاته....الخ عشان يعزز رائحة الفم عند قربك من زوجك .

-خصصي أذا حبيتي علبتين جميلتين على طاولة التسريحة اوالسرير وضعي فيهم حبات من اللبان او القرنفل وخذي حبة بعد غسل أسنانك لتكون الرائحة زكية .


واذا كلت لازم تفرش اسنانها عدل وتاخذ لها قرنفل او هيل مطحون وتخلطه مع العسل وتبدى

تنظف اسنانها فيه

ورق النعناع الطازج بعد رهيب للريحة


حبيبتي فيه بودره للأسنان من ماركة الجذور تلقينها في الجمعية تبيض الأسنان بشكل فضيع خلطيها مع المعجون تعطيج بياض للأسنان وريحة حلوة ومكوناتها من السواك والفحم
الغاليه بسحبيت أضيف إضافه من عندي في أنواع من السبراي مخصص للفم بنكهات النعناع وغيره تحصلونه ينباع بصيدليات وسعره 22 درهم واسمهsmart breath وعلبته صغيرونه حلوه حق شنطه فنان وايد بس مايدق عود هههه


و تنظيف اللسان المفروض يكون مع كل تنظيف للاسنان .. لان مثل ما الاكل يتراكم على الاسنان يتراكم بعد على اللسان


في مضمضه عن جد خطيره و اغلب الاهل عندنا يستخدمونها و انصحكم اتجربونها اسمها Corsodyl

و انصح عقب الوجبات تمضغون ورق نعناع مثلا حلو يعطي انتعاش للفم
امم استعمال الخيط بعد ضروري ..و تنظيف الاسنان طبعا يكون بالطريقه الصحيحه و يكون بعنايه مب ضرابه!
و لا تنسون الطرف الدخلي للاسنان ..
و شرب الماي وايد زين .. لان الجفاف شي سلبي >.<

موضوع جدا مهم وازيدكم من الشعر بيت بعد تخلطين زيت زيتون مع الهيل المطحون وتدهنين اسنانج عقب تغسلينهم بالمعجون يعقم لج الفم

ويالغاليه قولي لها تاخذ 10 حبات هيل و10 حبات قرنفل وتطحنهن ويا بعض في الخلاط زين ما زين يعني تخليه بودره وعقب اتييب دهن عود اصلي 100% شوي ربع توله او نص توله المهم وتخلط وياه الهيل والقرنفل المطحون وتحطه في علبه وكل يوم في الليل يوم تبا ترقد او تخلص اكل تاخذ منه وتمرره ع اسنانها كامل بلسانها من جدام وورى وفوق وتحت وان شاء الله تفيد وياها هالطريقه وبتلاحظ حتى يوم تنش من الرقاد ريحه حلجها دهن عود هههه شو تبا بعد

هالطرق كلها للأسنان والفم مسجلتنها عندي ان شاء الله تفيدج






انا مره نصحني دكتور لأني كنت أبا أسوي تبييض قال ماتحتاجين لأن أسناني انا طبيعيه مش صفره لكن اباها واااايد تكون بيضه

المهم قال مع الأيام مب زين لأنه ياخذ من لون الأسنان الطبيعي

يعني يمكن عقب يتأثر واللون يرجع يتغير أكثر أتوقع مافهمت عليه عدل




لكن أشوف الكل يسوي والنتايج حلوه


وأفكر أسوي بعد فتره^^هههههه



اذا جربتي فيدينا



بالتوفيج

[أنا بدر البدور]

.....

[العنيدة بكيفي]

نظفي اسنانج بالليموون

يعني هاتي ليمونه

ومرريها ع اسنانج

بتتنظف وبتبيض وبتحسي ثمج نظيف ووتحسي بإنعااش

[رآآقيه]

ماقصرن خوآتي

[N-H]

ومافي افضل من سنة حبيبنا عليه الصلاة والسلام : السواك

[وردة الخور]

عسل ويا معجون اسنان وتلق اسنانج بس ثلاث ايام او اربع مب زين اكثر

[× كوكو ×]

ماعرف اذا الليمون اوكي ولا لا؟؟؟
لانه هو اسيديك يمكن يضر الاسنان

[رسايل البحر]

المداومه على استخدام معجون للاسنان