تصويييت الصبغ او ورق الجدران

**pink-girl** · 2008-10-14, 01:02

السلام عليكم

حبيت اعرف كل وحده ورايها

هل إتأيدين الصبغ ولا ورق الجدران

وشو الاسباب

المزيد من آخر المواضيع من نفس القسم:

**algalb** · 2008-10-14, 01:08

بصراحه ورق جدران داااااارج واشكاااااله رووووعه وسعره شوي مرتفع بس اهم شي تحافضون عليه من اليهال لانه لو احد قصه او شي بيخترب

انا أأيد ورق جدران وناويه اسوي بغرفتي ان شاء الله

**احلى الاسامي** · 2008-10-14, 01:08

يسعدني اكون اول وحده ترد
وموضوعج حلوووووووووو
انا عن نفسي افضل الصبغ.....
لاني قبل جربت الورق....مع الوقت احيانا..يفج من الجدار بسبب الحراره او الرطوبه
وبعد اذا كان في يهال ...مابيقصروون

**RE-TRY** · 2008-10-14, 01:50

و عليكم السلام و رحمة الله و بركاته

طبعا ورق الجدران ــ لأن الخيارات مفتوحه عندج و الأشكال شكثرها

أما الصبغ مش و لا بد ،، للحين ما ارتقى للمستوى الفني الراااائع

^^

**pink-girl** · 2008-10-14, 01:51

انا خاطري في ورق الجدران بس كل حد يقولي جونا ما يساعد رطوبه و ويتبطل الورق والصبغ يديم اكثر

وتسلمون خواتي عالمشاركه الطيبه

**ام اعقوص** · 2008-10-14, 01:53

الصدق الصبغ في صبغ مثل ورق الحيط

***حور بوظبي*** · 2008-10-14, 02:05

ورق الجدران فيه تنوع وممكن تبدعين فيه أكثر..

لكن الصبغ عملي أكثر..

موفقة اختي

**أم كاكي** · 2008-10-14, 09:30

شوفي اختي ما عندج ياهل اتوكلي وحطي ورق جدران

بس اذا قدرتي تدمجين بيكون حلووو

ورق جدران + صبغ

مثل هاي الصور

**قلب من ورق** · 2008-10-14, 10:07

أنا عن نفسي افضل الصبغ لانه عملي اكثر اما ورق جدران احس انه مب عملي وعلى حسب وين تحطينه يعني في صالات واماكن معرضة للرطوبة والحرارة واليهال عوار قلب لانه بسرعة يخترب

**ام مريم ومحمد** · 2008-10-14, 10:44

انا ما افضل ورق الجدران لان الفواصل تبين ، وبعد مو عملي خاصة اذا بيت في يهال .. وبعد الحراه والرطوبه ما تقصر .....

انا افضل رسم ع جدران ..... احسسه وايد حلو
مع احترامي

**rotag6** · 2008-10-14, 12:07

انا عن نفسي احب اعمل ميكس بينهم-----يعني معظم الغرفة صبغ---وحائط واحد اعمله ورق جدران--وبتحصلين عالنت مواقع للديكورات--عاملين حاجات تجنن

لان الورق لحاله احسه يكون زحمة--لكن لو حائط واحد يبرز الغرفة---وطبعا دي اراء --ولو اختلاف الاراء لبارت السلع

لو عاوزة مواقع للديكورات وتحسينها عربية طرشيلي عالخاص وبرسلك اسمائهم

**MRSA** · 2008-10-14, 12:10

ورق الجدران ^_________^
تقدرين تختارين الشكل واللون اللي تبينه .. ارتب وانظف وارقى من الصبغ

**ظبية_الإمارات** · 2008-10-14, 12:18

الإثنين حلوين في نفس الوقت بس مثل ما قالوا خواتنا ورق الجدران متطور الحينه أكثر وياي على أشكال وايده مثل القماش والمخمل وأشياء ثانيه تخلي الإنسان ما يتخيل إنه ورق جدران لكن له سلبيات مثل الحرارة والرطوبه والأطفال إذا عرفوا وين مصدر لصقه نتفوه وعموما الصبغ بعد الحينه ياي على أشكال كثيرة بعد ممكن دمجه مع ورق الجدران أما بخصوص الصبغ طبعا معروف إنه ممكن ينغسل إلا توصخ أو لا وعموما الرأي يرجع لج إختى لأنه كل شي يعتمد على الذوق وعلى حسب الحالة اللي عندج ....

**:DeheN 3ooD:** · 2008-10-14, 13:44

ورق الجدران فيه تشكيله أكثر و أشيــاء روعــه ^.^

.
.

النوعيه الزينه تطول ,
والعمال اللي عندهم خبره في التركيب بيظبطونه أحسن

.
.

و ممكن دمج ورق الجدران ويا الصبغ في غرفه وحده ^.^

**$العامرية$** · 2008-10-14, 14:01

انا افضل الصبغ يدوم أكثر والحين في الوان وايد روووعه ويروم الواحد يبدع فيها

الموضوع: تصويييت الصبغ او ورق الجدران

أدوات الموضوع

عرض

تصويييت الصبغ او ورق الجدران

المزيد من آخر المواضيع من نفس القسم:

المواضيع المتشابهه

الصبغ وورق الجدران ..

ورق الجدران + الصبغ بالصووور

شو اخر موديل لورق الجدران او الصبغ

محتااااارة بين الصبغ أو ورق الجدران .. عطوني رايكم ..

الصبغ ولا ورق الجدران ؟