سوفت لايت والا لايت بلس وشو غيرهم........احترت ساعدوني

**Meira** · 2007-01-20, 03:21

هلا

ابا اعرف من تجربه كل وحده منكن شو احسن الطرق من اللي ذكرتهن لإزاله الشعر. جربت الايت بلس عند نيلز ابوظبي جلسه للويه ب 700درهم يطيح الشعر هذيج الساعه ويطلع بعد شهرين بس يباله اكثر من جلسه ..بس اشوف الحريم في المنتدي يطرون نوع ثاني اسمه سوفت لايت....حيرتونا ...ابا مساعدتكم.:1 (25):

المزيد من آخر المواضيع من نفس القسم:

**زكية الذكية** · 2007-01-20, 03:31

انا أعرف الليزر واللايت .... السوفت لايت ما سمعت عنه !!

يمكن هو نفسه بس الاسم التجاري يختلف من مكان لين ثاني .. ؟؟ مادري

**bent_dxb** · 2007-01-20, 04:57

الغاليه انا جربت السوفت لايت اشقر الشعر وبعد اسبوع الطيح بس الشعر يرد يطلع مره ثانيه بعد شهر ويباله كم جلسه بس انا سويت جلسه وحده ماحسيت بتغير

**منّايه** · 2007-01-20, 12:19

عزيزتي جربت الاثنين مع أني الحمدلله ماعندي مشاكل بس جذه هذيج الأيام الكل يسوي ليزر وسوفت لايت ونحن وياهم ..

الليزر هو اللي يخف الشعر أو يخليه ماينبت .. بس الليزر وايد مؤلم بطريقه فظيعه
من غير يبغيله تقريبا من سنه لين سنه ونص .. ماتطوفين أي جلسه
بس الزين اللي فيه أنه عقب ماتطلعين من الجلسه ويهج نظيف مافيه أي شي لا حساسيه ولا غيره
لأنه أنا من اللي يحسسون بسرعه
مشكلته الوحيده أنه أرف .. أول شي يشيلون الشعر بالموس .. والألم شو بقول شرات قرصة مكان كل شعره .. لكن هو هذا الأفيد .. سويت جلستين ووقفت .. لأنه حق اللي عندهم مشاكل شعر غليظ وغيره وغيره ..

السوفت لايت أخف بوايد .. لكن السوفت لايت مايشل الشعر .. وعادي عقب ماتوقفين بفتره جنج ماسويتي شي
تقريبا سويت 7 أو 8 جلسات والله ماذكر .. مافيه أي ألم .. لأنه شرات المكينه اللي تطلع صوت بس .. لكن يشقر الشعر وعقب فتره تحسين يطيح من تحجينه
لكن من أطلع من الجلسه ياخذلي 3 أو 4 أيام ويهي محمر وحبوب وبلاوي .. هذا مع استخدام الكريم اللي عطوني إياه .. لكن عقب 4 أيام كل شي طبيعي
لكن هذا حق اللي شعرهم خفيف .. وأرد اقول مره ثانيه .. مايشل الشعر نهائيا

كله يعتمد على المنطقه اللي تبين تشلين الشعر فيها .. وغلظ الشعر عندج

واللي شعر ويهم خفيف لاتتهورون وتسوون لا ليزر ولا حتى سوفت لايت .. لأنه ماشي فايده

**((( أم مهرة )))** · 2007-01-20, 15:50

لا هذ ولا هذاك صدقينيه أعرف وحده سويته ستوت شروات العيوووووووووووووووووووز ويه مجعد والبنت عمره 22 تتوقعين ورب البيت انه يلعب بالبشره لعب ويرخي ويهدل الجلد نصيحة محب لج ..

**Meira** · 2007-01-20, 21:24

انا اللي اطريهintense Light Puls وهو جهاز يشل الشعره هذيج الساعه ويعور ويقولون على كم جلسه يروح الشعر....هذا اللي اريد اقارنه مع الاجهزه الثانيه.

**الدبه** · 2007-01-20, 23:09

لااااااااااااااااااااااااااااااااااااااااااااااااا اااااااع لسوفت لايت ؟؟؟#_# استخدمته وفي الجلسه الرابعه ظهرلي حب مب بس فويهي وفرقبتي لدرجة اني بروجي جزيت نفسي ولين رحت اتعالج عنه خذت تقريبا اسبوعين ....يعني باختصار ابتعدي عن السوفت لايت هذه نصيحه من اخت تحبلج الخير

ودمتم سالمين

الموضوع: سوفت لايت والا لايت بلس وشو غيرهم........احترت ساعدوني

أدوات الموضوع

عرض

سوفت لايت والا لايت بلس وشو غيرهم........احترت ساعدوني

المزيد من آخر المواضيع من نفس القسم:

المواضيع المتشابهه

سوفت لايت

سوفت لايت في بوظبي ساعدوني

سوفت لايت..........

؟؟؟ سوفت لايت ؟؟؟

سوفت لايت ولا ipl